x

Жирэмсэн эх машин дотроо төрсөнд эмнэлэг буруутай юу, иргэн буруутай юу?!

Энэ асуулт өчигдөр орой нийгмийн сүлжээний гол хэлэлцүүлэг боллоо. Улсын нэгдүгээр төрөх эмнэлэгт амаржихаар очсон жирэмсэн эхийг эмнэлгийн ажилтнууд хүлээж авалгүй таван минут алдсанаас болж хүүхэд машин дотор төржээ. Энэ хооронд хүүхдийн аав эмч нарыг гуйж, гувшиж, шаардаж, сүүлд нь аргаа бараад нь видео бичлэг хийсэн байна. Эмч нар эхлээд иргэний харьяалал, бичиг баримт шаардаж, дараа нь “мэдээллээ зөв өгөхгүй, хүнээ оруулж ирэхгүй яасан юм, хүүхдийн толгой цухуйсан гэж хэлээгүй биз дээ” хэмээн хэрэлдэж буй бичлэг нийгмийн сүлжээнд тавигдсан.

Бичлэг тавигдсаны дараа нийгмийн сүлжээнд аавыг буруутгасан өнгө аяс давамгайлав. "Хүүхдийнх нь толгой цухуйчихсан байхад эхнэрээ тэврээд гүйхийн оронд бичлэг хийгээд явж байдаг, пүү паа. Хувь хүнийг хариуцлага гэж алга. Төрнө гэдэг чинь хугацаатай эд, тэрийгээ тооцоолоод эмнэлэгт эрт ирэхгүй яасан юм” гэх мэт дүгнэлт, цэцэрхлүүд хөвөрчээ.

Мэдээж хувь хүний хариуцлага чухал л даа. Гэхдээ энэ удаад эмч, эмнэлгийн ажилтнуудын буруу бас байна. Нэгдүгээрт, эмнэлгүүд дүүрэг харгалзахгүй, хамгийн ойрын эмнэлэгт авах салбарын сайдын шийдвэр гарсан. Хоёрдугаарт, төрөлт нэгэнт эхэлсэн бол эмч очих ёстой болохоос биш, иргэн өөрөө эмнэлэгт орж ирэх боломжгүй. Эмч, асрагч нар дамнуурга, хөнжил бариад гүйлдэж байх ёстой болохоос биш “хүнээ авчирахгүй яасан юм” гээд загнаад зогсч байж болохгүй. Энэ тал дээр манай эмнэлгийн үйлчилгээ, эмч, сувилагч нарын ухамсар үнэхээр “0” гэдгийг нийтээрээ харлаа. Хэрвээ эх ганцаараа такси бариад ирсэн бол, эсвэл насанд хүрээгүй хүүхэдтэй явсан бол эмч нар хэнийг буруутгах байсан юм. Хэдийгээр төрөлт цаг хугацаатай байдаг ч гэлээ цагдаж болохгүй зүйл гэж бас байдаг. Хүүхэд төрөх хугацаанаасаа өмнө, эсвэл хоцорч төрж болдог. Дээр нь хотын түгжрэл, хувь хүний бэлэн бус байдлаас болоод эмнэлэгт цаг алдаж ирсэн байж болно. Ганцхан эмнэлгийн үүдэнд ирчихсэн төрж байгаа эхийг эмнэлэг хүлээж авах л үүрэгтэй.

Гуравдугаарт, манай эмнэлгийн барилга байгууламжийн стандартын асуудал. Төрөх эмнэлгийн хаалганы гадаа машины зогсоол байхгүй, байгаа нь битүү машинтай, эмнэлгийн довжоо, орох хаалганы шатнаас болоод машин орох боломжгүй. Ийм шалтгаануудаас болоод эх, хүүхэд хоёр эмнэлгийн хаалгаар орж чадалгүй таван минут алдсан, уур унтуу болж байж арай гэж хүлээж авахаар болоод очиход нь эх нь машин дотор “хүүхэд төрчихлөө штээ” гээд уйлж байсан.

Тэгэхээр энэ удаад бол эмч, эмнэлгийн ажилтнуудын харьцаа, хандлага, эмнэлгийн барилга, зогсоолын стандарт хүнлэг биш, хүндээ зориулагдаагүй байна аа л гэж хэлье. Хувь хүний хариуцлага, хандлага, бэлэн бус байдал энэ тэр бол тусдаа асуудал. Хөдөө орон нутгаас, хотын гаднаас хүндрээд, хугацаа давчуу ирж байгаа хүнийг яах юм? Бас л “хариуцлага, ухамсар” яриад сууж байх уу?

Тэгэхээр эмч, эмнэлгийн ажилтны бэлэн байдал, эмнэлгийн стандарт нэг тусдаа, өвчтөн, үйлчлүүлэгчийн хувийн хариуцлага бас тусдаа асуудал. Энэ тохиолдолд бол эмч, эмнэлгийн ажилтнууд буруутай, эмнэлгийн стандарт чинь хүндээ ээлгүй байна аа л гэж хэлье. Эхлээд хүнээ авар, дараа нь хувь хүний хариуцлагын тухай ярь. Эмнэлгийн үйлчилгээ гэдэг хувь хүний /үйлчлүүлэгчийн/ сахилга хариуцлагаар хэмжигддэг эд биш. Эмнэлгээс шалтгаалах бүх зүйл бэлэн байдалд, яг таг яс тас л байх ёстой. Эмнэлгийн барилга байгууламж, орох гарах хаалга ч гэсэн өвчтөн ямар ч байдалтай ирсэн хүлээж авах боломжтой, хамгийн наад захын шаардлагыг хангасан байх ёстой. Ядаж дамнуурга бариад дээш доош гүйх биш /тэр нь хүртэл манайд алга/, түрээд гүйх боломжтой байх ёстой. Бусдыг нь мэдэхгүй ч нэгдүгээр төрөх эмнэлгийн шинэ барилга лав хоёр хаалга нь хоёулаа өндөр шаттай. Юуны тулд тийм өндөр шат, довжоо байдгийг би лав мэдэхгүй. Уг нь хаалганы гадна, дотор хоёулаа нэг түвшинд байж ядаж хөл муутай хүн, хүүхэд шуухад мөлхөөд ч болтугай орно. Хүнд, хэвтрийн өвчтөнг дамнуургаар түрээд гүйчихнэ. Ийм л стандартаар эмнэлгийн барилгыг барих ёстой биз дээ.

