“Монголын уул уурхайн 7 хоног” арга хэмжээ болж байна.

Энэ жилийн тус арга хэмжээнд зочин илтгэгчээр Дэлхийн уул уурхайн салбарын тэрбумтан, АНУ, Канадын бизнесмэн “Айвэнхоу майнз” компанийн үүсгэн байгуулагч, ТУЗ-ийн дарга Роберт Фрийдланд оролцлоо. 

Түүний тавьсан илтгэлийн онцлох санааг эшлэлээр хүргэж байна.

• Бид МЭӨ 4000 жилээс МЭ-ний 2020 он хүртэл 700 сая тонн зэс олборлосон. Харин дараагийн 22 жилд 700 гаруй сая тонн зэс олборлох хэрэгцээ шаардлага бий. Яагаад гэвэл нүүрсний цахилгаан станцаа буулгах, утаа их гаргадаг тээврийн хэрэгслээ ухаалаг технологиор солиход зарцуулах юм. Монгол Улсын хувьд дэлхий дээр зэсийн ордоороо толгой цохиж байгаа. Говьд нээгдээгүй олон орд бий гэж бодож байна. Газар доорх байгалийн баялгаа олох хэрэгтэй.

• 72 настай би 18-тай юм шиг л санагддаг. Цаг хугацаа нүд ирмэхийн зуур л өнгөрнө. Саяхан шинэ нээлт гэгдэж байсан зүйлс хөгшин болжээ.

• Бид 2001 оны есдүгээр сарын 11-нд Оюутолгойг нээсэн. 2004 он хүртэл томоохон кампанит явуулж байж Монгол Улсын ард иргэдийн бахархахуйц том ордыг олж нээн ашиглалтад оруулсан. Энэ бол Монголын ард түмний маш том баялаг. Дэлхий дээр Оюутолгой шиг 20 уурхай байж хэмээн хэвийн эрэлт хэрэгцээг хангана.  

• Монгол Улс Оюутолгойн ордоосоо үе дамжин үр ашгийг нь хүртэнэ. Миний хувьд одоо 72 настай. Би та бүхний энэхүү түүхийн элсний нэг ширхэг шиг хэмжээний хэсгийг л бүрдүүлж байгаа. 

• Африкийн Конго улс дахь Камоагийн зэсийн уурхайд Оюутолгойг нээснээс хойш бид ажилласан.  2022 онд долоон сая тонн хүдэр үйлдвэрлэсэн. Энэ жил 430 мянган тонныг үйлдвэрлэх зорилттой байгаа. 2023 оны зорилтоо есөн сарын дотор хангасан. Эмэгтэйчүүд манай гүйцэтгэх удирдлагад ажилладаг. Одоо гуравдугаар үйлдвэрлэлийг ашиглалтад оруулснаар 650 мянган тонн зэсийн баяжмал үйлдвэрлэж, дэлхийд гуравт орох том уурхай болно. Камоа нь ордоос авах нийт өгөөжийн 50 гаруй хувийг дотоодод үлдээж байгаа.

• Монгол Улс одоо байгаа эрчээрээ цааш ажиллах хэрэгтэй. Найз нөхөд минь бид нар гадаадын хөрөнгө оруулалтыг өөртөө татах хэрэгтэй. Гадаадын хөрөнгө оруулагчдад хүндэтгэлтэй харьцаж, хамтын ажиллагаагаа өгөөжтэй өрнүүлж чадвал дараагийн Конго болоход бэлэн байна.

• Залуу Конгочууд уул уурхайн салбарт шинэ үеийн ажиллах хүчийг бэлтгэж байгаа. Монгол Улсын хувьд уул уурхайн салбарт дотоодын ажиллах хүч бий болсон байна. Монголчууд уурхайн нарийн мэргэжлийн ур чадвараараа дэлхийд тэргүүлэх боломжтой 

• Монгол Улс говьдоо маш их эрэл хайгуул хийх хэрэгтэй. Хийхгүй бол тэнэг хэрэг болно.

iKon.mn