x

Жижиг хулгайчдаа хорьж, том хулгайчийг нь оргуулан зайлуулав

УИХ-ын гишүүн, Эдийн засгийн хөгжлийн сайд Ч.Хүрэлбаатар амралтын өдөр нийгмийн сүлжээнд Ерөнхийлөгч асан Х.Баттулгыг хил даван зугтсан тухай жиргэсэн нь өнөөдөр өглөө батлагдав. Сайд энэ тухай “Албаны хүмүүсээс тодрууллаа, зугтаасан нь үнэн гэнэ. АТГ-д байцаалт өгч, яллагдагчаар татагдсан нүүрсний хулгайн хэрэг, Хөгжлийн банк, төмөр замын хэрэг яах вэ?” хэмээн жиргэсэн. Ингэхэд Ч.Хүрэлбаатар сайдын өөрийнх нь багтаж буй Л.Оюун-Эрдэнийн Засгийн газар нүүрсний хулгайтай тэмцээд байна уу, эсвэл хулгайч нарыг хаацайлаад байна уу?

Ч.Хүрэлбаатарын энэ мэдээллийг АТГ албан ёсоор баталгаажуулжээ. Ингэхдээ “Х.Баттулга нь зугтаагүй. Хувийн баталгаа гаргаад БНСУ-д биеэ эмчлүүлэхээр явсан. Төлөвлөгаат хагалгаатай байсан” хэмээн мэдээлсэн байна. Тэгэхээр нэгдүгээрт, Ч.Хүрэлбаатар сайдын хийсэн мэдэгдэл үнэн болж таарав. Гэвч энд нэг алдаа байна. Тодорхой хэлбэл, Х.Баттулга гэдэг хүн өөрөө хил даван зугтсан бус, АТГ зугтаалгасан болж таарав.

Учир нь АТГ-ын өөрийнх нь хийсэн мэдээллээр "үйлдсэн гэмт хэргийг нь илрүүлж, яллагдагчаар татаад байгаа" (хэргийг нь хэзээ мөдгүй боогоод шүүхэд шилжүүлэхэд бэлэн болсон гэсэн үг) эхний 17 хүний нэгдүгээрт Ерөнхийлөгч асан Х.Баттулга жагсаж байгаа. Мөн Хууль зүйн сайд, Засгийн газрын хэрэг эрхлэх газрын дарга нар “Ерөнхийлөгч асан Х.Баттулгын үед хийгдсэн оффтейк гэрээг шалгана. Хувийн компанитай тендергүйгээр гэрээ байгуулах асуудлыг Ерөнхийлөгч ҮАБЗ-д оруулж танилцуулсан, зөвлөмж гаргуулсан” гэж хэлсэн. Тиймээс АТГ Ерөнхийлөгч асан Х.Баттулгыг нүүрсний хэрэгт шууд болон шууд бусаар холбогдсон хэмээн үзэж яллагдагчаар татсан, албан ёсоор байцаалт авч эхлээд байгаа. Байцаалт авна гэдэг нь гэмт хэргийн гэрч биш, яллагдагч болсон гэсэн үг.

Ийм тохиолдолд гэмт хэргийн яллагдагчид ямар арга хэмжээ авдаг вэ гэхээр хамгийн түрүүнд оргон зайлахаас нь сэргийлж хилийн хориг тавьдаг. (Цагдан хориод өг өө гэж байгаа юм биш шүү) Харин манай Авилгатай тэмцэх байгууллага зүгээр л “Дуудсан цагт ирээрэй, мөрдөн шалгах ажиллагаанд саад учруулж болохгүй шүү” гэж хэлээд гарын үсэг зуруулаад явуулсан байна.

АТГ-ын өнгөрөгч долоо хоногт хийсэн мэдээллээр нүүрсний хулгайтай холбоотой 22 тусдаа эрүүгийн хэрэг үүсгэж, 15 хүнийг хойшлуулшгүйгээр баривчилж, 10 хүнийг цагдан хорьсон. Нийт 35 хүнийг яллагдагчаар татаад байгаа. Яллагдагчаар татсан энэ 35 хүн дотор Ерөнхийлөгч асан Х.Баттулга багтаж байгаа. Багтах багтахдаа бүр тэргүүн эгнээнд нь яваа “том” хулгайч гэдгийг Хууль зүйн сайд нь ч хэлсэн, ЗГХЭГ-ын дарга ч хэлсэн.