Өчигдөр болсон явдалтай хамааралгүй ч гэлээ өөр нэг том асуудал бол эмнэлгийн өвчтөн хөвтдэг өрөөнүүд дотроо ариун цэврийн өрөөгүй. Давхартаа 1-2 ариун цэврийн өрөөг дундаа хэрэглэдэг. Үүнээс нь болоод өндөр настан, хэвтрийн хүнд өвчтэй хүмүүсийн өтгөн, шингэнийг сахиурууд нь бариад эмнэлгийн коридорыг бүтэн туулдаг явдал одоо ч хүртэл хэвээрээ л байна. Хувийн эмнэлгүүд тийм биш л дээ. Улсын эмнэлгүүд л тийм. Улсын гэсэн болгох яахаараа ийм “улны” үзэлтэй байдгийг бодоод олохгүй юм. Наад зах нь ариун цэвэр, халдвар хамгааллын асуудал шүү дээ. Цаашлаад өвчтөнд өгч байгаа дарамт, зовиурын асуудал. Тэгэхээр ядаж эмнэлгийн барилга дээр “Хэдэн тэрбумаар барьж, хэдийг нь хусах вэ” гэж бодохынхоо хажуугаар эмнэлэг, үйлчилгээнийхээ стандартыг бас боддог баймаар байна. Орох, гарах хаалгаа ядаж намсгамаар байна. Үсрээд хэдэн асрагч, цэвэрлэгчийн орон тоо л нэмэгдэнэ, дахиад хэдэн хүн ажлын байртай л болно биз дээ. Өөрөөр ямар хохиролтой юм?

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (4)

  • Зочин (172.71.218.114)
    Одоо ерөнхийлөгч огцорно
    2023 оны 01 сарын 03 | Хариулах
  • Зочин (172.69.252.134)
    Төрөх эх түргэний машинаар төрөх эмнэлэгт ирэх ёстой биздээ уул нь аав бол түгжээн дундуур мацсаар бж арай гэж эмнэлэг бараадтал нөгөа муу арын хаалганы гичий баахан асуумж энэ тэр дээр нь харьяа дүүрэг бас мөнгө харсан бна гадаа маш хүнд төрөхгэад ирж бхд аавыг бла бла баахан загнаастай эрэгтэй хүн тэрнээс илүү яахн тэвдсэн зайлуул бараг зодуулах шахлаашд ягаан өмлтэй авгай цэхэлзэад аймаар юмаа Сайдаа Энхбодыгоо шахааны хүнээ аваад далд оруулахд өгөөч ямар хүнд сурталтай вэ тэгэж ярих юм бол бас ковидын үед бас дүүрэг харьяа гэж эмнэлгийн хооронд хөөгдөж явсан зовидтой иргэн яг эмнэлгийн гадаа ямарч тусламж авч чадаагүй үхсэншд муу алуурчид нарийн хэлэх юм бол тийм онош зөв тавьж мэдлэггүй баахан чирэгдэлтэй бөөн хахуул мөнгө горьдсон пизданууд
    2023 оны 01 сарын 03 | Хариулах
  • дуугаряа (172.69.252.132)
    эмнэлгийн гадаа иөрнө гэдэг бол эмнэлгийн буруу замдаа төрсөн бол иргэний асуудал болно
    2023 оны 01 сарын 03 | Хариулах
  • Зочин (172.68.93.130)
    Irgen buruutai
    2023 оны 01 сарын 03 | Хариулах
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 3 цаг 48 мин Мэдээж “Ар нь түүз!” 4 цаг 0 мин И-спорт болон оюуны спортын Азийн анхдугаар наадмыг 2027 онд зохион байгуулна 4 цаг 17 мин Улаанбаатарт өдөртөө 8 хэм хүйтэн 4 цаг 25 мин Аймгуудын өрсөлдөх чадварын 2026 оны тайлангийн үр дүнг танилцуулна 4 цаг 28 мин Д.Трамп Хятадад Ким Жөн Унтай уулзаж магадгүй гэв 4 цаг 33 мин Тайванийн Гадаад хэргийн сайд АНУ-д хоёр дахь удаагаа очжээ 4 цаг 38 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 4 цаг 43 мин Д.Медведев улирлын хаалтын тэмцээнийг хожлоор эхлүүллээ 19 цаг 42 мин “Вояжер-1” сансрын төхөөрөмж түүхэн дээд амжилт тогтооход ойрхон байна 19 цаг 46 мин Голомт банк “Euromoney Awards”-ын дөрвөн төрөлд шилдгээр шалгарлаа 23 цаг 31 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 23 цаг 45 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна 23 цаг 57 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... Хууль зөрчиж хэрэг буцаасаар байгаа Дээд шүүхийг “байцаах” х... З.Мэндсайхан: Тэтгэвэр, цалингийн нэмэгдлээр дамжуулан ажлын... 1926-1930 онд Герман улсад суралцсан монгол залуучуудын боло... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Монголын баг тамирчид “Дакар-2026” залуучуудын олимпоос хоёр...
Top