x

Террорист М.Энхсайхан шоронгоос суллагдав

Монголын мөрдөх албаны цогцолбороос Ерөнхий сайд асан Энхсайханыг террорист гэж зарлав. Цогцолбор гэдэг нь цагдаа, тагнуул, АТГ прокурорын мөрдлөг хариуцсан багуудын нийлбэрийг хэлдэг. Харин терроризм гэдэг нь шууд утгаараа “хүч хэрэглэнэ хэмээн айлган сүрдүүлэх” гэсэн утгатай ба монголоор “алан хядах” гэж орчуулагддаг. НҮБ-аас орчин үеийн дэлхийд нэгдсэн ойлголт буй болгох үүднээс терроризмыг тайлбарлахдаа “Терроризм бол улс төрийн удирдагчдийг аргагүйн эрхэнд бууж өгсөн шийдвэрт хүргэхийн тулд гэмгүй хүмүүсийг зориудаар алж хядан олон түмнийг айдас түгшүүрт автуулах үзэгдэл” гэжээ. Энхсайхан арай ч алж хядаж яваад баригдсан биш, цогцолборын тодорхойлсноор алан хядахтай шахсан боловч зав эв нь таараагүй юм уу, яг алан хядангаа алдаж байгаад азаар илэрсэн юм байна гэж ойлгогдов. Илэрсэн ч гэж дээ, цогцолборынхон илрүүлж ард түмнээ аварсан юмаа даа. 

АТГ-ын шилдэг мөрдөгч Донжнинж, Ууганбаяр нар террористыг илрүүлэн прокурор Батбаярт дээш дээш нь шат дараалуулан өргөн барьжээ. Гэхдээ террорист Энхсайхан улс орныг дэлбэлэхээр зэхэж байгаа тухай аймшигт мэдээ эхлээд мэдээллийн хэрэгслэлээр цацагдсан. Хүмүүс ч газар дээрээ ухаан алдан унацгааж ийм аймшигт хэргийг цаг алдалгүй илрүүлсэн хүмүүсийг адаглаад бушуухан гавъяат мөрдөгч хуульчаар шагнахыг шаардаж, харин террорист Энхсайханыг үзэн ядах цуглаан жагсаал улс даяар оволзов. Түүнийг ал, хэрч, бууд, эхнэр хүүхэд хамаатан саданг нь нэг мөр устга гэсэн ард түмний хилэнт уур бүр хар шөнөөр ч тасрахаа болив. 

Террорист Энхсайхан Монгол улсыг газрын хөрснөөс арчихын тулд ганцаараа зүтгээгүй, энэ хэргийг Хятад, Японы удирдлагуудтай хамсран үйлдэхээр төлөвлөж байсан нь илрэв. Үндэстэн дамнасан хуйвалдаант терроризм! Монголын хамаг нүүрсний эх булгыг террорист Энхсайхантай хамтран дээрэмдэх болсон тухайгаа Японы Ерөнхий сайд Абэ “манай хоёр орон энэ том төсөлд хамтрах болсон нь нэн сайхан явдал юмаа” гэж хэлж байсан баримт ч олдов. 

Энэ үед олон улсын байгууллагаас Монголыг саарал жагсаалтад оруулснаа зараллаа. Үндсэрхэг үзлийн гэх шалтгаанаар хүний амь бүрэлгэгч, тэсэрч дэлбэрэх бодисоор улсын объектуудыг дэлбэлэхээр зэхэж байгаад үйлдэл дээрээ баривчлагдсан бүлэглэл зэргийг зарилгаар өршөөн хэлтрүүлсэн явдал нь саарал жагсаалтад багтах үндсэн гурван шалтгааны нэг болсон аж. Саарлын дараа хар жагсаалт гэж бий, тийшээ орчихвол шууд л олон улсын хоригт багтана гэдгийг эрх зүйн ухааны лут лут онолчид гаргалгаа хийн дээш дээш нь өргөн мэдүүлэв. Удалгүй өндрөөс хариу ирлээ. Террорист Энхсайханы террорист цол гуншинг нь өршөөж уучлан хасъя, тэгвэл өмнө нь суллагдсан алуурчин, дэлбэлэгч нар мөн буруу оношлогдсон болог. Ингэж террорист Энхсайхан террорист биш Энхсайхан болж хувирсан түүхтэй. 

Гэвч бадарчин баярлах болоогүй ээ. Ард түмнээ гэмт хэрэгтнийг үзэн ядуулж ухаажуулах нэгдүгээр раунд л өндөрлөж буй хэрэг. Дараагийн шат шүүхийн танхимд үргэлжлэнэ. Үүнд шинэ баг бүрдүүллээ. Тэд террорист биш Энхсайхан Монголын хамаг нүүрсийг гадаадынханд зүгээр өгөх гэж байгаад баригдсан асуудлыг тойрч ярина. Үүнд гэрч, шинжээч, яллагч, шүүгчдийн бүрэлдэхүүн багийг бүрэлдүүлнэ. Гэрчээр А.Гансүх, Л.Эрдэнэчимэг, Д.Ганбат тэргүүтнүүд. Гэрчлэх ариун үйл ажиллагаагаа шүүхийн танхимд гэхээсээ мэдээллийн хэрэгслэлээр илүүтэй түгээнэ. Хэрэв террорист Энхсайхан гэмт үйлдлээ хийж байхад нь эдгээр эх орончид хатуу тэмцэн эсэргүүцэж саад болоогүй бол өнөөдөр улс орноо тавиад туучих байлаа гэдгийг тэдний амнаас баримттайгаар сонсон яс махандаа тултал ойлгосон ард түмэн тэдний шударгыг бахдан хэлэлцэхийн сацуу адгийн шаарыг алахад багадна гэдэг дээр санал нийлж байв.

