x

АНУ-ын сонгууль 2020: Пенс Ковидыг үл харгалзан сонгуулийн сурталчилгаагаа үргэлжлүүлсээр байна

АНУ-ын дэд ерөнхийлөгч Майк Пенсийн ахмад туслах Марк Шортын ковид-19 шинжилгээний хариу эерэг гарсан ч сонгуулийн сурталчилгаагаа улайран явуулж байна.

Түүний хэвлэллийн төлөөлөгч сонгуулийн сурталчилгааны завгүй хуваарийг хадгалахаар төлөвлөж байна гэж мэдэгдэв.

Мөн дэд ерөнхийлөгч, нэр дэвшигч Ноён Пенс болон түүний эхнэрийн шинжилгээний хариу ням гаригт сөрөг гарсан гэж ажлын албанаас мэдээллээ.

Халдварын тархалт дээд цэгтээ хүрсэн энэ үед кампанит ажлууд гол цөм болж байна.

Тэрээр урьдчилсан санал хураалтад аль хэдий нь 59 сая орчим саналын хуудсыг хүлээн аваад байна. Энэ бол АНУ түүхэнд шуудангаар хүлээж авсан саналын түүхэн дээд амжилт юм.

Ерөнхийлөгч Доналт Трампттай ерөнхийлөгчийн суудлыг төлөө Ардчилсан намаас өрсөлдөгч дэд ерөнхийлөгч асан Жой Байден үндэсний санал асуулгын дунджаар найман оноогоор тэргүүлж байна.  Гэхдээ хэд хэдэн чухал мужуудад санал хураалтын дүн ойролцоо байна. Мөн эцсийн хариу товлосон 11 дүгээр сарын 3наас хойш гарч болзошгүй байгаа тул үүсээд байгаа нөхцөл байдалтай уялдуулан сонгуулийн дүнг тааварлахад эрт байна. 

Майк Пенс юу хийж байна вэ?

Ноён Пенс - Цагаан ордны коронавирусийн ажлын хэсгийг удирдаж байгаа бөгөөд түүний эхнэр Карен нар "эрүүл саруул" хэвээр байгаа гэж түүний хэвлэлийн төлөөлөгч Дэвин О'Малли мэдэгдэлдээ дурджээ.

"Дэд ерөнхийлөгч Пенсийг ноён Шорттой ойр дотно харилцаатай гэж үздэг боловч Цагаан ордны эрүүл мэндийн албатай зөвлөлдсөний дагуу дэд ерөнхийлөгч чухал ажилчдад зориулсан CDC [Өвчнийг хянах, урьдчилан сэргийлэх төв] удирдамжийн дагуу хуваарийн дагуу ажиллана" хэмээлээ.

Эдгээр арга хэмжээнд нь шинж тэмдгийг тогтмол хянах, маск зүүх зэрэг ордог. Мөн энэхүү удирдамжид Ковид-19-тэй хүнтэй ойр дотно харилцаатай байсан хүмүүс 14 хоногийн турш өөрийгөө тусгаарлах ёстой гэж заасан байдаг.

Гэвч Цагаан ордны Тамгын газрын дарга Марк Мидоус CNN сувгаар ярихдаа ноён Пенс дэд ерөнхийлөгчийн хувьд "зайлшгүй" үүргээ үргэлжлүүлэн гүйцэтгэсээр байгаа боловч кампанит ажлынхаа үйл ажиллагааг хэрхэн "чухал" ангилалд багтааж болохыг тайлбарлаагүй байна.

Ноён Пенс өнгөрсөн бямба гаригт Флорида дахь сонгуулийн сурталчилгааны нэг өдрийн дараа Вашингтон ДС-д буцаж ирэхдээ маск зүүсэн харагдсан бөгөөд ноён Шортын оношийг олон нийтэд зарласны дараа AP агентлаг мэдээлэв.

Энэ сарын эхээр Ардчилсан намаас дэд ерөнхийлөгчийн албан тушаалд нэр дэвшигч Камала Харрис багийнхаа хоёр гишүүний шинжилгээ эерэг гарсны улмаас кампанит ажлын аяллаа түр хугацаагаар зогсоосон. Хэдийгээр тэдгээр ажилчид сенатчийн ойр дотно холбоотой хүмүүс биш ч гэсэн урьдчилан сэргийлэх зорилгоор ийм шийдвэр гаргасан гэж тайлбарлаж байсан.

Үүний зэрэгцээ хэвлэл мэдээллийн хэрэгслээр Пенсийн зөвлөх Марти Обст болон бусад дор хаяж хоёр ажилтнаас саяхан шинжилгээний хариу эерэг гарсан гэж мэдээлэв. Эдгээр тохиолдлууд Ерөнхийлөгч Трамп вирусийн халдвар авч эмнэлэгт хэвтсэнээс хойш гурван долоо хоногийн дотор гарсан тул олон асуултууд дагуулж байна.

Дэд ерөнхийлөгч ням гаригийн үдээс хойш Хойд Каролина мужийн Кинстон хотод жагсаал хийхээр төлөвлөжээ.

