Чуулганы хаалттай хуралдаанаар УИХ-ын гишүүдийн олонхи /30:28/ Н.Номтойбаярын бүрэн эрхийг түдгэлзүүлэх санал өгсөн ч, түдгэлзүүлсэн тухай УИХ-ын тогтоолыг батлахаар ил санал хураалт явуулахад гишүүдийн олонх нь татгалзсан санал өгч, тогтоолын төслийг унагасан билээ. 

Үүнээс болж МАН-ын бүлэг чуулганаас завсарлага авсан бөгөөд УИХ дахь МАН-ын бүлгийн дарга Б.Тогтохсүрэн энэ тухай "Тогтоолын төсөл батлагдсан батлагдаагүй УИХ-ын шийдвэр гарсан. Н.Номтойбаярын бүрэн эрхийг түдгэлзүүлсэн" гэв. 

Д.Тогтохсүрэн: 

-Нэгэнт санал хураалтын дүн гарсан учраас асуудал шийдэгдсэн. Тогтоолын төслийг албажуулах бол хэлбэр төдий зүйл. Н.Номтойбаяр гишүүн чөлөөлөгдөх хүсэлтээ өгнө гэж хэвлэл мэдээллийн хэрэгслээр мэдээлсэн байна. Хэрэв ийм хүсэлт гаргавал мөн л намын бүлэг, байнгын хороод, чуулганы хуралдаанаар хэлэлцэнэ.