x

Сү.Батболдын туслахыг шалгаж чадах уу?

Нэгэн үе “Намайг хэн хэлэх вэ, нохойг хэн саах вэ” гэх шахам “саакардаг” байсан төрийн мөнгийг идэж уугчид, албан тушаалаа урвуулан ашиглагчид энэ Засгийн газрын зарласан “5 Ш”-ийн ажиллагааны “буян”-аар бас ч гэж сүрддэг, хулчийдаг болоод байгаа. Гэвч “хаяа хатавчинд” чинь намын нэр барьж томордог, улсын өмчийн газар компанийг өөрийн мэт омойтдог, дарга цэрэг, хууль дүрэм “5 Ш” цаашаа гэж чээжээ дэлдэгсэд “үржсээр” байна, эрхмүүд ээ. Тиймээс энэ удаад ТӨҮГ-т хаан болно гэж буй нэгэн дураараа этгээдийн талаар ШҮГЭЛ үлээсүй.

“Наад мөнгө чинь О.Мөнгөншагайд ордог юм”

Энэ бол хүмүүсийн нэрлэдгээр Авто худалдааны төв буюу энгийнээр хэлэхэд 22-ын товчоо рүү нүүсэн Авто худалдааны төвд өрнөж буй адал балмад гэмээр үйл явдлын тухай өгүүлж буй хэрэг юм. Эрх баригчид Авто худалдааны төвийг хотын зах руу нүүлгээд, түгжрэл буурч асуудал цэгцэрнэ гэж олон жил ярьсан тухай шүүмж бараг домог болоод байсан. Өдгөөгөөс  бараг арван жилийн өмнө энэ асуудал яригдсан мөртлөө сүртэй Авто төвийн ажил нь нэг л унхиагүй, гялалзсан ашиг олох нь бүү хэл, тэрбум, тэрбум төгрөгний өрөнд ороод байсан.

Харин муу нэртэй болоод байсан энэ төвийн нэр сүүлийн үед харин өөрөөр сонсогдох болж,  талбай зогсоол нь ч автомашинаар дүүрч, ажил нь жигдэрч эхэлтэл, өмнө нь ажиллаж байсан экс захирал нь өөрийн мэт аашлах болжээ. Тухайлбал, энд өмнө захирлаар ажиллаж байсан О.Мөнгөншагай гэгч Авто зогсоолын павьилонуудыг дамлан зардаг, бусдыг сууцыг хууран мэхэлсэн, бүр “Би удахгүй наана чинь дахиад захирлаар очно. Газрын мөнгөө битгий төл” гэж саакардаг гэсэн баримт дэлгэгдэж байна. Зах зухаас нь дэлгэрүүлбэл, тэрээр өөрийнх нь ажиллаж байх үед Харуулын дарга байсан Н гэж хүнийг нас барахад нь түүний жижиг сууцыг нь ар гэрийнхэнд нь багахан мөнгө өгч аваад Д гэх хүнд менежерээрээ дамжуулан дамлан зарсан. Уг худалдаж авсан хүнийг ч мөн дарамтлан “Би удахгүй наад төвийн чинь захирлаар очно. Дуугай байж бай” гэж томордог талаар иргэд гомдол гаргасан байдаг. \Баримт болгон хадгалсан бичлэг байгаа бөгөөд энэ удаад өргөдлийг хавсаргав\

Мөн өөрийн хүн гэх К.Олимпиадыг тус төвийн захирлаар ажиллуулж, гадуур 8-10 сая төгрөг байдаг павьилоныг 20-40 сая төгрөгөөр зардаг гэсэн нэг баримт байдаг аж. Ийнхүү дураараа аашилдаг О.Мөнгөншагай гэж хэн бэ?

