x

Сэтгүүлчид ээ, Х.Нямбаатарыг уучилж БОЛОХГҮЙ!

УИХ-ын 2016 оны сонгуулиар Сонгинохайрхан дүүрэгт ялалт байгуулж парламентад анх удаа орж ирсэн хүн бол Х.Нямбаатар. Тухайн үед Асашёорюү Д.Дагвадоржоор өөрийгөө дэмжүүлэн үг хэлүүлж байсан бичлэг ч сошиалаар түгж байв. “Орхон” их сургуулийг төгссөж, энэ сургуульд багшилж байсан тэрбээр УИХ-ын гишүүн болмогцоо Л.Оюун-Эрдэнэ, Т.Аюурсайхан, Ж.Батзандан, Лу.Болд нартай хамт “Шударга 5” болон жагсаж, МАНАН дэглэмийн эсрэг тэмцэгчийн дүрд тоглон олонд танигдсан. Өнгөн дээрээ шударга ёсны тэмцэгч царайлж, үнэн хэрэгтээ төлгөн коммунист гэдгийг нь УИХ-ын гишүүн Б.Пүрэвдорж чуулганы танхимд хэлж байв.

Хэвлэлүүд нэгэн үе Монголын сэтгүүл зүйн “дайсан”-ыг тодруулдаг байлаа. Сүүлийн хэдэн жил энэ “уламжлал” тасарчээ. Гэвч сэтгүүлчид тэр “дайсан”-ыг тодруулсан, тодруулаагүй энэ “номинаци”-ийн эзнээр өөрийгөө тодруулсан хүн бол Х.Нямбаатар сайд.

  • Сэтгүүлч Ц.Булганзаяа нэгэн нийтлэлдээ Х.Нямбаатарыг “Ц.Нямдоржийн утсан хүүхэлдэй” гэж бичсэн биш УИХ-ын гишүүн Х.Нямбаатар “Нэр хүндэд халдаж гүтгэсэн” гэдэг үндэслэлээр хуулийн байгууллагад гомдол гаргаж хоёр сая төгрөгийн торгууль оногдуулсан нь 2019 онд болсон явдал.
  • Сайд Х.Нямбаатар 2020 онд “Д.Гэрэл ТЕГ-ын дарга байхдаа сэтгүүлчид мөнгө өгч, бусдын тухай бичүүлдэг байсан нууц бичлэгийг задална” гэж сэтгүүлчдэд мэдэгдсэн ч тэрхүү сэтгүүлчийн нэр болон бичлэгийг олон нийтэд задлаагүй.
  • Эрүүгийн тухай хуулийн шинэчилсэн найруулгын төсөлд гүтгэх, доромжлох талаарх заалтыг оруулж, сэтгүүлчид болон сошиал хэрэглэгчдийн мэдээлэх, ард иргэдийн мэдэх эрхэд халдах гэж байсан байж болзошгүй үйлдэл нь олон нийтэд ил болмогц Х.Нямбаатар сайд сандарсандаа “Сэтгүүлчид, комедиан нарын элэглэл бол доромжлол биш. Эрүүлээр шүүмжлэх эрх хэнд ч нээлттэй” буюу “Гахай” илүү эрхтэй байж болох тухай өнгөрсөн хавар мэдэгдсэн нь хэрсүү ажиглагчдын шүүмжлэлтэй тулгарсан.

