x

Шинэ оны зорилгоо амьдралынхаа 8 тойрогтой уялдуул…

2022 онд таны зорилго хэдэн хувьтай биелсэн бэ?

Шинэ он айлчлан ирэхэд бид өнгөрсөн оноо дүгнэж, шинэ оноо төлөвлөдөг. Улиран одож буй оноо дүгнэхэд сэтгэлээр унах хүн цөөнгүй. Зорилгоо төлөвлөсөн тэмдэглэлийн дэвтэр бараг шинээрээ эсвэл бүтээсэн мөрөөдлийн самбарууд нь хаа нэгтээ тоосонд дарагдсан байх жишээтэй. Хэн нэгэн “Энэ онд юу хийж бүтээв дээ?” гэж асуувал нэлээн бодсоны эцэст бид хариултаа олох байх. Харин дотроо “Би энэ цаг хугацааг яг юунд зарцууллаа” гэж өөрөөсөө эрэл хайгуул хийдэг.

АНУ-д хийгдсэн судалгаагаар насанд хүрсэн хүмүүсийн 41% нь шинэ ондоо зорилго, төлөвлөгөө боловсруулдаг. Тэдгээрийн 9% нь л он дуустал төлөвлөгөөгөө хэрэгжүүлдэг байна. Үүнээс үзэхэд бид оны эхэн үед л шинэ зорилго, төлөвлөгөөндөө санаа зовнидог бололтой.

Тэгвэл 2023 оны зорилгоо хэрхэн оновчтой тодорхойлох вэ?

Шинэ он гэдэг үг хүн бүрт зорилго, мөрөөдлийнхөө ард гарч чадсан, хүчирхэг, шинэ “Би”-гээр төсөөлөгдөж,  хийе гэж бодож, хүсэж явдаг бүх зүйлсээ төлөвлөгөөндөө буулгахад хүргэдэг. Эсвэл зарим нь хэн нэгний зорилгыг хуулах ч тохиолдол байна. Нийгэм ийм хүнийг л хүсдэг гээд нийгмийн хэм хэмжүүрт тоогдох зорилгууд тавих нь ч элбэг.

Гэвч таны зорилго юун дээр үндэслэж гарвал зөвхөн танд зориулсан зөв зорилго, зөв төлөвлөгөө болох вэ? Үүнийг тодорхойлох олон арга, эх сурвалжууд байдаг ч “Амьдралын 8 тойрог” аргачлалыг ашиглах нь илүү оновчтой юм.

Энэхүү аргачлалыг хэрэгжүүлэхийн тулд та өөртөө 10-хан минут зарцуулаад дараах алхмуудыг туршаад үзээрэй.

  • Та дээрх зурагт харагдаж байгаа 8 талбар бүхий өөрийн тойргийг зураад, яг энэ мөчид энэ тойргууд таны хувьд 10-аас хэдэн оноо авахуйц байгааг бодитоор үнэлж, харгалзах тойрогт тоонуудыг цэглэнэ.
  • Тавьсан цэгүүдээ холбоод харахад аль талбар илүү хүрээ томтой, аль талбар илүү дотогшоо байгаа нь  харагдана.
  • Бүх тойргийг үнэлж дууссаны дараа хамгийн бага оноотой талбаруудад та ирэх оныхоо зорилго, төлөвлөгөөг тусгах  хэрэгтэй.

Хэрэв та аль нэг талбартаа илүү төвлөрвөл нөгөө талбаруудаа ямар нэг байдлаар орхигдуулж магадгүй. Ингэснээр амьдралын тэнцвэр алдагдаж, аль нэг талбар дээрээ өндөр амжилттай байсан ч тэрхүү амжилт таны амьдралд хангалттай эерэг үр нөлөөг үзүүлэхгүй байж болзошгүй. Иймд амьдралын талбаруудаа тэнцвэртэй авч явж байж та өдөр тутамдаа сэтгэл хангалуун, өөдрөг, бүх зүйлдээ ахиц дэвшил гаргах суурь боломжийг бүрдүүлэх юм.

Тойргоо үнэлчихлээ. Харин ирэх онд бага талбаруудаа хэрхэн ахиулах вэ?

Та дотроо янз бүрийн зорилгууд төсөөлсөн байсан ч, тойрог дээрх онооноосоо шалтгаалаад таны төлөвлөөгүй зорилгууд бий болсон байж магадгүй… Ямар ч байсан ирэх онд анхаарах ёстой амьдралын талбарууд тодорлоо. Одоо уг талбаруудын оноог ахиулах ямар зорилгууд дэвшүүлэх вэ? Юуг, яаж хийх вэ? буюу хийх боломжтой зүйлсийнхээ жагсаалтыг гаргаарай.