Сү. Батболдын туслахаас “суга” дэвшсэн О.Мөнгөншагай

Түүний намтрыг харвал ажлын гараагаа  УИХ-ын гишүүний туслахаас эхэлсэн. Сү.Батболддын туслах, Сүхбаатар дүүргийн МАН-ын дэд дарга, Авто худалдааны төвийн захирал, Нийслэлийн Засаг даргын орлогч, Авто худалдааны төвийн зөвлөхөөр ажиллаж байснаас өөрөөр бизнес хийсэн гэх тодотгол үгүй. Аа бас Сүхбаатар дүүргийн ИТХ-ын төлөөлөгчөөр сонгогдож байсан. Намаасаа НИТХ-д нэр дэвших квот авсан ч сонгуулийн үед бүтэлгүйтэж, намдаа нэг суудал алдсан зэмтэй. Авто худалдааны төвийн захирлаар ажиллаж байхдаа ч байгуулсан гавьяа гэж үгүй. Хэдэн мянган машин худалдаалах боломжтой, гялалзсан ашигтай ажиллахаар Авто худалдааны төв нь хэдэн тэрбумын өртэй. Бараг банк болгонд данс нээж, өрөө төлөөгүй гэж дансаа хаалган, сүүлдээ өрөөндөө сейф авчирч тавиад бэлэн мөнгөөр орлого авдаг болсон “бардаак” түүх О.Мөнгөншагай, К.Олимпиад нарын ажиллаж байсан үеийн дүр зураг.

Уг нь нийслэлийн өмч болох энэхүү төвд О.Мөнгөншагай “хаан” сууж, бэлэн мөнгөний орлого авдаг, ажилчдаа шөнө дүлээр дуудан дарамталдаг. Бүр сайн үүлдрийн нохойгоо “Гэрт хүүхэд байгаа учраас” гэж ажлынхаа өрөөнд байлгадаг. Нохойны баас шээс, нохойны эзэн-эрхэм захирлын сахилгагүйтсэн үлдэгдлийг ажилтнууд нь цэвэрлэдэг гэсэн хүн итгэмээргүй явдлуудыг хуучин ажилчид нь ярьдаг аж. Эрх баригч намыг төлөөлөн Иргэдийн хурлын төлөөлөгч, нэг дүүргийн МАН-ын дэд дарга, Хотын Засаг даргын орлогч байсан хүн ийм заваан, дураараа, даруулгагүй байна гэхэд сонссон хүн итгэмээргүй. Гэвч харамсалтай нь үүнээс ч гайхмаар, аймаар зүйлс яригддаг гэнэ. Гэвч үүнийг түр орхиод намын чинь төлөөлөл болох хүний талаар яригдаж буй илүү ноцтой баримтыг хүргэе, эрхэм шүгэл үлээгч, шүүр хөдөлгөгч Л.Оюун-Эрдэнэ, Д.Амарбаясгалан дарга нар аа. Хотын чинь өмчийг хариуцангаа бусниулж байсныг мэдсэн үү, Д.Сумьяабазар дарга аа. Мэдээгүй байгаа бол үүнд анхаарал хандуулна уу. 

Нэг шүгэл буюу анхаарахгүй байхын аргагүй баримтууд

О.Мөнгөншагайг том худалдааны төвтэй, Банк бус санхүүгийн байгууллагатай, түүнийхээ захирлаар өөрийнхөө туслахыг ажиллуулдаг гэдэг. Тэгэхээр түүний хэрхэн хөрөнгөжсөн талаар шалгах шаардлагатай болов уу? Түүний хийсэн “бизнес” гэвэл”

-Хаанаас ч юм гэрэлтүүлгийн хуучин шон авчран Авто худалдааны машин угаалгад өгч будуулаад хотод шахсан \Арай ч дээ, гэмээр байгаа биз. Гэвч үүнийг тухай үед тэнд ажиллаж байсан хүмүүс нотолдог юм билээ\

-Нийслэлийн Засаг даргын орлогч байхдаа Яармагийн шинэ Хангардь ордныг барихад Хусмейн гэх Туркийн бизнесмэнээс хямдхан авсан барилгын материалаа үнэтэй шахаж, зөрүү мөнгийг нь өөр дансаар авч байсан гэх баримт

-Мөн 8-10 сая төгрөгний үнэтэй павьилоныг 20-40 сая төгрөгөөр зарсан гэхээс гадна Авто худалдааны төв дэх сэндвичин барилгыг 170 сая төгрөгөөр зарах гэж хүмүүсийн ятгахын зэрэгцээ “Удахгүй би Авто төвийн захирлаар очно, асуудал байхгүй” гэсэн үгээ мөн л омог бардмаар дайдаг гэнэ.

