Дэлхийн дуурийн урлагийн ноён оргил Ж.Вердийн “Аида” дуурь УДБЭТ-ын тайзнаа энэ сарын 2,3-ны үдэш тоглогдох гэж байна.
Дөрвөн бүлэг, долоон үзэгдэлт уг дуурь нь зохиолын цар хүрээ, найрал дуу, марш, хөгжмийн бүрэлдэхүүн зэрэг нь далайцтай, Францын их дуурийн онцлог бүрийг тусгажээ. “Аида” дуурьт Нил мөрний эрэг дайн дажны хөлд өртөж боолчлогдсон Этиопын гүнж Аида, түүнд дурласан Египетийн цэргийн жанжин Радамес болон түүнтэй сүй тавьсан Египетийн гүнж Амнерис нарын хайрын гурвалжинг хурц зөрчилтэйгөөр үзүүлдэг.
“Аида” дуурь манай УДБЭТ-ын тайзнаа 2011 онд анх тавигдсаж байсан юм. Тэр үеэд Эпиопын гүнж, олзны бүсгүйн дүрд МУГЖ С.Мөнгөнцэцэг тоглож байжээ.
Энэ удаа тоглох дүрүүдийн та бүхэндээ танилцуулж байна. 
Алдарт хөгжмийн зохиолч Жузеппе Фортунато Верди уг дуурийг 1871 онд Египетийн хааны хүсэлтээр, шинэхэн дуурийн театрын нээлтэд зориулан бичжээ. Ийнхүү зул сарын өмнөх өдөр Каирын театрт анх тавьсан “Аида” дуурь дэлхий дахины сонгодог театруудын урын санд заавал багтдаг гайхамшигтай бүтээл болсон байна.