Таныг талбар бүр дээрээ 3-5 алхам бүхий зорилгууд бичсэн гэж таамаглъя. Уг 5 зорилгоо хэрэгжих боломжтой эсэхийг нягталъя. Та зорилго нэг бүрээ уншаад, дараах асуултуудад хариулах шийдэл байгаа эсэхийг өөрөөсөө асуугаарай. Жишээ болгож 2 зорилго дээр хариуллаа.

№

Жишиг асуултууд

Эрүүл мэнд талбар

Гэр бүл талбар

Жишээ 1: Жингээ 10 кг бууруулахын тулд онлайн дасгалын ангид орох

Жишээ 2: Гэр бүлийн хүнтэйгээ сард 1 удаа болзох

1

Ямар үр дүн гаргавал уг зорилгыг биелсэнд тооцох вэ?

30 минут алхахад амьсгаадахгүй болох

Үл ойлголцол багасаж, бие биеийнхээ үгийг таслалгүй сонсож чаддаг болох

2

Энэ зорилго тоогоор илэрхийлэгдэх үү?

Жин 65 кг болох

12 удаагийн болзоо

3

Ямар хугацаанд зорилгоо дүгнэх вэ?

Сард 1 кг бууруулах, сар бүр энэ тоогоо хангаж байгаа эсэхээ дүгнэх

Сар бүр

4

Надад уг зорилгыг биелүүлэх бодит цаг хугацаа бий юу?

Бий. Өглөө бүр ажилдаа явахаасаа өмнө 30 минут дасгал хийх

Бий. Сар бүрийн 3 дах долоо хоногийн бямба гаригт төлөвлөх

5

Надад уг зорилгыг биелүүлэх санхүүгийн боломж бий юу?

Онлайн дасгалын ангид нэг удаа суралцах 50,000 төгрөгийг төсөвлөх

Хоолонд орох, кино жүжиг үзэх гэх мэтээр төсөвлөвөл 120-150 мянган төгрөг шаардлагатай. Жоохон үнэтэй төсөв санагдаж байна.

6

Энэ зорилгыг биелүүлэхэд надад мэргэжлийн хүний тусламж хэрэгтэй юу? Тэр хүнийг би олж чадах уу?

Онлайн сургалтын багшаас өөрт тохирох заавар зөвлөгөө авах

Сонирхолтой болзоо төлөвлөхөд тусламж хэрэгтэй эсвэл сайн ярилцаж сурахын тулд мэргэжлийн хүний зөвлөгөө илүү үр дүнтэй байх магадлалтай. Төлбөртэйгөөр л олох боломжтой.

7

Энэ зорилго миний амьдралын 8 тойргийн чанарт бодитой нөлөө үзүүлэх үү?

Эрүүл мэндийн асуудалд бодитой эерэг үр дүн гаргана

Гэр бүлийн харилцаа сайжрах нь өдөр бүрийн амьдралд чухал үр нөлөөтэй

 

Дүгнэлт

Хэрэгжүүлэх бүрэн боломжтой зорилго

Санхүүгээ тооцож үзээд төсвөө зарим үед багасгах талаар судлах, тооцох шаардлагатай

Дээрх маягаар та зорилго бүрээ хэрэгжүүлэх алхам, шийдлүүдээ тодорхой болгосноор төлөвлөгөө илүү бодитой болж, та өөрөө өөртөө шийдвэр гаргах буюу өөртэйгөө ярилцах нөхцөл бүрдэх юм.

Одоо таны зорилгууд шигшигдээд яг бодитой хэрэгжүүлэх цөөн хэдэн зорилгууд үлдсэн байх. Ингээд 2023 онд хэрэгжүүлэх таны зорилгууд тодорлоо.

Төлөвлөлт хийж байх явцад сэтгэл хөдлөл эергээр мэдрэгдэж, хүч тэнхээ амтагддаг ч яг бодит гүйцэтгэл дээр очиход энэ мэдрэмж нисэн алга болно. Иймд өөртөө үүсэх эрсдэлийг урьдчилан тооцъё.

