Монголбанкны удирдлагууд Эдийн засгийн төлөв байдал болон үүсээд буй нөхцөл байдалтай холбогдуулан өнөөдөр мэдээлэл хийлээ.
Энэ үеэр Монголбанкны Ерөнхийлөгч Б.Лхагвасүрэн Хаан банкны хувь эзэмшилд өөрчлөлт орсон, ихэнх хувьцааг нь эзэмшдэг Японы иргэн Хидео Савада хувьцаагаа зарсан гэх мэдээлэлтэй холбоотой асуултад тайлбар өгөв.
Тэрээр “ХААН банкны нийт хувьцааны 46 хувь нь Токиогийн хөрөнгийн биржид бүртгэлтэй “Савада холдингс” компанийн эзэмшилд байдаг. Тус компани нь 1958 онд байгуулагдсан ба олон охин компанитай. Эдгээрийн нэг нь ХААН банк юм. ХААН банкны хувь эзэмшилд өөрчлөлт орвол заавал Токиогийн хөрөнгийн биржээр дамжиж гүйлгээ нь хийгддэг бүтэцтэй.
Хидео Савадагийн зүгээс "гомдолтой" гэсэн захиа ирсэн гэж сонссон. Уг захиа нь Монголбанкаар дамжаагүй. Олон нийтийн мэдээллийн хэрэгслээр АТГ-д хаяглагдаад ирсэн байсныг үзсэн.
Монголбанктай асуудлаа шийдэхээр ирвэл Банкны тухай хуулиар заавал банкаараа дамждаг. Өөрөөр хэлбэл, ХААН анктай холбоотой аливаа асуудал банкаараа дамжиж явдаг” гэлээ.
