x

"Аялагчдад сайхан байгаль, том гэрээс гадна ариун цэврийн өрөө, хогийн цэг, чанартай хоол хэрэгтэй!"

Цар тахал, хөл хорионы дараа дотоодын аялагчдын тоо нэмэгдэж байна. Энэ сарын 9-17-ны хооронд буюу үндэсний их баяр наадмын амралтыг тохиолдуулан амарч зугаалах, аялах зорилгоор Улаанбаатар хотоос гарах, нэвтрэх дөрвөн постоор 300-аад мянган автомашин хөдөө орон нутгийн чиглэлд зорчжээ. Өнгөрсөн жил аялал жуулчлалын салбар цар тахлын улмаас 6.6-9.2 их наяд төгрөгийн шууд бус алдагдал хүлээсэн гэх тооцооллыг Улаанбаатар Аялал жуулчлалын холбооноос мэдээлсэн билээ.

Аялал жуулчлал нь 20 гаруй төрлийн үйл ажиллагаанаас бүрдэж, 40 гаруй салбартай холбогддог, эдийн засагт голлох нөлөө үзүүлдэг салбар юм. Аялал жуулчлалын салбарынхан цар тахлын улмаас алдсан хоёр жилээ энэ зун нөхөх боломж бүрдүүлэхийн тулд бүхий л нөөц бололцоогоо ашиглан ажиллах талаар уулзалт зөвлөгөөн ч хийсэн. Энэ зуны дотоодын аялагчдын чиглэл баруун аймгууд ялангуяа Хөвсгөл, Баян-Өлгий, Завхан аймаг руу давамгайлж байна. Дотоодын аялагчдаас сошиал орчинд давлагаалж буй нийтлэг шүүмж бол “Дотоодын аялал жуулчлал ингэж сайн хөгжиж, идэвхжиж байхад аймаг, сум орон нутгийн удирдлагууд санаачилгатай баймаар юм аа! Хүмүүсийн хамгийн их очдог газар нутагт явган зам, гэрэлтүүлэг, хогийн сав, ариун цэврийн өрөө, гүүр, машины зогсоол шийдээд өгчихвөл болох гээд байна. Зуны дэлгэр цагт л мөнгөний урсгал хөдөө орон нутаг руу чиглэдэг шүү дээ” хэмээжээ.

Үнэхээр л аялагчдад сайхан байгаль, том гэрээс гадна ариун цэврийн өрөө, хогийн цэг, чанартай хоол хэрэгтэй шүү дээ. Галт тэргээр аялагчдын хувьд Улаанбаатар төмөр замаас долдугаар сард хамгийн эрэлттэй чиглэл УлаанбаатарЗамын-Үүд, УлаанбаатарСайншанд, УлаанбаатарДархан гэжээ. Улаанбаатар- ЗамынҮүд, Улаанбаатар-Дархан чиглэлийн галт тэргээр зорчиж амрах боломжтой хоттой хамгийн ойрхон газруудын нэг бол Түнхэл тосгон. Түнхэл тосгон нь Сэлэнгэ аймгийн Мандал сумын нутаг, Зүүнхараа хотоос зүүн урагш 35 км, Улаанбаатар хотоос хойшоо 120км зайд оршдог. Их хотын дуу чимээ, стресс, ухаалаг төхөөрөмж, нийгмийн сүлжээнээс ангид Хараа голын хөвөөнд байрлах Түнхэл тосгоныг зорих аялагчдын тоо энэ жилээс эрс нэмэгджээ. Тавдугаар сард 3,400 иргэн, зургадугаар сард 4,730 иргэн, долдугаар сарын эхний 19 хоногийн байдлаар 3,400 гаруй иргэн Түнхэл тосгоноос зөвхөн галт тэргээр зорчсон талаар Түнх өртөөний мэргэжилтэн н.Энхтуяа мэдээллээ. Тэрээр “Наадмын өмнөөс Түнх болон Нарс өртөө дээр буух зорчигчдын тоо маш их нэмэгдсэн. Улаанбаатараас холгүй, тосгон дээрээ төмөр замын өртөөтэй болохоор их давуу тал болж байна” гэж ярьсан юм. Түнхэл тосгон руу общий вагоноор том хүн 3,500 төгрөг, хүүхэд 1,000 төгрөг, купе том хүн 11,700 төгрөг, хүүхэд 5,400 төгрөгийн ханштай. Галт тэрэгний тасалбарыг очиж авах шаардлагагүй “Тapatrip” аппликейшнээр явах хүмүүсийнхээ регистрийн дугаарыг оруулаад захиалчихна. Галт тэргээр 10:40 цагт хөдлөөд, 14:00 цагт Түнх өртөөн дээр бууна. Аялагчид вагоноор явах нь машинаар явснаас хямд амралтын газрууд амрагчдаа тосоод авчихдаг учраас хувийн унаа шаардлагагүй амар байгаа талаар хуваалцсан юм. Наадмын амралтын өдрүүдэд хотын залуус “Түнхэл рүү бэлчсэн” гэхэд хилсдэхгүй. Багадаа 2-3 хоногийн өмнө амралтын газраа захиалахгүй бол амралтын газар, хоног төөрүүлэх гэрийн эрэлд гарсан хүмүүс бишгүйдээ байна билээ.

