x

Ч.Маралмаа болон Ж.Энхжаргалан нарын хэрэг дээр цагдаа хэрхэн ажиллав?!

Одоогоос найм хоногийн өмнө буюу өнгөрөгч долоо хоногийн пүрэв гаригийн шөнө цагдаагийн байгууллагаас явуулсан баривчилгаа сүүлийн хоёр хоногийн гол сэдэв болов.

Аравдугаар сарын 20-ний пүрэв гаригийн шөнө цагдаагийн ажилтнууд (найман хүн) айлын гэрт хүч хэрэглэн орж, тэнд байсан долоон хүнийг “мөрийтэй тогтоом зохион байгуулсан” хэргээр баривчлан саатуулжээ. Тэдний дунд МУГТ Б.Наранбаатар, BRB компанийн захирал Ж.Энхжаргалан болон АН-ын дарга С.Эрдэнийн хүү Э.Энхтөгс нар байсан аж. Саатуулагдсан иргэдийн биед нь үзлэг хийж, цагдаагийн хэлтэс дээр авчиран мэдүүлэг авсны дараа буюу баасан гаригийн өглөө нь тавьж явуулжээ.

Гэвч лхагва гаригийн өглөөнөөс эхлэн мэдээллийн сайтуудаар “МУГТ Б.Наранбаатар, "BRB"-ийн захирал Ж.Энхжавхлан нар мөрийтэй тоглоом зохион байгуулсан, хэргийн газраас хар тамхи хурааж авсан” гэдэг мэдээллийг цацаж эхэлснийг МУГТ Б.Наранбаатар, "BRB" компанийн захирал Ж.Энхжаргалан нар эсэргүүцэж, өчигдөр хэвлэлийн бага хурал зохион байгуулав.

Тэдний мэдээлснээр, цагдаагийн байгууллага саатуулагдсан долоон иргэнээс бүгдээс нь хар тамхины сорил авсан, нэгээс нь ч илрээгүй. Мөн баривчлан саатуулах болон цагдаагийн хэсэг дээр мэдүүлэг авч тэмдэглэл хөтөлж байх үед хар тамхины төрлийн ямар ч бодис байгаагүй. Ямар ч мөрийтэй тоглоом зохион байгуулаагүй. "Энэ бол цагдаагийнхны зохион байгуулсан маш муу гүйцэтгэх ажиллагаа байлаа. Хар тамхийг зориудаар шургуулсан байна" гэсэн билээ. Тиймээс дээрх хэрэг ойрын өдрүүдэд ч олны анхаарлын төвд байх бололтой. Үүнтэй холбогдуулаад энэ сард гарсан бас нэг хэргийг эргэн сануулахад хүрэв.

Энэ сарын 10-ны орой БЗД-ийн Олимп хотхоны арын зам дээр “Ландкрузер 200” маркийн автомашин явган зам дээр алхаж явсан 11-12 насны хоёр охиныг дайрч нэгийг нь хүнд гэмтээсэн осол гарчээ. Гэвч энэ тухай олон нийт осол гарснаас хойш долоо хоногийн дараа хохиргч нарын нэг (автомашинтай зорчиж явсан) нийгмийн сүлжээнд тавьсан бичлэгээс олж мэдэв. Гэсэн хэдий ч цагдаагин байгууллага хоёр урсгалтай замыг хоёр удаа хөндлөн гарч, долоо машиныг мөргөн замаас нь гаргасан, явган зорчигчийг мөргөсөн, чирсэн жолоочийн нэрийг нууцалсаар байлаа. Олон нийтийн бухимдал, сэтгүүлчдийн шахалт шаардлагаар Ч.Маралмаа, Г.Батсүх гэдэг хүмүүс уг машинд явсныг хэлсэн, хэлүүлсэн боловч осол юунаас болж гарсан талаарх шинжээчийн дүгнэлтийг одоо хэр нь мэдээлээгүй байгаа.

Ч.Маралмаа нь “Найз залуугаа согтуугаар машин бариулахгүйн тулд жолоог нь авсан. Жолоо барьж үзээгүй учраас сандарсандаа хааз, тоормозоо андуурсан” гэдэг мэдүүлэг өгсөн гэх ч түүний нэр дээр бүртгэлтэй хоёр ч автомашин байдаг, жолоо барьж чадахгүй байх үндэслэлгүй гэдэг мэдээллүүд олон нийтийн сүлжээ, мэдээллийн сайтуудаар цацагдсан.

Ялангуяа Х.Нямбаатар сайд өөрөө прокуророос зөвшөөрөл авч байж нийтэд үзүүлсэн замын хөдөлгөөний хяналтын камерийн бичлэгээс Ч.Маралмаа гэдэг хүн зүв зүгээр машинаа асаагаад хөдөлгөөнд оролцож байгааг харсны дараа “Энэ бол яавч эрүүл хүний хийсэн осол биш” гэдэгт итгэлтэй болсон билээ. Нэг ёсондоо цагдаагийн байгууллага энэ хэрэг дээр маш хойрго ажиллаж байгаа гэж хэлж болно.

