Тайландын зүүн хойд нутагт суудлын галт тэрэгний дээрээс барилгын өргөгч цамхаг унасны улмаас 32 хүн амиа алдаж, хэдэн арван хүн гэмтэж бэртсэн байна.
Уг осол орон нутгийн цагаар лхагва гаргийн 9:00 цагийн орчимд, нийслэл Бангкок хотоос зүүн хойд зүгт 230 км-ийн зайд, Накхонратчасима мужийн Сикхио тойргийн нутаг дэвсгэрт болжээ.
Тус мужийн цагдаагийн газрын дарга Татчапон Чиннавонг-ийн мэдэгдсэнээр, хурдны төмөр зам барих ажлын үеэр нийслэлээс Убонратчатхани мужийн чиглэлд явж байсан галт тэргэн дээр өргөгч цамхаг унасан байна. Тээврийн сайдын ярьснаар, галт тэргэнд 195 зорчигч байсан бөгөөд тэд кранд дарагдсан гурван вагоны хоёрт нь сууж явжээ.
Амиа алдаж, гэмтэж бэртсэн 80 орчим хүний хамгийн бага нь нэг настай, хамгийн ахмад нь 59 настай хүмүүс байв.
Одоо ажиллаж буй төмөр замын дээгүүр өндөр хурдны галт тэрэгний зам барих үеэр өргөгч цамхаг нурж унасан байна.
Ослын шалтгааныг нухацтай мөрдөн шалгахын тулд Тайландын Төмөр замын газрын даргыг дуудан ирүүлсэн тухай Тээврийн сайд Пипхат Ратчакитпракарн мэдэгдлээ.
Эх сурвалж: BBC