Сонгуулийн сурталчилгааны мөрөөр өөр юу болж байна вэ?

Нью-Хэмпшир дэхь дэмжигчдэд хандан Ерөнхийлөгч Д.Трамп өвчний тохиолдол огцом нэмэгдэж, эмнэлэгт хэвтэн эмчлүүлэгсэд нэмэгдэж байгаа ч гэсэн АНУ цар тахлын эсрэг хариу арга хэмжээг сайн авч байгаа гэсэн үгээ давтлаа.

"Бидэнд вакцин байна, бидэнд бүх зүйл байна. Вакцингүй ч гэсэн бид ээлжийг тойрч байна" гэж ерөнхийлөгч дэмжигчдэд хандан хэллээ. Тэнд цуглагдагсдын олонх нь маскгүй, тэр бүү хэл зай барих гэдэг ойлголт ч үгүй байгаа мэт харагдлаа.  

Эмнэлзүйн туршилтаар одоогоор нэг ч вакцин хийж дуусаагүй байна. 

Ням гаригт Хойд Каролина, Огайо, Висконсин мужуудад сонгуулийн кампанит ажилд оролцсон Ерөнхийлөгч Трамп ирэх мягмар гаригт Мичиган, Висконсин, Небраска руу явахаасаа өмнө даваа гаригт Пенсильванийн хоёр жагсаал дээр гарахаар төлөвлөжээ.

Харин Жо Байден ням гаригт олон нийтэд зориулсан хуваарьгүй байна. Хэвлэлийн төлөөлөгчдийн хэлснээр тэрээр нэгэн сүмийн үйл ажиллагаанд оролцох бөгөөд дараа нь виртуал арга хэмжээнд оролцох юм байна.

Бямба гаригт Пеннсильванийн Бристол хотод болсон нэгэн арга хэмжээний үеэр тэрээр ерөнхийлөгчийн бодлогын улмаас Ковид-19-оор олон тооны америкчууд нас барсан гэсэн гол санаагаа хэлээд үргэлжлүүлэн: "Бид өөрсдийн арга барилаа өөрчлөхгүй бол өвөл тун хэцүү болно" гэжээ. 

Хатагтай Харрис, ням гаригт Мичиган мужийн Детройт хотод сонгуулийн сурталчилгаа хийсэн ноён Пенсийг сонгуулийн аяллаа түр зогсоохгүй байна гэж шүүмжиллээд, "Тэр удирдамжийг дагаж мөрдөх ёстой" гэж хэлэв.

АНУ-ын ихэнх муж улсууд аль нэг намыг хүчтэй дэмждэг тул ерөнхийлөгчид нэр дэвшигчид тус арав шахам "байлдааны талбар" мужуудад анхаарлаа төвлөрүүлдэг.

Мичиган, Висконсин, Пенсильвани, Флорида, Огайо, Хойд Каролина зэрэг мужуудаас Бүгд найрамдах нам болон Ардчилсан намаас нэр дэвшигчид хоорондоо солигдож байсан тул хамгийн нөлөө бүхий муж улс гэж үздэг. Мөн энэ муж улсуудад сонгуулийн үр дүнг шийддэг коллежийнхний саналын тоо илүү өндөр байдаг байна.

Ноён Байден тулалдааны гол талбарт ноён Трампаас ялимгүй давуу байр суурьтай байгаа бөгөөд Флорида, Хойд Каролина мужууд санал асуулгын дундаж дүнгээс үзэхэд онцгой нягт харагдаж байна.

Коронавирус сонгуульд хэрхэн нөлөөлж байна вэ?

Жон Хопкинсийн Их Сургуулийн мэдээлснээр улсын хэмжээнд 8.5 сая гаруй халдвар бүртгэгдсэн бөгөөд бараг 225.000 хүн нас баржээ. Энэхүү дэгдэлт нь шуудангаар болон биечлэн санал өгөх санал хураалтанд эрс мэдэгдэхүйц нөлөөлжээ. 

АНУ-ын халдварт өвчний шилдэг мэргэжилтэн, доктор Энтони Фаучи BBC-д ярихдаа "аюулгүй, үр дүнтэй" болох нь батлагдвал Ковид-19 вакциныг АНУ-д оны эцсээс өмнө авах боломжтой, гэхдээ эхний тунг тэргүүлэх ач холбогдлын дагуу эрүүл мэндийн ажилчид зэрэг чухал хүмүүст өгөх болно гэжээ.

Тэрээр вакциныг олон нийтэд өргөн хүртээмжтэй болох хүртэл буюу "2021 оны эхний хагас хүртэл хэдэн сарын хугацаа шаардагдана" гэжээ.

Ноён Мидовс CNN-д өгсөн ярилцлагадаа Трампын кампанит ажилд яагаад жагсаал цуглаанд оролцож байгаа хүмүүсийг заавал маск өмсөхийг шаарддаггүй талаар асуусан юм.  Тэрээр оролцогчдод маск санал болгосон боловч "бид чөлөөт нийгэмд амьдарч байна" гэж хариулдаг гэжээ. Мөн "Бид цар тахлын тархалтын эсрэг хяналт тавихгүй. Вакцин, эмчилгээний болон бусад хөнгөвчлөх хэсэгт хамрагдаж байгаа зэрэг илүү анагаах асуудалд анхаарал хандуулах болно" гэж ноён Мийдов нэмж хэлсэн байна.

