x

"Очирболдын бүтээлийг бол үнэлнэ, Оюун-Эрдэнийн хулгайг үглэнэ..."

Ерөнхий сайд Л.Оюун-Эрдэнийн санаачилгаар Хэнтий аймгийн Батноров сумын нутаг дэвсгэр Хөхүүрийн хөндийд 2018 онд баригдсан “Андлалын өргөө” цогцолборыг оюуны өмчийн асуудлаар наймдугаар сард нураасан билээ. 

Тухайн үед БОАЖЯ-наас өгсөн мэдээллээр оюуны өмчийн асуудал үүссэн гэж байсан ч Монгол Улсын Соёлын гавьяат зүтгэлтэн, зураач, дизайнер Д.Эрдэмбилэг агсны гэр бүлийнх нь зүгээс тус бүтээн байгуулалтын гүйцэтгэл эх зураг шигээ биш, зураг төслийн хэмжээнд хүрэхгүй гэж үзэн нураах хүсэлт гаргасан байдаг.

Тэгвэл энэхүү хөшөөг шинэчилж, суурин дээр нь “Тэнгэрийн андлал” цогцолборыг хоёр сарын хугацаанд босгожээ. 

“Тэнгэрийн андлал” хөшөөний эх загварыг МУЭ-ийн шагналт, урлагийн гавьяат зүтгэлтэн уран барималч А.Очирболд урласан бол гүйцэтгэгчээр нь “Боржин Суварга” ХХК ажилласан байна.

Гэсэн хэдий ч Ерөнхий сайд Л.Оюун-Эрдэнийн санаачилсан ажил дахин хэл ам таталж, иргэдийн бухимдлыг төрүүлээд байна. Мордохын хазгай гэж үүнийг л хэлэх байх. Уран барималч А.Очирболдын урласан Тэмүжин, Боорчийн андлал иргэдэд таалагдаж буй ч тэнд Үндэсний их баяр наадмаар Херо энтертайнментийн дүрсэнд ашиглагдаж байсан буган дүрс бүхий төмөр багануудыг зоожээ.

Хэдийгээр шинээр эхлүүлсэн бүтээн байгуулалтын ажлыг иргэдийн хандив тусламжаар босгосон гэж мэдээлж байгаа ч өртөг, тооцоог нийтэд мэдээллэхээс татгалзсан юм. 

Энэ талаар зохиолч, сэтгүүлч Р.Эмүжин өөрийн байр сууриа цахим хуудаснаа илэрхийлжээ.

Тэрээр "Цэл залуухан Тэмүжин, Боорчи хоёрыг хөдөлгөөнтэй, амидчилсан, орон зайд уусч, агаар хөлөглөсөн байдлаар зохиомжилж хийсэн нь үнэхээр урлаг болж чаджээ. Уран баримал гэдэг өөрөө их өвөрмөц урлаг. Төмөр, шавар, хүрэл гээд хатуу биет материалаар хамгийн уян хатан ертөнцийг бүтээх учиртай. Баримал ярьдаг байх ёстой. Зүрх нь цохилдог байх учиртай. Хүрлээр хүүрнэн өгүүлж чадсан энэ ур, ухаан, чадвар яах аргагүй А.Очирболдынх юм байна аа.

Тэмүжин Боорчи хоёр Хөхүүрийн талд найман шарга адууны мөр дээр таарч андлалцдаг. Гэвч энэхүү Тэнгэрийн андлал хэмээх бүтээл Хөхүүрийн талаас хойш 10 гаруй км-т, дахиад Батноров сумын төвөөс хойд зүгт 20-оод км-т орших Дэл хар хэмээх уулын өвөрт босч буй ажээ. Түүх яагаад 30 гаруй км-ээр гажуудав? Оюун-Эрдэнийн эмээгийн талынхны нутаглаж явсан буурь бууцыг бараадуулан Тэмүжин, Боорчи хоёрын андлалыг өгүүлэх ямар шаардлага байв? Өнгөрсөн цагийн агуу түүхийг өөрийнхөө ихэрхлээр арчих гэв үү? Эсвэл нутаг орныхон нь энэ бууцнаас Ерөнхий сайд төрсөн юм аа гэж харуулах гээд долигонож далдаганасан нь энэ үү? Түүхийг ингэж монгол хүн өөрөө мугуйдлан мушгиж болохгүй ээ. Түүх бол түүх, өнөөгийн түүхий цаг үе бол түүгээрээ л үлдэнэ.

