x

Н.Энхбаяр: Энэ оны төсвийн орлого эрсдэл өндөр байж болзошгүй

"Дэд бүтэц, гадаад зах зээлийн нөхцөл байдлаас хамаараад ирэх оны төсвийн орлогод эрсдэл өндөр байж болзошгүй"

Энэ парламентын отгон чуулган энэ долоо хоногт ажлаа эхэлнэ. Хаврын ээлжит чуулганаар хууль тогтоолын 40 гаруй төслийг хэлэлцэн шийдвэрлэхээр төлөвлөсний дотор Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуулийн төсөл багтсан байна.

Төсвийн хуульд зааснаар Эдийн засаг, хөгжлийн яам дунд хугацааны төсвийн хүрээний мэдэгдлийн төслийг Төсвийн тогтвортой байдлын зөвлөлөөс ирүүлсэн таамаглалд үндэслэн боловсруулж, дөрөвдүгээр сарын 15-ны дотор Засгийн газарт хүргүүлэх ёстой.

Тэгвэл ирэх оны төсвийн орлогыг хэрхэн төсөөлж байгаа талаар УИХ-ын дэргэдэх Төсвийн тогтвортой байдлын зөвлөлийн дарга Н.Энхбаярын байр суурийг сонслоо.

Н.Энхбаяр:

-"Сүүлийн гурван жилийн хугацаанд манай төсвийн орлого сайн бүрдэж байна. Экспортод гарч байгаа түүхий эдийн хэмжээ өндөр байна. 2023 онд 65 орчим сая тонн нүүрс гаргасан. Энэ оны төсвийг ч гэсэн маш өөдрөгөөр төсөөлсөн байгаа. Жаран сая тонн нүүрс гаргана, төсвийн орлогын 30 хувийг уул уурхайн салбараас бүрдүүлнэ, 25 их наяд төгрөгийн орлого бүрдүүлээд 27 их наядын зарлага гаргана гэж байгаа.

Гэвч энэ орлогыг бүрдүүлэх боломж нь түүхий эдийн хамааралтай, далайд гарцгүй орны хувьд эрсдэл маш өндөр. Бид хоёрдагч, гуравдагч зах зээлд түүхий эдээ гаргахыг маш их зорьж байгаа боловч дэд бүтцийн хөгжил, хүрэлцээнээс хамаараад одоогоор боломжгүй байна. Экспортын 90 хувь нь ганцхан зах зээлд гарч байна. Нарийвчлаад харвал Өвөр Монголын цөөхөн төмөрлөгийн үйлдвэрт манай түүхий эд очиж байна. Ийм нөхцөлд, хэдийгээр бид дотооддоо нүүрсээ биржээр арилжаалаад байгаа боловч гадаад зах зээл дээр гараад төдийлөн өрсөлдөх чадваргүй байна. Үндсэндээ худалдан авагч маань нэг л улс, нэг л зах зээл. Айхтар өрсөлдөөн цаашдаа бий болно гэж найдахгүй байна.

Экспортыг нэмэгдүүлэхэд дэд бүцийн хөгжил маш чухал. Засгийн газар үүнийг удаа дараа ярьж байгаа, Шинэ сэргэлтийн бодлогод ч дурьдсан байгаа. 2024 онд шинээр зорьж байгаа төмөр замын бүтээн байгуулалтууд хэзээ дуусах, хэзээ гадаад зах зээлтэй холбогдох вэ гэдгээс экспортын орлого бүрдэх эсэх нь хамаарна. 2024 оны төсвийн орлого дэд бүтэц, гадаад зах зээл аль аль талаасаа өндөр эрсдэлтэй байна. Ялангуяа Хятад улсын эдийн засгийн өсөлтийн тухайд дэлхийн олон улсын байгууллагууд бүгдээрээ санаа зовж байна. Гол худалдан авагч орны зах зээлийн нөхцөл байдлаас бид өндөр хамааралтай байгаа гэдгээ л анхаарах ёстой" гэв.

УИХ-ын Төсвийн байнгын хорооны дэргэдэх Төсвийн тогтвортой байдлын зөвлөл макро эдийн засгийн үндсэн үзүүлэлт, төлөв байдлын таамаглалын тооцоогоо хийж, энэ сарын 15-ны дотор Эдийн засаг, хөгжлийн яам, Сангийн яаманд хүргүүлэхээр ажиллаж байна. Ингэсний дараа олон нийтэд дэлгэрэнгүй мэдээлнэ.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 3 цаг 20 мин Мэдээж “Ар нь түүз!” 3 цаг 31 мин И-спорт болон оюуны спортын Азийн анхдугаар наадмыг 2027 онд зохион байгуулна 3 цаг 49 мин Улаанбаатарт өдөртөө 8 хэм хүйтэн 3 цаг 56 мин Аймгуудын өрсөлдөх чадварын 2026 оны тайлангийн үр дүнг танилцуулна 4 цаг 0 мин Д.Трамп Хятадад Ким Жөн Унтай уулзаж магадгүй гэв 4 цаг 5 мин Тайванийн Гадаад хэргийн сайд АНУ-д хоёр дахь удаагаа очжээ 4 цаг 10 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 4 цаг 15 мин Д.Медведев улирлын хаалтын тэмцээнийг хожлоор эхлүүллээ 19 цаг 14 мин “Вояжер-1” сансрын төхөөрөмж түүхэн дээд амжилт тогтооход ойрхон байна 19 цаг 18 мин Голомт банк “Euromoney Awards”-ын дөрвөн төрөлд шилдгээр шалгарлаа 23 цаг 3 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 23 цаг 17 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 23 цаг 29 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... Хууль зөрчиж хэрэг буцаасаар байгаа Дээд шүүхийг “байцаах” х... З.Мэндсайхан: Тэтгэвэр, цалингийн нэмэгдлээр дамжуулан ажлын... 1926-1930 онд Герман улсад суралцсан монгол залуучуудын боло... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Монголын баг тамирчид “Дакар-2026” залуучуудын олимпоос хоёр...
Top