Х.Нямбаатар сайд ийнхүү эрх мэдэлд хүрмэгцээ Монголын сэтгүүл зүйн салбарыг хамгийн түрүүнд онилж, сэтгүүлчидтэй арцалдаж, Хэвлэлийн эрх чөлөөний тухай хуулийг өөрчлөх гэсэн биш энэ салбарынхны эсэргүүцэл, эгдүүцэлтэй байнга тулгарч ирсэн. Тэр ч атугай Х.Нямбаатарыг Хууль зүй, дотоод хэргийн сайдаар ажиллаж байгаа энэ үед Монголд “Жандарм буюу харгис цагдаагийн дэглэм” тогтож, олон нийтийн сүлжээнд үзэл бодлоо илэрхийлсэн иргэд цагдаагийн байгууллагын хаалга татах болсон нь нууц биш. “Энхсаран” сувилалд халдвар хамгааллын дэглэм алдагдсан тухай анх мэдээлсэн иргэн Д.Мөнхбатад эрүүгийн хэрэг үүсгэсэн тухай мэдээлэл түгсэн ч ЦЕГ-аас үүнийг үгүйсгэсэн. Гэвч түүнийг “Тусгаарлалтад байсан иргэдийг өдөөн турхирч, эмх замбараагүй байдал үүсгэсэн” хэмээн Эрүүгийн хуулийн 15.6.1-т заасан үндэслэлээр яллагдагчаар татах саналаа ЦЕГ-аас прокурорт хүргүүлснийг 2021 оны дөрөвдүгээр сард хэвлэлүүдэд мэдээлж байв. “No naadam” акцийг зохион байгуулагчдыг “Гадаадын тусгай албанаас санхүүжилттэй” гэж “Х.Нямбаатарынх” гэгддэг лайвчин сошиалд сэвж, хүн амины хэргээр гянданд хоригдож байгаад суллагдсан “Хонхэрээд” Б.Энхбат “No naadam” зохион байгуулагчдыг эрэмдэглэнэ” гэж заналхийлсан, “No double standart” эсэргүүцлийн арга хэмжээг Сүхбаатарын талбайд зохион байгуулсан иргэн Э.Одбаярыг ШШГЕГ-ын дэргэдэх хорих 461 дүгээр ангид саатуулсан, иргэн Д.Монголхүүгийн биед цагдаагийнхан халдсан, “Ажлаа хий” гэж Төрийн ордныг гороолсон залууст цагдаагийнхан шөнө нь халдаж, толгой тархигүй дэвсэлсэн гээд Хууль зүй, дотоод хэргийн сайд Х.Нямбаатарын үед сэтгүүлчдийн мэдээлэх, иргэдийн мэдэх эрх хийгээд ард иргэд үзэл бодлоо илэрхийлэх, жагсах цуглах эрхэд цагдаагийнхан балмадаар халдсан жишээ цөөнгүй. Тэр ч бүү хэл ЦЕГ-ын дарга Ж.Болд “Э.Одбаяр улсын тусгай объектод халдаж, хүч хэрэглэн Д.Монголхүүг өргөж аваад явчихсан” гэдэг хошин мэдээллийг хэвлэлийнхэнд өгч байв. Харин хамгийн сүүлд буюу 2022 оны зургадугаар сарын 09-нд цагдаагийнхан “Богд хаан” амралтын газарт хууль сахиулах нэрийдлээр өмчөө хамгаалсан иргэн, сурвалжлага хийхээр очсон сэтгүүлчид халдсан ноцтой хэрэг гарлаа. Цагдаа нарын халдлагад өртсөн сэтгүүлч Г.Гэрэлмаа энэ талаар “...Нэг мэдэхэд фургоны шалан дээр хацраараа хэвтэж, хэд хэдэн цагдаа гишгэчихсэн хоорондоо “Шоронд нь хатаачихмаар сэтгүүлчид олон байна аа” гэж инээлдэцгээж байв...” гэж фэйсбүүктээ бичсэн нь Х.Нямбаатар сайдын үед Монголд анархизм амилсны нэгэн жишээ биш гэж үү! Х.Нямбаатарыг Хууль зүй, дотоод хэргийн сайдаар томилогдоход Ерөнхийлөгч асан Х.Баттулга хүлээн авч уулзан “Х.Нямбаатар аа, Ц.Нямдорж шиг байхгүй бол чамайг хэн ч тоохгүй шүү” гэсэн сануулга өгсөн. Хууль зүй, дотоод хэргийн сайдын үг, үйлдлийг сайтар ажиглавал экс Ерөнхийлөгчийн энэхүү сануулгыг үйл хэрэг болгох гэж зүтгэдэг үү, үгүй юү!? Тэрбээр өнгөрсөн долоо хоногт балмад цагдаа нарынхаа өмнөөс сэтгүүлчдээс уучлалт гуйна лээ. Гэвч сэтгүүлчид ээ, Х.Нямбаатарыг уучилж гэнэдэхгүй шүү. Б.Пүрэвдоржийн нэрлэсэн энэ төлгөн коммунистыг Хууль зүй, дотоод хэргийн сайдаас огцортол тэмцэх хэрэгтэй. Тэр болтол Х.Нямбаатарын тухай ноцтой фактуудаас бусад мэдээлэл, хэвлэлийн бага хурлыг нь олон нийтэд мэдээлэхгүй байцгаая.

Б.Гэрэл

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 4 цаг 33 мин Мэдээж “Ар нь түүз!” 4 цаг 44 мин И-спорт болон оюуны спортын Азийн анхдугаар наадмыг 2027 онд зохион байгуулна 5 цаг 2 мин Улаанбаатарт өдөртөө 8 хэм хүйтэн 5 цаг 9 мин Аймгуудын өрсөлдөх чадварын 2026 оны тайлангийн үр дүнг танилцуулна 5 цаг 13 мин Д.Трамп Хятадад Ким Жөн Унтай уулзаж магадгүй гэв 5 цаг 18 мин Тайванийн Гадаад хэргийн сайд АНУ-д хоёр дахь удаагаа очжээ 5 цаг 23 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 5 цаг 28 мин Д.Медведев улирлын хаалтын тэмцээнийг хожлоор эхлүүллээ 20 цаг 27 мин “Вояжер-1” сансрын төхөөрөмж түүхэн дээд амжилт тогтооход ойрхон байна 20 цаг 31 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа УИХ-ын чуулганаар 2027 оны төсвийг эцэслэн баталлаа Улаанбаатарт өдөртөө 4 хэм хүйтэн Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Монголын баг тамирчид “Дакар-2026” залуучуудын олимпоос хоёр...
Top