  • Сэтгэл зүйгээ хэрхэн бэлдэх вэ? Зорилгоо хэрэгжүүлэх явцад шантарна. Чадахгүй юм байна гэж няцна. Энэ үед өөртөө юу гэж хэлэх вэ? Яаж урам зоригоо сэргээх вэ гэдэгт 3 хувилбартай шийдэл гаргаарай. Тууштай байдлаа урамшуулж, өөрийгөө яаж шагнахаа бодоорой.
  • Зорилгуудаа өөртөө яаж сануулах вэ? Нэг л өдөр бичсэн дэвтрээ шүүгээнийхээ нэг буланд хадгалчихсан байх вий. Зорилгоо эргэж харах өдрүүдээ өөртөө reminder, календарь тохируулах  гэх мэтээр 3 шийдэл гаргаарай.
  • Нэг мэдэхэд зорилгоо бүр орхичихсон байвал яах вэ? Бүр хаях уу, дахиад нэг оролдоод үзэх үү гэдэг дээр өөртөө хязгаар тавь. Ийм нөхцөл бүрдвэл ийм шийдвэр гаргана гэх мэт.

Ингээд харахад зорилгоо тодорхойлж, түүнийгээ гүйцэлдүүлэх явц нэлээд ярвигтай бололтой. Харин таны зорилгоо тодорхойлж, түүнийгээ биелүүлэх бүхий л үед таныг чиглүүлэх менторууд байвал ямар вэ?

MentorHub-ын сюрприз

MentorHub нь салбар бүртээ 20-40 жил ажилласан жинхэнэ мастеруудын ажлын арга барил, мэдлэг, туршлагыг залуустаа хүргэх зорилготой гар утасны аппликейшн юм.

MentorHub нь хэрэглэгчдийнхээ 2023 оны зорилгын биелэлтэд менторуудынхаа чиглүүлэг, заавар зөвлөгөөг хүргэхээр “Шинэ онд миний зорилго” хөтөлбөрийг зарласан бөгөөд уг хөтөлбөрт таны амьдралын 8 талбарын тэнцвэрт эерэг нөлөө үзүүлэхүйц 12 хичээл, арга хэмжээ багтсан.   

12 сарын турш таныг сэдэлжүүлэх хөтөлбөрийн сэдвүүд ямархуу санагдаж байна? Та хувьдаа ямар ч зорилго дэвшүүлсэн байсан уг хөтөлбөр таныг зорилгоо биелүүлэх урам зоригоор усалж, таны санал сэтгэгдлийг сонсож, тантай харилцаа холбоотой байх юм.

Хөтөлбөр танд таалагдаж байвал MentorHub аппликейшныг утсандаа суулгаад, бүртгүүлээд, “Шинэ онд миний зорилго” хөтөлбөртэй дэлгэрэнгүй танилцаарай.

Бас нэгэн сюрприз

Голомт банкны Si картын хэрэглэгчдэд зориулсан тусгай бэлэг задарлаа. Хэрвээ та Si картын харилцагч бол MentorHub аппликейшнд улирал бүр төлөх төлбөрийн талыг Голомт банк даахаар болжээ. Та 1, 3-р улирлын төлбөрөө өөрөө төлөөд, 2, 4-р улирлын төлбөрөө Голомт банкаар даалгахыг хүсвэл ЭНД дарж, Si картаа захиалаарай. Харин та аль хэдийн MentorHub-ийн хэрэглэгч болсон бол Si карт шинээр захиалах жилийн хураамжаас 50% хөнгөлөгдөх боломжтой.

Ингээд бидний санал болгож буй аргачлал таныг шинэ оны зорилго, төлөвлөгөөгөө боловсруулахад бага ч болов нэмэр болсон гэж найдаж байна. Шинэ ондоо амьдралынхаа талбар бүрд эерэг алхам хийж, амар тайван, баяр баясгалан, эрүүл энхээр бялхсан 2023 оныг бүтээгээрэй. Та чадна.

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 4 цаг 24 мин Мэдээж “Ар нь түүз!” 4 цаг 36 мин И-спорт болон оюуны спортын Азийн анхдугаар наадмыг 2027 онд зохион байгуулна 4 цаг 53 мин Улаанбаатарт өдөртөө 8 хэм хүйтэн 5 цаг 1 мин Аймгуудын өрсөлдөх чадварын 2026 оны тайлангийн үр дүнг танилцуулна 5 цаг 4 мин Д.Трамп Хятадад Ким Жөн Унтай уулзаж магадгүй гэв 5 цаг 9 мин Тайванийн Гадаад хэргийн сайд АНУ-д хоёр дахь удаагаа очжээ 5 цаг 14 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 5 цаг 19 мин Д.Медведев улирлын хаалтын тэмцээнийг хожлоор эхлүүллээ 20 цаг 18 мин “Вояжер-1” сансрын төхөөрөмж түүхэн дээд амжилт тогтооход ойрхон байна 20 цаг 22 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Монголын баг тамирчид “Дакар-2026” залуучуудын олимпоос хоёр...
Top