Ватиканы хот улсын тэрийн тэргүүн, Пап Францисын айлчилын талаар Монгол Улсын Ерөнхийлөгчийн Гадаад бодлогын зөвлөх Э.Одбаяр Eagle.mn-д ярилцлага өгчээ.
Манай хоёр улс дипломат харилцаа тогтоосны 30 жилийнхээ ойг өнгөрсөн жил тэмдэглэсэн. Орчин цагийн дипломат харилцааны түүхэнд нэг бус удаа өмнөх папуудыг манай улсад айлчлахыг урьж байсан ч урилгыг хүлээж аваад ирж байсан удаагүй юм байна. Өнгөрсөн жил Ерөнхийлөгч У.Хүрэлсүх Ерөнхийлөгч асан Н.Энхбаярыг тусгай бие төлөөлөгчөөрөө томилон албан ёсоор урилгаа бичиж Ватикан руу явуулсан аж. Өөрөөр хэлбэл, Ромын Пап манай урилгыг хүлээж аваад айлчилсан анхны түүхэн үйл явдал өнгөрсөн өдрүүдэд тохиолоо.
Айлчлалын үеэр дэлхийн 20 гаруй орны 150 хэвлэл мэдээлэл ирсэн тухай өмнө мэдээлсэн. Папын айлчлалыг дагаад католик шашинт орнуудын хэвлэл мэдээлэл өргөн цар хүрээтэй явдаг бөгөөд АНУ-руу айлчлахад нь ч мөн адил 150 гаруй хэвлэл мэдээллийн хэрэгсэл алба ёсоор дагалджээ. Пап Францисын Монгол Улсад хийсэн айлчлалын үеэр мөргөлд ирэхээр бүртгүүлсэн, угтах ёслолыг үзэхээр ирсэн хүмүүсийн тоо 3550 хүрсэн бөгөөд албан бусаар 6000-7000 жуулчид ирсэн тухай Э.Одбаяр зөвлөх ярьсан байна.