Амралтын газраа захиалсан л бол вагоноос буухад тосож аваад, буцаад явахад суулгаад өгчихдөг. Зөвхөн монголчууд гэлтгүй гадныхан ч гэр бүлээрээ очиж амардаг юм билээ. Оройдоо гүзээлзгэнэ, цагаан идээ зарсан нутгийн хүүхнүүд ч явна. Амралтын газруудын үнийн хувьд Түнхэл тосгоны төв дээр “Шовгор” нэртэй жижиг модон байшин болон тосгоны төвөөс 8км зайтай таван ханатай гэр нэг хоногийн 100 мянган төгрөг, тосгоноос 2км зайтай “Түнхэл таур”-ын байшин том хүн өдрийн 65 мянган төгрөг, хүүхэд 30 мянган төгрөгийн ханштай байна. Харин тосгоны төв дээр Хараа голын хөвөөнд байрлах гэрүүдийн хувьд дөрвөн ортой нийтийн гэр 35 мянган төгрөг, хувийн гэр нэг хүний 65 мянган төгрөгийн үнэтэй.

Дээрх үнэд өглөөний цай, оройн тараг багтсан. Өдөр, оройн хоолыг өөрсдөө хийх эсвэл амралтын газраасаа захиалах боломжтой. Захиалгын хоёрдугаар хоолнууд дунджаар 15 мянган төгрөгийн ханштай. Эрүүл ахуйн шаардлага, хоол хийж буй тогоочдын харилцаа хандлага гэх мэт бас бус шалтгааны улмаас тосгоны өөр ресторан, цайны газраас хоол захиалъя гэвэл захиалгаар хоол хийх нэг ч газар байхгүй. Хоёроос гурван ширхэг хүнсний дэлгүүртэй бөгөөд бараа бүтээгдэхүүн нь хотоос хоёр дахин өндөр үнэтэй. Түнхэлийн байгалийн сайхан, амарсан шиг амрах боломжтой амгалан тайван орчинд бол ярих зүйл байхгүй. Харин хоттой ойрхон, худалдаа наймаа эрхэлж эдийн засгийн эргэлт бий болгох, жижиг дунд үйлдвэрлэл хөгжүүлэх бүрэн боломж, давуу талтай газар үйлдвэрлэл, үйлчилгээний газар, ажлын байр бий болгох шаардлагатай санагдсан юм. Нөхцөл байдлын талаар амралтын газрын эзэн “Манай энд аялал жуулчлалын салбар энэ жилээс эрчээ авч байна.

Цар тахлын дараа дотоодын аялагчдын тоо ч нэмэгдсэн байна. Хүн бүр л гэр бүлээрээ амарч аялахыг илүүд үздэг болж. Наадмын өдрүүдийн захиалга дүүрсэн. Аялал жуулчлалын салбараа хөгжүүлэхийн тулд бизнес эрхлэгчдэдээ зориулсан зээл хэрэгтэй санагддаг. Бизнес эрхлэгчид мөнгөтэй байвал амралтын газрын тухтай байдал, орчин, хоолны сонголт, үйлчлүүлэгчдийн сэтгэл ханамж гээд олон зүйлд эергээр нөлөөлнө шүү дээ” гэв. Энэ талаар аялал жуулчлалын холбооны менежер Д.Энхцэцэг “Өнгөрсөн жил Хас, Голомт, Төрийн банк гэх мэт арилжааны банкууд зээл олгож байсан. Гэхдээ шаардлага, барьцаа хөрөнгө маш өндөртэй. Энэ салбарын бизнес эрхлэгчдийн дийлэнх нь зээлд хамрагдаж чадаагүй. Тоотой хэдэн амралтын бааз л хамрагдсан. Энэ жил зээл олгох хүсэлт гаргасан ч одоог хүртэл шийдэгдээгүй зун дуусч байна” хэмээн ярьсан юм.

Эх сурвалж: Өдрийн сонин

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 4 цаг 24 мин Мэдээж “Ар нь түүз!” 4 цаг 36 мин И-спорт болон оюуны спортын Азийн анхдугаар наадмыг 2027 онд зохион байгуулна 4 цаг 53 мин Улаанбаатарт өдөртөө 8 хэм хүйтэн 5 цаг 1 мин Аймгуудын өрсөлдөх чадварын 2026 оны тайлангийн үр дүнг танилцуулна 5 цаг 4 мин Д.Трамп Хятадад Ким Жөн Унтай уулзаж магадгүй гэв 5 цаг 9 мин Тайванийн Гадаад хэргийн сайд АНУ-д хоёр дахь удаагаа очжээ 5 цаг 14 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 5 цаг 19 мин Д.Медведев улирлын хаалтын тэмцээнийг хожлоор эхлүүллээ 20 цаг 18 мин “Вояжер-1” сансрын төхөөрөмж түүхэн дээд амжилт тогтооход ойрхон байна 20 цаг 22 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... Цагаачд иргэдийн шинэ цуваа АНУ-ын хилийг чиглэв У.Хүрэлсүх: Гүтгэлэг худал болохыг нотлохын тулд ажлаа өгч б... “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Монголын баг тамирчид “Дакар-2026” залуучуудын олимпоос хоёр...
Top