...Дахиад л нөгөө шунал. Тэнгэрийн андлал цогцолборт наадмын үеэр ашигласан буган дүрс бүхий төмөр багануудаа аваачаад суулгачихсан нь бас л олон нийтийн хараанд өртчихлөө. Хэро Баатар наадмын бичлэгийн төсвөөр хийлгэсэн зүйлээ Тэнгэрийн андлал цогцолборынхонд шахчихлаа гэсэн хардлага ургаад гараад ирлээ. Яагаад ийм хардлага амь бөхтэй, ахин дахин гарч ирээд байна вэ? Нэгт, баримт нь байна, яах аргагүй буган хөшөөт багананууд мөн байна. Хоёрт, энэ ах дүүсийн төрөөс хөлждөг төрхгүй чанар ямар ч тохиолдолд хардлага дагуулдаг болжээ. Цаашдаа юу ч хийсэн ард нь төрийн мөнгө уйлж, төрлийн халаас цавчаагаар цатгалдана гэдгийг энэ ард түмэн мэддэг болсон байна. Нэрээ хичээгээгүй амьдралд нэмнээ хэрэггүй л юм байгаа юм.

Оюун-Эрдэнэ шартай юм, хортой юм. Хэзээ, хэрхэн барьсан босгосон нь ч ойлгомжгүй нэг ийм хөшөө барималтай болчихлоо. Андлалын хөшөөнөөс эхлээд л 2.0 тэрбумын асуудал дэгдсэн. Гэнэт л буулгаад нураасан, гэнэт л Тэнгэрийн андлалтай болчихлоо. Яагаад ийм хулгайн замаар, хулгайч шиг нууцхан ажиллаад байгаа юм бэ. Одоо бид эмээ өвөөгийнхөө буурин дээр хөшөө босгочихлоо гээд инээх ёстой юу, баярлаж дэвхцэх үү? Хаанаас, ямар мөнгөөр, хэзээ, хэрхэн...гэсэн асуултууд эзэнгүй үлдэж байна. Оюун-Эрдэнэ илүү ухаантай байсан бол өвөө эмээгийнхээ гал бадарч байсан буурь бууцыг онгон дагшин, нууцхан авч үлдэх учиртай байсан юм. Олон хөлхөж, олгойгоос гарсан болгоноо хог болгон хаяж, сайн мууг хэлэлцэж, саар явдлыг нь шүүдэг олон нийтийн хөлд хаяж өгөхгүй л байлаа. Дээр нь энэ хөшөөнийхөө санхүүжилтын тайланг АТГ-т хүргүүлэх хэрэгтэй. АТГ-ч шалгах ёстой. Эзэнгүй мөнгө гэж байхгүй, эвдэрч дүрсээ өөрчилсөн мөнгө харин бий. Шавар гипс, төмөр карказ бүхий Андлалын хөшөө 2.0 тэрбум байсан, Тэнгэрийн андлал хэмээх хүрэл хөшөө 6.0 тэрбумаас буухгүй шүү, барималчид хэлээд өгнө дөө. Зүгээр энэ багтаж ядсан шар хороо хүүхдийн цэцэрлэг, сургуулийн барилга, хөшөө биш хөгжил дээр гаргаасай даа, ганган тусна даа. За ямартай ч тендэр зарласангүй, тэгсэн хэрнээ хэдэн тэрбумын хөшөө гэнэт гараад ирлээ. Ямар том хулгай хийдгээ яруу тодоор харууллаа гэх үү? Очирболдын бүтээлийг бол үнэлнэ, Оюун-Эрдэнийн хулгайг бол үглэнэ...харамсалтай нь улс төрийн хулгай луйврыг урлагийн сайхнаар халхалж дийлэхгүй л дээ. Юу үнэн, энэ үнэн. Урлагийн сайхныг улс төрийн алдаатайгаа хайр найргүй аваачиж холбоно гэдэг нь өөрөө их л харгис хомхой сэтгэлээс гарах хатуу үйлдэл шүү. Хэдэн арван андлалын хөшөө босгоод ч Оюун-Эрдэнийн М.Энхболдоос, У.Хүрэлсүхээс урвасан урвалтыг цайлгахгүй л дээ. МАН-ыг Женкогийн халаасанд аваачиж хийсэн урвалтыг бүүр ч цайлгахгүй ээ" хэмээжээ. 

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 5 цаг 42 мин Мэдээж “Ар нь түүз!” 5 цаг 53 мин И-спорт болон оюуны спортын Азийн анхдугаар наадмыг 2027 онд зохион байгуулна 6 цаг 11 мин Улаанбаатарт өдөртөө 8 хэм хүйтэн 6 цаг 18 мин Аймгуудын өрсөлдөх чадварын 2026 оны тайлангийн үр дүнг танилцуулна 6 цаг 22 мин Д.Трамп Хятадад Ким Жөн Унтай уулзаж магадгүй гэв 6 цаг 26 мин Тайванийн Гадаад хэргийн сайд АНУ-д хоёр дахь удаагаа очжээ 6 цаг 32 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 6 цаг 37 мин Д.Медведев улирлын хаалтын тэмцээнийг хожлоор эхлүүллээ 21 цаг 36 мин “Вояжер-1” сансрын төхөөрөмж түүхэн дээд амжилт тогтооход ойрхон байна 21 цаг 40 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top