Экспортыг дэмжих олон улсын форум (World Export Development Forum)-ын чуулга уулзалт 2023 оны 06 сарын 26-29-ний өдрүүдэд Улаанбаатар хотод зохион байгуулагдана. Уг форумын үеэр олон улсын худалдааны төвийн /ITC/ дэргэдэх эмэгтэй бизнес эрхлэгчдийг дэмжих SheTrades төвийн Монгол дахь салбарын нээлт болно. 

SheTrades төвийн салбар МҮХАҮТ-ыг түшиглэн Монгол улсад байгуулагдаж байна. Энэхүү төв нь бизнес эрхлэгч эмэгтэйчүүд, тэдгээрт тулгамдаж буй асуудлуудыг тухайн улс орны бизнесийг дэмжих байгууллагуудтай хамтран шийдвэрлэх арга зам, гарц, шийдлийг олон талын оролцоотойгоор тодорхойлон эмэгтэй бизнес эрхлэгчдийн өрсөлдөх чадвар, бүтээмжийг сайжруулж, олон улсын зах зээлтэй холбох зорилготой юм 

SheTrades санаачлагыг тухайн орны бизнес эрхлэгчдийн томоохон дуу хоолой, нөлөөлөл бүхий үндэсний байгууллагууд хамтран хэрэгжүүлдэг ба одоогийн байдлаар 14 оронд үйл ажиллагаа явуулж байна. Тус төв нь эмэгтэй бизнес эрхлэгчдийг дэмжих, чадавхжуулах, гадаад худалдаа, экспортын үйлдвэрлэлийг нэмэгдүүлэхэд чиглэсэн олон улсын жишигт нийцсэн сургалт, хөтөлбөрүүдийг хэрэгжүүлдэг. #SheTrades