x

МОНГОЛ УЛС, ОХУ-ЫН ЭРХҮҮ МУЖИЙН БИЗНЕС ЭРХЛЭГЧДИЙН В2В УУЛЗАЛТ БОЛЛОО

Эрхүү мужийн захирагч Игорь Иванович Кобзев, Дорнод Сибирийн Худалдаа Аж Үйлдвэрийн Танхимын Ерөнхийлөгч Алексей Иванович Соболь, Эрхүү мужийн Эдийн засгийн хөгжил, аж үйлдвэрийн сайд Наталья Геннадьевна Гершун нар бизнес эрхлэгчдийн хамт МҮХАҮТ-д хүрэлцэн ирж “В2В” уулзалтад оролцлоо.

Уулзалтыг нээж МҮХАҮТ-ын Ерөнхийлөгч Д.Энхтүвшин, Монгол улс, ОХУ-ын хувьд сүүлийн жилүүдэд олон салбарт хамтын ажиллагаа эрчимжин, гадаад худалдааны нийт эргэлт нэмэгдэж байгааг дурдаад, Монгол улсад хамтын ажиллагаагаа өргөжүүлэх, бизнесийн шинэ боломжуудыг нэмэгдүүлэхээр өргөн бүрэлдэхүүнтэй айлчилж байгаад талархаж байгаагаа илэрхийллээ.

Танхим бизнесийн таатай орчин бүрдүүлэх, бизнес эрхлэгчдийн үйлдвэрлэсэн бараа бүтээгдэхүүнийг гадаад, дотоодын зах зээлд гаргах, өрсөлдөх чадварыг нь нэмэгдүүлэх зорилгоор ОХУ-ын “Дорнод Сибирийн Худалдаа Аж Үйлдвэрийн Танхим”-тай хамтран энэхүү уулзалтыг зохион байгуулж байна. Өнөөдрийн уулзалт нь хоёр улсын бизнес эрхлэгчдэд харилцан ашигтай хамтын ажиллагаа, шинэ харилцаа холбоогоо нэмэгдүүлэх үр дүнтэй талбар болно гэв.

ОХУ, Монгол улсын Засгийн газар хоорондын комиссын хуралдаан болж /2023.10.23/ хамтын ажиллагааг хөгжүүлэхэд манай бүс нутагт хамааралтай стратегийн шийдвэрүүд гарсныг Эрхүү мужийн захирагч И.И.Кобзев онцлоод, "Эрхүү мужийн 90 гаруй түнш орноос Монгол улс экспортын хэмжээгээрээ эхний 10-т багтдаг. Бүс нутгийн бизнес эрхлэгчид Монгол улстай худалдаа, эдийн засгийн харилцаагаа хөгжүүлэх нэлээд сонирхолтой төдийгүй өнгөрсөн хугацаанд ажил хэргийн хэд хэдэн уулзалт хийсний үр дүнд хүнсний үйлдвэрлэл, эмнэлгийн тоног төхөөрөмж, арматур, модон байшингийн иж бүрдэл, аялал жуулчлалын чиглэлээр 14 компанитай экспортын гэрээтэй ажиллаж байна. Өнөөдрийн бизнес уулзалтын үр дүнд “Эрхүү муж болон Монгол улсын худалдаа эдийн засгийн хамтын ажиллагаа шинэ шатанд гарна гэдэгт итгэлтэй байна" гэлээ.

Анагаах ухааны салбарт хамтын ажиллагааг хөгжүүлэх, боловсон хүчин бэлтгэх, салбарын өнөөгийн тулгамдсан асуудал зэрэгт хамтран ажиллахаар Эрхүү мужийн анагаахын их сургууль, Монгол улсын төрийн тусгай албан хаагчдын төв эмнэлэгтэй санамж бичгийг үзэглэж, мөн Эрхүү мужид ноос ноолуур боловсруулах, үйлдвэрлэх төсөлд хамтран ажиллахаар “First textile cashmere”, “Bluesky cashemere” -ийн төлөөллүүд гарын үсэг зурав.

Арга хэмжээнд Эрхүү мужийн хүнсний бүтээгдэхүүний экспорт, өндөгний экспорт, эрүүл мэндийн тоног төхөөрөмж, талх нарийн боовны үйлдвэрлэл, оёдол зэрэг 13 компанийн 20 гаруй бизнес эрхлэгч, Монголын талаас салбарын 40 гаруй аж ахуйн нэгжийн төлөөлөл оролцож салбарын хамтын ажиллагааны өнөөгийн төлөв, цаашдын шинэ боломжуудын талаар мэдээлэл солилцон, бараа бүтээгдэхүүний дээжээрээ үзэсгэлэн гаргалаа.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 3 цаг 40 мин Мэдээж “Ар нь түүз!” 3 цаг 51 мин И-спорт болон оюуны спортын Азийн анхдугаар наадмыг 2027 онд зохион байгуулна 4 цаг 9 мин Улаанбаатарт өдөртөө 8 хэм хүйтэн 4 цаг 16 мин Аймгуудын өрсөлдөх чадварын 2026 оны тайлангийн үр дүнг танилцуулна 4 цаг 20 мин Д.Трамп Хятадад Ким Жөн Унтай уулзаж магадгүй гэв 4 цаг 25 мин Тайванийн Гадаад хэргийн сайд АНУ-д хоёр дахь удаагаа очжээ 4 цаг 30 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 4 цаг 35 мин Д.Медведев улирлын хаалтын тэмцээнийг хожлоор эхлүүллээ 19 цаг 34 мин “Вояжер-1” сансрын төхөөрөмж түүхэн дээд амжилт тогтооход ойрхон байна 19 цаг 38 мин Голомт банк “Euromoney Awards”-ын дөрвөн төрөлд шилдгээр шалгарлаа 23 цаг 23 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 23 цаг 37 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 23 цаг 49 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... Хууль зөрчиж хэрэг буцаасаар байгаа Дээд шүүхийг “байцаах” х... З.Мэндсайхан: Тэтгэвэр, цалингийн нэмэгдлээр дамжуулан ажлын... 1926-1930 онд Герман улсад суралцсан монгол залуучуудын боло... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Монголын баг тамирчид “Дакар-2026” залуучуудын олимпоос хоёр...
Top