x

АНДЛАЛЫН ӨРГӨӨ ба Л.ОЮУН-ЭРДЭНЭ: Ахыгаа сонгох уу, албан тушаалаа сонгох уу?

Монголчууд цар тахалтай тэмцэлдсэн хоёр, гурван жилийн турш "аялал жуулчлалыг хөгжүүлдэг" хэмээн сонгогдсон тойрогтоо шавар, цемент баахныг овоолсон Ерөнхий сайд Л.Оюун-Эрдэнийн карьерт ergelt.mn сайт жинхэнээсээ "эргэлт" авчирлаа.

Хэдхэн хоногийн өмнө “Андлалын өргөө, “Херо Медиа”, “Херо контент”-тай манайх ямар ч холбоогүй. Холбоогүй юмыг холбоотой болгож гүтгээд байгаа хэвлэл, сайтуудтай нэгийгээ үзнэ шүү” гэж анхааруулж, цагдаагаар далайлгаад байсан “Херо” групп жинхэнээсээ “Андлалын өргөө”-ний хоёр тэрбум төгрөгийг цаад эзэн байсныг баримтаар нотолжээ. Харин барилгын тендерт оролцсон, барилгын төсөв болох хоёр тэрбум /1.961.785/ төгрөгийг төсөвт буцаан төлөх амлалт аваад байгаа “Хос санаа” компани бол зүгээр л өнгөлөн далдлалт байсан байна. Нэр нь хүртэл нэг тийм нэг тийм, “чиний ард би байгаа шүү” гэсэн маягтай.

Нано технологи судлал, аялал жуулчлал, газар тариалан, гадаад худалдааны чиглэлээр үйл ажиллагаа явуулахаар 2012 онд улсын бүртгэлд бүртгүүлсэн энэ компани байгуулагдсан цагаасаа хойш үйл ажиллагаа явуулсан, тендерт оролцсон бүртгэл байхгүй. Товчхондоо цаасан дээрх компани. Харин “Хос санаа”-гийн нэр дээр тендерт оролцож, барилгын ажлыг гүйцэтгэсэн, одоо “Херо интентаймент”-тай холбоогүй шүү гэж зарлаад байгаа “Херо медиа групп”, “Херо контент групп” нь “Херо интертэймент”-ын “Монгол тулгатан” нэвтрүүлгийн зургийн даргаар ажилладаг Л.Батсүрэнгийн компани болохыг сэтгүүлчийн мөрдлөгөөр тогтоожээ. Зүгээр ч нэг ижил нэртэй, ихэр компани байгуулаад байдаггүй бололтой.

Гэхдээ Л.Батсүрэн нь Ерөнхий сайд Л.Оюун-Эрдэнэтэй зөвхөн “Херо интертаймент”-ээр дамжиж холбогддог ч юм биш. Л.Оюун-Эрдэнийг НАМЗХ-ны даргаар ажиллаж байхад НАМЗХ-д хамт ажиллаж байсан эртний найзууд.

“Хос санаа”-г “Херо интертаймент”-тай холбосон зам, жимийг хөөвөл зүгээр детектив кино. Манай цагдаагийнхан лав хайгаад олохгүй. Хэдэн компанийг, хэн хэнийг дамжиж энэ хүрснийг тоочвол цаг, цаас хүрэлцэхгүй. Тиймээс энэ хүртэлх хэсгийг ergelt.mn-д үлдээе.

Ер нь бол хоёр тэрбум төгрөгөөр барилга барьчихаад “зохиогчийн эрхийн маргаантай” гээд нураачихдаг, “хоёр тэрбум төгрөгийг чинь буцаагаад өгчихье” гээд нүд цавчихгүй сууж байдаг жирийн нэг компани Монголд байхгүй. Ийм өрөнд унавал “Херо”-гийн эздээс бусад нь шууд амиа хорлох биз.

Товчхондоо Хэнтий аймгийн Батноров суманд барьсан бүтээн байгуулалт буюу “Андлалын өргөө” гээч нь манай төрийнхний төсвийг мөнгийг яаж иддэг, залгидаг, ямар аргаар нууж далдалдагийн тод жишээ болов. Ах, дүү хоёрын үүсгэсэн энэ сүлжээ урьд өмнө тохиолдож байгаагүй, маш сайн зохион байгуулж, нуун далдалсан, анхан суралцагч байтугай архаг хулгайч нарт гарын авлага болохуйц үзэгдэл болсныг хүлээн зөвшөөрөх хэрэгтэй. Гэвч “мөнгө мөрөө үлдээдэг” гэдэг үгтэй.

Тийм болохоор саяхан болтол “Монголын түүх соёл руу дайрлаа, дайсагналаа. Андлалын өргөөг гутаавал алалцана шүү” гээд чуулганы хуралдаан дээр ширээ шаагаад сууж байсан Ерөнхий сайд Л.Оюун-Эрдэнэ одоо үгээ хэлэх хэрэгтэй. “Херо” Б.Баатарыг таних уу? Ах дүүс хэвээр үү?  

Ерөнхий сайд Л.Оюун-Эрдэнэ одоогийн энэ суудалд суухаасбүр өмнө, “Херо” Б.Баатартай эцэг нэгтэй ах дүүс гэдгээ зарласныхаа дараа /аав, хүү гурав клипэнд хүртэл тоглосон/ хэвлэлд өгсөн ярилцлагадаа ахынхаа тухай “Бидэнд ижил төстэй олон зүйл бий. Би ахдаа хайртай. Сайн дүүтэй, азтай ах байгаасай гэж би хүсдэг” хэмээн ярьсан нь бий. Тэгвэл одоо Ерөнхий сайд Л.Оюун-Эрдэнийн өмнө ахыгаа сонгох уу, албан тушаалаа сонгох уу? гэдэг сонголт ирлээ.

Б.СЭМҮҮН

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • ОГЦОР ДАНХАН ТОЛГОЙТ ОО!!! (43.242.243.186)
    АНДЛАЛЫН ГЭГЧ ЭНЭ ЖИНХЭНЭ ТӨР МАФИЖСАНЫГ ЯРУУ ТОД НОТОЛСОН МАШ САЙН ЗОХИОН БАЙГУУЛСАН ЗОХИОН БАЙГУУЛАЛТТАЙ НАМ ДАМНАСАН БҮЛЭГЛЭЛИЙН ҮЙЛДСЭН ГЭМТ ХЭРЭГ !!!
    2021 оны 09 сарын 10 | Хариулах
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 6 цаг 14 мин Мэдээж “Ар нь түүз!” 6 цаг 25 мин И-спорт болон оюуны спортын Азийн анхдугаар наадмыг 2027 онд зохион байгуулна 6 цаг 43 мин Улаанбаатарт өдөртөө 8 хэм хүйтэн 6 цаг 51 мин Аймгуудын өрсөлдөх чадварын 2026 оны тайлангийн үр дүнг танилцуулна 6 цаг 54 мин Д.Трамп Хятадад Ким Жөн Унтай уулзаж магадгүй гэв 6 цаг 59 мин Тайванийн Гадаад хэргийн сайд АНУ-д хоёр дахь удаагаа очжээ 7 цаг 4 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 7 цаг 9 мин Д.Медведев улирлын хаалтын тэмцээнийг хожлоор эхлүүллээ 22 цаг 8 мин “Вояжер-1” сансрын төхөөрөмж түүхэн дээд амжилт тогтооход ойрхон байна 22 цаг 12 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top