Ийм л баримтууд байсаар атал О.Мөнгөншагай гэгч этгээд “Би удахгүй Авто худалдааны төвийн захирлаар очно” гэж аархаж байдаг гэнэ \бичлэг байдаг\. Ингэж аархах болсон нь ч учир шалтгаантай ажлын анхны гараагаа цүнхийг нь барьж эхэлсэн Сү. Батболд ахыгаа хотын дарга нар руу “илгээн”, О.Мөнгөншагайг захирал болгох, цаашилбал ид цэцэглэж байгаа Авто худалдааны төвийг менежментийн хувьчлалаар авах тухай яриа хөөрөө өрнүүлж байгаа гэнэ. Өмнө нь ажиллаж байгаад өрөнд унагасан байгууллагынхаа захирлаар дахиж очно гэж Сү.Батболд “ах”-гаа “гүйлгээд” байдаг нь ямар ч ашиг сонирхол байгаа юм бэ? Ямар ч гэсэн ёс зүй болон ичих нүүр үгүй бололтой.

Эцэст нь асуухад Хотын дарга Д.Сумьяабазар аа, хотын чинь өмчөөр хэн нэгэн ингэж тоглож, хотын дарга аятай “Би удахгүй захирал болно” гэж даналзаж болдог юм уу? Хоттой холбоотой “идэлт, уулт”-ын ийм баримт байгааг та анхааралдаа авна уу?

Дээр нь “5 Ш” ажиллагаа явуулж, иргэдийн талархлыг хүлээж, төрийн албыг авлига, албан тушаалын хэргээс цэвэрлэнэ гэж байгаа яг энэ үед чинь “эрүүн” дор чинь нэг ийм этгээд даналзаж байгааг дуулгая, Д.Амарбаясгалан дарга аа.  Дахин сануулахад намын чинь нөхөд, дүүргийн ИТХ-ийн төлөөлөгч, Хотын Засаг даргын орлогчоор сонгогдож байсан энэ мэт нөхөд намын чинь нэрийг унагаж байна шүү. Сү.Батболд “ах”-ыг нь шалгаж чаддаггүй юм аа гэхэд, “суга” дэвшсэн туслахыг шалгаж болдоггүй юм болов уу, хууль хяналтын байгууллага, АТГ.

Дашрамд дурдахад дээр өгүүлснээс цааш гэрээ, хэлэлцээр, санхүүгийн асуудалтай холбоотой өөр “но”- ч байгаа гэх бөгөөд энэ удаад цухас өгүүлэхэд л ийм. Цаашид хууль хяналтынхан шалгаж эхэлтэл, манай сурвалжлага үргэлжлэх болно.

Эх сурвалж: infomongol.mn

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (2)

  • Зочин (172.69.252.170)
    Энэ архичинд муриагүй хүн үлдээгүйдээ
    2023 оны 06 сарын 19 | Хариулах
  • Нацагдорж (172.69.252.171)
    Сү тэй түй ч хамаагүй сда шүү
    2023 оны 06 сарын 19 | Хариулах
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 3 цаг 20 мин Мэдээж “Ар нь түүз!” 3 цаг 31 мин И-спорт болон оюуны спортын Азийн анхдугаар наадмыг 2027 онд зохион байгуулна 3 цаг 49 мин Улаанбаатарт өдөртөө 8 хэм хүйтэн 3 цаг 56 мин Аймгуудын өрсөлдөх чадварын 2026 оны тайлангийн үр дүнг танилцуулна 4 цаг 0 мин Д.Трамп Хятадад Ким Жөн Унтай уулзаж магадгүй гэв 4 цаг 5 мин Тайванийн Гадаад хэргийн сайд АНУ-д хоёр дахь удаагаа очжээ 4 цаг 10 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 4 цаг 15 мин Д.Медведев улирлын хаалтын тэмцээнийг хожлоор эхлүүллээ 19 цаг 14 мин “Вояжер-1” сансрын төхөөрөмж түүхэн дээд амжилт тогтооход ойрхон байна 19 цаг 18 мин Голомт банк “Euromoney Awards”-ын дөрвөн төрөлд шилдгээр шалгарлаа 23 цаг 3 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 23 цаг 17 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 23 цаг 29 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... Хууль зөрчиж хэрэг буцаасаар байгаа Дээд шүүхийг “байцаах” х... З.Мэндсайхан: Тэтгэвэр, цалингийн нэмэгдлээр дамжуулан ажлын... 1926-1930 онд Герман улсад суралцсан монгол залуучуудын боло... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Монголын баг тамирчид “Дакар-2026” залуучуудын олимпоос хоёр...
Top