Үндэсний Статистикийн Хорооноос мэдээлснээр улсын нэгдсэн төсвийн нийт орлого, тусламжийн хэмжээ энэ оны эхний хоёр сарын урьдчилсан гүйцэтгэлээр 5.4 их наяд төгрөгт хүрсэн нь өмнөх оны мөн үеэс 2.4 (78.4%) их наяд төгрөгөөр өссөн байна.
Төсвийн тэнцвэржүүлсэн орлого тусламжийн хэмжээ 5.1 их наяд төгрөгт хүрчээ. Үүнийг өмнөх оны мөн үетэй харьцуулбал 2.3 их наяд төгрөг буюу 83.1 хувиар өсжээ.
Харин нийт зарлага, эргэж төлөгдөх цэвэр зээлийн хэмжээ 2024 оны эхний хоёрдугаар сард 3.8 их наяд төгрөгт хүрч, тэнцвэржүүлсэн тэнцэл 1.3 их наяд төгрөгийн ашигтай гарчээ.