Харин өнгөрсөн хоёр өдөр шуугиан тарж байгаа Б.Наранбаатар, Ж.Энхжаргалан нарын тухайд цагдаагийн байгууллага, алба хаагч саатуулагдсан хүмүүсийн мэдээллийг гэмт хэргийн нотлох баримтгүйгээр, зориудаар сэтгүүлчдэд тараасан, “хэргийн газраас хар тамхи хурааж авсан” гэж гүтгэсэн, айлын гэрт зөвшөөрөлгүй нэвтэрсэн, нэгжлэг хийсэн гээд маш олон талын буруутгал цагдаа дээр буугаад байна. Болсон үйл явдлыг “Засгийн газарт шүүмжлэлтэй хандсаных нь төлөө гүйцэтгэх ажиллагаа зохион байгуулж, гэмт хэрэгт гүтгэсэн” гэж үзэх хүмүүс ч олон байна. (BRB компанийн захирал Ж.Энхнасангийн хувьд “Ажлаа өг” жагсаалыг зохион байгуулагч)

Нэгдүгээрт, саатуулагдсан иргэдийн түрийвч, айлын гэрээс хурааж авсан мөнгөнөөс өөр тэднийг “мөрийтэй тоглосон” гэх ямар ч нотлох баримт байхгүй, шинжилгээгээр хар тамхи илрээгүй, албан ёсны шалгалтын явцад хар тамхины төрлийн бодис илрүүлээгүй, хурааж аваагүй зэргээс нь харахад тэдэнд тохож байгаа хэргүүд тийм ч баттай, үндэслэлтэй биш бололтой. Хоёрдугаарт, хэрэг нь нотлогдоогүй байхад нотлогдсон мэтээр дамжуулж, хэргийн газрын зураг хөргийг "зарж" эхэлсэн нь цагдаагаар дамжаад өөр хэн нэгний ашиг сонирхол явж байгаа бололтой. Хэрэв тийм биш бол өмнөх хэрэг шиг Х.Нямбаатар сайд өөрөө прокуророос зөвшөөрөл авахаар явах байсан байлгүй.

Товчоор хэлбэл, нэгэнт болоод өнгөрчихсөн, эзэн холбогдогч, хохирогч нар нь тодорхой хэрэг дээр явуулж байгаа цагдаагийн ажиллагаа, гэм буруутай нь тогтоогдоогүй байгаа үйлдэл дээр хийж байгаа мэдэгдэл хоёр газар тэнгэр шиг ялгаатай байна аа л гэсэн үг. Нэгийг нь хамгаалж хаацайлсан, нөгөөг нь зориудаар хэрэгт унагах гэсэн хандлага давамгайлаад байх шиг.

Түүн дээр нь манай зарим нэг сэтгүүлчид, хэвлэлийнхэн хүртэл давхиж ороод “Хар тамхичин, мөрийтэй тоглоомчин. Хийсэн хэргийнхээ хариуцлагыг хүлээ” хэмээн соошлаар занаж зандарч эхэлсэн нь асуудлыг бүр ч эргэлээтэй болгож байна. Нэгд сэтгүүлч бол яллагч биш. Маргаж байгаа хоёр талын аль алиных нь мэдээллийг тэнцвэртэй дамжуулах, бодит үнэний талд зогсох үүрэгтэй хүмүүс. Монгол Улсын Үндсэн хуульд “гэм бурууг нь шүүхээр тогтоосноос бусад тохиолдолд хэнийг ч гэм буруутайд тооцож болохгүй” гээд заачихсан. Үндсэн хуулийн энэ заалт хууль хяналын байгууллагынхнаас гадна сэтгүүлчид, хэвлэн нийтлэгч нарт ч хамаатай. Гэмт хэргийн мэдээллийн тухайд цагдаа цорын ганц эх сурвалж биш, үргэлж үнэн зөв байдаггүй гэдгийг ч бас тооцож үзэх ёстой. Үүн дээр Б.Наранбаатар, Ж.Энхжаргалан нарын бухимдал зүйл ёсных л гэж харагдаж байна.

Б.СЭМҮҮН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 4 цаг 4 мин Мэдээж “Ар нь түүз!” 4 цаг 15 мин И-спорт болон оюуны спортын Азийн анхдугаар наадмыг 2027 онд зохион байгуулна 4 цаг 33 мин Улаанбаатарт өдөртөө 8 хэм хүйтэн 4 цаг 40 мин Аймгуудын өрсөлдөх чадварын 2026 оны тайлангийн үр дүнг танилцуулна 4 цаг 44 мин Д.Трамп Хятадад Ким Жөн Унтай уулзаж магадгүй гэв 4 цаг 49 мин Тайванийн Гадаад хэргийн сайд АНУ-д хоёр дахь удаагаа очжээ 4 цаг 54 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 4 цаг 59 мин Д.Медведев улирлын хаалтын тэмцээнийг хожлоор эхлүүллээ 19 цаг 58 мин “Вояжер-1” сансрын төхөөрөмж түүхэн дээд амжилт тогтооход ойрхон байна 20 цаг 2 мин Голомт банк “Euromoney Awards”-ын дөрвөн төрөлд шилдгээр шалгарлаа 23 цаг 47 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... Хууль зөрчиж хэрэг буцаасаар байгаа Дээд шүүхийг “байцаах” х... З.Мэндсайхан: Тэтгэвэр, цалингийн нэмэгдлээр дамжуулан ажлын... 1926-1930 онд Герман улсад суралцсан монгол залуучуудын боло... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Монголын баг тамирчид “Дакар-2026” залуучуудын олимпоос хоёр...
Top