Тийм болохоор АТГ энэ хүнийг цагдан хорьдоггүй, баривчилж саатуулдаггүй юм гэхэд гэхэд ядахдаа яагаад хилийн хориг тавьж болсонгүй вэ? гэдэг асуулт гарна.

Хоёрдугаарт энэ хүн БНСУ-д эмчлүүлэхээр явсан байлаа гэхэд хэргийн мөрдөн шалгалтын хугацаанд эргэж ирнэ гэх баталгаа байна уу? Ямар ч баталгаа байхгүй. Х.Баттулга гэдэг хүний эргэж ирнэ, ирэхгүй гэдэг нь 50:50 хувийн л магадлалтай зүйл. Зоосны хоёр тал шиг. Зөвхөн тэр хүний өөрийгөө гэм буруугүй гэх итгэл үнэмшил, эсвэл “хэргээ шударгаар шалгуулаад ялаа үүрье” гэсэн хүсэл зориг, ёс суртахуунд найдаж болох юм. Энэ хоёр нийлээд 50 хувь гэсэн үг.

Учир иймээс АТГ буюу мөрдөн шалгах байгууллага Х.Баттулга гэдэг хүний хилээр гарахыг нь зөвшөөрч, хувийн баталгаа гаргуулсан нь түүнийг зориудаар оргуулан зайлуулсанаас ялгаагүй юм. Хэрвээ Х.Баттулга гэдэг хүн БНСУ-аас буцаж ирэхгүй бол АТГ яах вэ? Интерполоор эрэн сурвалжлуулах уу? Х.Баттулга гэдэг цаашаагаа аль нэг улсаас иргэншил хүсээд гадаадад цагаачлах уу?

Дашрамд хэлэхэд, АТГ бол гүйцэтгэх эрх мэдлийн буюу Ерөнхий сайдын харьяаны байгууллага. Энэ байгууллага хулгайчаа алдсан буюу зориудаар оргуулан зайлуулсан бол Ерөнхий сайд ямар арга хэмжээ авах вэ? Эсвэл АТГ-ын энэ ажиллагаа агентлагийн даргын эрх мэдлээс халиад илүү дээгүүр түвшний зөвшилцлөөр хийгдсэн байж болох уу? гэх мэтчилэн олон асуулт гарч байна.

Хэрвээ тийм бол “Нүүрсний  хулгайтай тэмцэнэ” гэсэн Засгийн газар, Ерөнхий сайдын амлалт зүгээр иргэдийн итгэл дээр тоглосон хоосон “пиар”, улс төрийн пропаганда болж хувирна. Жижиг хулгайчдаа барьж хориод, том хулгайдчаа оргуулан зайлуулж байгаа энэ үзэгдлийг иргэд ч гэсэн өөрөөр хүлээж авч чадахгүй л болов уу.

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 3 цаг 58 мин Мэдээж “Ар нь түүз!” 4 цаг 10 мин И-спорт болон оюуны спортын Азийн анхдугаар наадмыг 2027 онд зохион байгуулна 4 цаг 27 мин Улаанбаатарт өдөртөө 8 хэм хүйтэн 4 цаг 35 мин Аймгуудын өрсөлдөх чадварын 2026 оны тайлангийн үр дүнг танилцуулна 4 цаг 38 мин Д.Трамп Хятадад Ким Жөн Унтай уулзаж магадгүй гэв 4 цаг 43 мин Тайванийн Гадаад хэргийн сайд АНУ-д хоёр дахь удаагаа очжээ 4 цаг 48 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 4 цаг 53 мин Д.Медведев улирлын хаалтын тэмцээнийг хожлоор эхлүүллээ 19 цаг 52 мин “Вояжер-1” сансрын төхөөрөмж түүхэн дээд амжилт тогтооход ойрхон байна 19 цаг 56 мин Голомт банк “Euromoney Awards”-ын дөрвөн төрөлд шилдгээр шалгарлаа 23 цаг 41 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна 23 цаг 55 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... Хууль зөрчиж хэрэг буцаасаар байгаа Дээд шүүхийг “байцаах” х... З.Мэндсайхан: Тэтгэвэр, цалингийн нэмэгдлээр дамжуулан ажлын... 1926-1930 онд Герман улсад суралцсан монгол залуучуудын боло... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Монголын баг тамирчид “Дакар-2026” залуучуудын олимпоос хоёр...
Top