Англид айскрем эсвэл Францад глясе идлээ гэж яриад байхгүй мөртлөө Италийн Желато гэж яриад байдагт нь заримдаа гайхмаар. Тэр желато чинь бусад мөхөөлдөснөөс юугаараа ялгаатай юм бол?
Желато– Итали мөхөөлдөс
Раунд 1: Ойлгомжтой
Италиас орчуулахад желато нь үнэнхээр мөхөөлдөс гэхдээ түүнийг тусгай десерт гэж үздэг. Желатог десерт эсвэл бие даасан хоол ч гэж үзнэ. Учир нь орцонд нь үхрийн сүү, жимс, өндөгний шар, шоколад, самар багтдаг.
Жорыг нь Сержио Дондоли гэх хүн анх зохиож, түүгээрээ багагүй ашиг олсон гэдэг. Нэгд тэр өөрийн их сургуулиа нээсэн ба түүнд Желато үйлдвэрлэлд сургадаг. Хоёрт, тэр өөрөө ес бусын тоног төхөөрөмжийг нь бүтээжээ.
Тэгвэл мөхөөлдөсийг яаж нэрлэх вэ? Жишээ нь АНУ-д баримтжуулснаар тийм нэрийг 10 хувиас илүү сүүн тостой бүтээгдэхүүнийг энэ нэрээр нэрлэж болно. Тухайлбал, сүүн өөх тос нь 9,4 хувь бол “ice-cream-ын амттай” бүтээгдэхүүн болох нь. Мөхөөлдөсний үйлдвэрлэлд улс орон бүрт өөрийн стандарт бий. Гэхдээ ерөнхийдөө бараг адилхан.
Раунд 2: Нууц жор
Гол нь агаарт. Сержио Дондоли гэрээслэхдээ, түүнийг холиход, бага тос хийж, агаар нэвтрүүлэхийг нь аль болох бага байлгах хэрэгтэй гэсэн юм. Мөсжүүлэхгүйн тулд холин хөргөөхдөө дандаа хутгаж бай гэж тэр сургажээ. Агаарын хөөс нь сүүний тосонд орж бүтээгдэхүүнийг сийрэгжүүлдэг учраас агаарын “орц” 50 хувиас хэтрэхгүй байх ёстой гэж тэр заажээ.
Раунд 3: Орон нутаг
Италид энэ десертийн хэдэн арван төрлөөр үйлчилдэг Желатери гэх тусгай газрууд байдаг. Үүний олон хувилбар гадаад орнуудад бий. Тухайлбал, Москвагийн Кафе-желатерия Casa Leone-д желатогийн 70 орчим амт үргэлж байгаа. Энд яргай загас ба цагаан мөөг оруулсан желато байгаа. Ер бусын амттай.
Мөн л Москвад байгаа желатерия Пломбир гэж байгаа.
Маэстро Сержио Дондоли энэ желатерийн жорыг өөрөө зохиосон гэх. Тэнд намар гэхэд хулууны желато, өвөл нь улаан манжин, бөөрөлзгөнө, базиликийн амттай десерт амсаж болох ажээ.
Харин Улаанбаатрын желато гэж Итали нэртэй десерт яг л “зайрмагны амттай” санагдсаныг нуух юун. Ямартай ч аманд итали маягаар хайлан амтлагдахгүй шүү.
М.ЦОГТ
