Шведийн тамирчин Арман Дюплантис тус улсын Уппсала хотын битүү цэнгэлдэх хүрээлэнд болсон Mondo Classic хөнгөн атлетикийн дэлхийн цуврал тэмцээний үеэр тулгууртай харайлтын дэлхийн дээд амжилтыг 15 дахь удаагаа шинэчлэн тогтоолоо.
Тэрбээр өчигдөр 6 метр 31 сантиметрийн өндөр дээгүүр харайсан байна. Ингэснээр өнгөрсөн оны 9 дүгээр сарын 15-нд Токиогийн ДАШТ-ий үеэр өөрийн тогтоосон дэлхийн рекордыг /6,30 м/ эвджээ.
Өдгөө 26 настай Дюплантис Токио болон Парисын Олимпын наадмуудад түрүүлснээс гадна 2025 онд гуравдахь удаагаа дэлхийн аварга болж, задгай талбайн /6,30 м/ болон битүү цэнгэлдэхийн /6,27 м/ дэлхийн дээд амжилтуудыг тогтоосон юм.
Арман Дюплантисын амжилтын товчоон:
2020 — 6,17 м, Турин (Итали)
2020 — 6,18 м, Глазгоу (Шотланд)
2022 — 6,19 м, Белград (Серб)
2022 — 6,20 м, Белград (Серб)
2022 — 6,21 м, Южин (АНУ)
2023 — 6,22 м, Клермон-Ферран (Франц)
2023 — 6,23 м, Южин (АНУ)
2024 — 6,24 м, Шямын (БНХАУ)
2024 — 6,25 м, Парис (Франц)
2024 — 6,26 м, Хожув (Польш)
2025 (2 дугаар сар) —6,27 м, Клермон-Ферран (Франц)
2025 (6 дугаар сар) – 6,28 м, Стокхольм (Швед)
2025 (8 дугаар сар) – 6,29 м, Будапешт (Унгар)
2025 (9 дүгээр сар) – 6,30 м, Токио (Япон)
2026 (3 дугаар сар) – 6,31 м, Уппсала (Швед).