Ноён Байден уг ярилцлагад хариу мэдэгдэл хийхдээ Цагаан ордон "ялагдлын цагаан туг"-ыг мандуулж байна гэжээ.

Бү.Лхамаа

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Сайжруулсан шахмал түлшийг орон нутаг руу авч явахгүй байхыг анхааруулав 5 цаг 53 минутын өмнө “Нэг хот-Нэг стандарт” 365 хоногт 6 цаг 0 минутын өмнө БАЯНЗҮРХ ДҮҮРЭГ: Өрх бүрээс нэг иргэнийг коронавирусийн шинжилгээнд хамруулах 6 цэг 6 цаг 5 минутын өмнө Зорилтот бүлгийн нийт 1150 өрхөд хүнсний багц олгоод байна 6 цаг 12 минутын өмнө Баянголд бүртгэгдсэн тохиолдлууд ойрын болон дам хавьтлуудаас илэрсэн, голомтлон үүсээгүй 6 цаг 19 минутын өмнө Гуравдугаар эмнэлэг шаардлагатай тусламж, үйлчилгээг цаг алдалгүй үзүүлж байна 6 цаг 27 минутын өмнө Маргаашаас эхлэн өрх бүрээс нэг иргэнийг коронавирусийн шинжилгээнд хамруулна 7 цаг 47 минутын өмнө Номын шүүмжлэгчид 2020 онд хэвлэгдсэн ном болон цаг үеийн талаар хөөрөлдлөө 10 цаг 14 минутын өмнө Ерөнхий сайдын "хуурамба" 11 цаг 55 минутын өмнө Б.Баяраа: Б.Бямбасайхан, Д.Ганболд нар гэмт хэрэг хийгээгүй 12 цаг 8 минутын өмнө Барын зулзагыг дээр нь 12 цаг 37 минутын өмнө Зэвсэгт хүчний санхүүгийн эх үүсвэрийг нэмэгдүүлэх тухай хуулийн төсөл өргөн мэдүүлэв 12 цаг 40 минутын өмнө Энхтайваны гүүрэн дээр нэг өдөрт хоёр осол гарлаа 12 цаг 53 минутын өмнө Хонг Конгийн жагсагчдад барьсан “ХҮЙТЭН ХАРИУ” 13 цаг 5 минутын өмнө Сумъяа Гамбит 13 цаг 19 минутын өмнө А.Амбасэлмаа: Өчигдрийн мэдээллийн үеэр ташаа мэдээлэл хэлсэндээ хүлцэл өчье 13 цаг 48 минутын өмнө Самар түүхээр явсан 500 орчим иргэнийг Баруун түрүүн товчоогоор нэвтрүүлэв 15 цаг 39 минутын өмнө Нийслэл зөвхөн цахим албан бичиг хүлээн авдаг болно Уржигдар 17 цаг 41 минутад Төрийн хяналтаас илүү түмний ухамсарт найдах үлдлээ Уржигдар 17 цаг 36 минутад Сайжруулсан шахмал түлшний үнийг 50 хувиар буурууллаа Уржигдар 17 цаг 31 минутад
iИх уншсан
Х.Тэмүүжин: 10 тэрбумын барьцаа шаардсан шүүгч албан тушаала... Төсвийн хоригийг парламент эсэргүүцсэн ч иргэд дэмжинэ Монгол угсаатныг нэгтгэх бас нэгэн оролдлого Амар тайван байх нь амьдралын зорилго Барын зулзагыг дээр нь Ерөнхий сайдын "хуурамба" Б.Баяраа: Б.Бямбасайхан, Д.Ганболд нар гэмт хэрэг хийгээгүй Жижиг улс том зорилготой байх ёстой С.Амарсайхан: Татвар нэхэж, дарамтлах байцаагчдаа тат, зогсо... Хөл хорионы дэглэмийг бууруулж хугацааг сунгалаа Хуульч Б.Баяраа: Үндсэн хуулийн Цэц улс төрийн захиалга биел... Ядуу байх тусам удирдахад амар Ерөнхийлөгч өргөн мэдүүлсэн Шүүхийн тухай хуулиудаа татан ав... У.Хүрэлсүх: Сайн сайхан зүйл яриад тэдэн саяыг өг гэж болно.... "Хонгилын цаадах хонгил" илчлэгдэв үү "НДШ төлдөггүй албан хаагчийн тээврийн хэрэгсэлд QR код олго... Д.Сумъяабазар: Өндөр эрсдэлтэй учраас согтууруулах ундаатай ... Р.Амаржаргал: Монголд мөнгө байхгүй биш, хуваарилалт нь улс ... Бага градустай согтууруулах ундааг борлуулах шийдвэрийг Хоты... ФОТО: Гишүүн бүрийн ширээнд хамгаалалтын хаалт тавьжээ
Top