“Электрокем Монгол” компанийн хар тугалган батарейг дахин боловсруулах үйлдвэр өчигдөр нээлтээ хийлээ.
Тус үйлдвэр нь жилд 12000 тонн хар тугалган батарейг хоргүй технологиор дахин боловсруулах хүчин чадалтай. Үйлдвэрийн түүхий эд нь хуучин аккумулятор бөгөөд дахин боловсруулж, хар тугалган гулдмай бэлтгэн экспортод гаргах юм.
Тус үйлдвэр нь байгаль орчинд ээлтэй, ногоон технологи ашигладаг, өнөөдөр дэлхий дээр ажиллаж байгаа хамгийн орчин үеийн үйлдвэрүүдийн нэг болж байна.
Монгол улсын MNS 6783:2019 стандарт болон Олон улсын ижил төстэй үйлдвэрүүдэд тавьдаг шалгууруудыг бүрэн хангасан, үйл ажиллагаанаас технологийн хаягдал гарахгүй. Ашигласан усаа үйлдвэрлэлийн циклд дахин ашиглахаас гадна нэмүү өртөг шингэсэн хуванцар бүтээгдэхүүн болон гөлтгөнө зэрэг бусад дайвар бүтээгдэхүүн үйлдвэрлэх юм.
