x

Хоёр гишүүнийг тангараг өргүүлсэн УИХ өөрөө Цэцийн өмнө зогсох болов

Өнгөрсөн долоо хоног улс төрийн хүрээнд хүндхэн долоо хоног болж өнгөрлөө. УИХ дахь цорын ганц сөрөг хүчин болох АН УИХ-д бүлэггүй болох шахав. Намын эсрэг үйл ажиллагаа явуулсан хэргээр УИХ-ын гурван гишүүн Ц.Туваан, Н.Ганибал, Ж.Батсуурь нарыг АН-ын ҮДХ-ны шийдвэрээр АН-ын гишүүнчлэлээс дөрвөн жилийн хугацаатай хасч, сахилгын шийтгэл оногдуулав. Ингэснээр УИХ дахь АН-ын бүлэг найман гишүүнтэй үлдлээ. Дахиад нэг гишүүн намаасаа хөөгдвөл АН УИХ-д бүлэггүй болно. 

АН-ын гишүүд ийнхүү ойр ойрхон намаа орхиж буй шалтгаан нь тус намаас Ерөнхийлөгчөөр сонгогдож ажилласан Х.Баттулга МАН-ын даргын зөвлөх болсонтой холбоотой. МАН-ын даогын зөвлөх АН-ын гишүүдийг өрөөндөө дуудан үүрэг даалгавар өгдөг болсон тухай ордноор нэг яриа. Х.Баттулгын хувьд Ерөнхийлөгчийн албан тушаалаас буусныхаа дараа намынхаа гишүүнчлэлийг сэргээлгээгүйн дээр МАН-ын даргын зөвлөх атлаа АН-ын дотоод үйл ажиллагаанд хөндлөнгөөс оролцох болсонд дургүйцсэн намын удирдлагууд УИХ дахь түүний гар хөлүүдийг ил цагаан “тайрч” эхэлсэн нь энэ.

Үүнээс илүү ноцтой зүйл нь УИХ-ын 18, 28-р тойргийн нөхөн сонгуулийн хоёр удаагийн санал хураалтаар сонгогчдын ирц хуульд заасан доод хэмжээ буюу сонгогчийн 50 хувьд хүрээгүй боловч /Хэнтийд 46 хувь, Сонгинохайрханд 48 хувь/ СЕХ Ц.Идэрбат, Н.Батшугар нарыг УИХ-ын гишүүнээр сонгогдсонд тооцож, гишүүний үнэмлэх олгосон явдал. СЕХ-ны энэ хууль бус шийдвэрийг албажуулж, хоёр нөрхийг тангараг өргүүлсэн УИХ ч мөн хам хэрэгтэн болж, Цэцэд дуудагдах нөхцлөө хангав.

УИХ-ыг Цэцийн өмнө аваачих ажлыг УИХ-ын гишүүн, Хууль зүйн сайд асан Х.Тэмүүжин толгойлж байгаа юм байна. Түүний хувьд өмнө нь хоёр удаа парламентад сонгогдож ажиллахдаа УИХ-ын баталсан хуулийг хамгаалахаар хамгийн олон удаа Цэцийн хуралдаанд оролцож байсан туршлагатай хуульч, Үндсэн хуулийн мэргэжилтэн хүн.

Нэмж хэлэхэд, 65 суудалтай МАН-ын парламент 2020 оны сонгуулийн өмнө УИХ-ын сонгуулийн тухай хуульд өөрчлөлт оруулахдаа “нийт сонгогчийн 50 хувийн ирц бүрдээгүй тохиолдолд сонгууль хүчингүй болох” тухай хуулийн зохицуулалтыг хулгайлсан байна. Тэр нь “Сонгууль бүх нийтийн байх, төрийн эрх барих байгууллагаа иргэд олонхиороо сонгож байгуулах” Үндсэн хуулийн зарчмыг алдагдуулсан тул УИХ баталсан хуультайгаа, сая гаргасан шийдвэртэйгээ хамт Цэцийн өмнө очих бололтой.

Сануулахад, СХД-ийн 28-р тойрог 114 мянган сонгогчтой. Үүнээс 55700 нь /48,89 хувь/ сонгуульд оролцсон. Үүнээс Н.Батшугар 28.537 санал авч тойргийн нийт сонгогчийн ердөө 25 хувийн саналаар УИХ-ын гишүүн болжээ.

Хэнтий аймгийн 18-р тойрог 50752 сонгогчтой. Үүнээс 23677 сонгогч буюу 46.65 хувь нь сонгуульд оролцсон. Харин нэр дэвшигч Ц.Идэрбат 17264 санал буюу нийт сонгогчдын 34 хувийн саналаар УИХ-ын гишүүн болчихов. Ямар олон мандаттай том тойрог биш дээ. Ганц мандаттай жижиг тойргоос сонгогчийн 20, 30-хан хувийн саналаар сонгогддог байж болох уу? Үүнийг төлөөллийн ардчилал, олонхийн засаглал гэж нэрлэх үү?

Тиймээс УИХ ямар шалтгаанаар сонгуулийн ийм дүнг хүлээн зөвшөөрч, хоёр нөхрийг тангараг өргүүлсэн бэ? гэдгээ Үндсэн хуулийн цэцийн өмнө хариуцан тайлбарлах хэрэгтэй болох нь. Ядаж сонгогчдын 50 хувийн ирцийг бүрдүүлнэ гэсэн хуулийн наад захын шаардлагыг хангах ёстой биз дээ. 

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Зочин (64.119.22.214)
    Зөв шүү хуулийг ингэж гууль болгож болохгүй ээ
    2021 оны 10 сарын 25 | Хариулах
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 5 цаг 44 мин Мэдээж “Ар нь түүз!” 5 цаг 55 мин И-спорт болон оюуны спортын Азийн анхдугаар наадмыг 2027 онд зохион байгуулна 6 цаг 13 мин Улаанбаатарт өдөртөө 8 хэм хүйтэн 6 цаг 20 мин Аймгуудын өрсөлдөх чадварын 2026 оны тайлангийн үр дүнг танилцуулна 6 цаг 24 мин Д.Трамп Хятадад Ким Жөн Унтай уулзаж магадгүй гэв 6 цаг 29 мин Тайванийн Гадаад хэргийн сайд АНУ-д хоёр дахь удаагаа очжээ 6 цаг 34 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 6 цаг 39 мин Д.Медведев улирлын хаалтын тэмцээнийг хожлоор эхлүүллээ 21 цаг 38 мин “Вояжер-1” сансрын төхөөрөмж түүхэн дээд амжилт тогтооход ойрхон байна 21 цаг 42 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top