Хоёр өрөөнд хоёр нялх хүүхэдтэйгээ амьдардаг террорист биш Энхсайханы гэрийг нэгжихээр өндөр мэргэжлийн баг тийш мордлоо. Бараг шалыг нь хуулаад юу ч олсонгүй. 

-Сээп чинь хаа байна?

-Би сейфээр яахын? Манайд сейф байдаггүй.

Мэдээж хамаг алт мөнгө, эрдэнэс төгрөг, доллар, иен, юань, рубль, вон, еврогоо сээптэй нь хамт хаа нэгтэй нуугаад булчихсан байж таараа. Ерөнхий сайд байсан энэ террорист ийм ядуу байх учиргүй. Нэгжлэгийн үр дүн ард түмний урмыг хугалав. Сээпийг нь ол, хамаатан садан танил талынх нь гэрийг нэгж, хаа нэгтэйгээс олдож л таарна! Нуусан баялагийг нь олсон ч олоогүй ч, ямар ч байсан шууд дүүжлэн хороо! Энэ бол шударга иргэд, ард түмний хатуу даалгавар!

Яллах танхимд шинжээчдийн багийг оруулж ирсэн нь ёстой том алдаа болсон. Хариуцлагагүй нь тэр байхгүй юу! Шинжээчид террорист биш Энхсайханы нүүрсээ гадаадынханд зүгээр өгөх гэсэн бузар үйлдлийг буруушаахын оронд харин ч маш сайн төсөл боловсруулсан байна, иймээс энд ямар ч гэмт хэргийн шинж алга гэх нь тэр. Нөгөөтэйгүүр энэхүү террорист биш нөхөр төсөл боловсруулсан болохоос ямар ч шийдвэр өөрөө гаргаагүй байна гэж наадаг байгаа. Бузар хуйвалдаанд түүний гарын үсэг хаана ч алга. Тэгнээ тэр, олон сая хүн хүйс тэмтрэх бичиг баримтад террорист Гитлерийн өөрийнх нь гарын үсэг нь байдаггүй шүү дээ.

Гэвч бадарчин баярлах болоогүй л байгаа шүү. Нүүрсний асуудалд төсөл хийхдээ алдаа эндэгдэл гаргасан байна, уг нь тэр заалтыг тэгэж засах байж, тийм заалтууд нэмж хийх байж, энэ заалт арай дутуу болсон байна хэмээн яллах багийнхан мэргэжлийн нарийн зөвлөлгөө өгөн нөхөрсгөөр сануулцгаав. Нэг үгэндээ ажлын хариуцлага! Үүнийг зүгээр өнгөрөөж болохгүй.

Шинжээчдийг буруу сонгосон алдааг дахин давтаж болохгүй. Иймээс шүүгчдийн шилдэг баг шинэчлэн бүрдүүллээ. Шүүхийн шат бүрд. Урьд нь гэмт хэрэгт холбогдож байсан, албан тушаал ахих сонирхолтой, өр зээлтэн, хээл хахуулийн донтой, шагнал урамшил авалгүй өдий хүрсэн, сонссон болгодоо итгэдэг гэнэн тэнэг, садист, моцахист, атаач, даргын тушаалыг сохроор биелүүлэгч, хорсол заналдаа хорвоог зүхэж явдаг… гэх мэт, ер нь Монголын эрхийн шинжлэх ухааны стандартаар төрөл бүрд хувийн учир шалтгаантай под хийсэн бүрэлдэхүүн. Б.Цогт, Т.Өсөхбаяр, З.Болдбаатар, Д.Дарьсүрэн, Б.Батцэрэн, Б.Амарбаясгалан, Д.Эрдэнэбалсүрэн, Ч.Хосбаяр, Б.Батсайхан, Ж.Болдбаатар, Б.Батзориг, М.Алдар… ял дуудагч нь хууль цаазач Н.Батбаяр гэх мэт.

Өндөр зэрэглэлийн шүүгчдийн дотроос тэдэн дундаа илүү санаачлагатай нэг нь террорист биш Энхсайхантай холбоотой машин тэрэгний асуудлыг олоод ирэх нь тэр. Албаны унаа авахдаа төсөвлөсөнөөс нь бага үнээр авсан юм байна. Цаад зарсан этгээд нь террорист биш Энхсайханы танил тал ч юм уу хамаатан садан нь байсан бололтой. Хямд авсан нь хамаагүй, гол нь энэ бол ашиг сонирхолын зөрчил! Мэдсээр байж худалдан авах үйлдлийг хэнтэй ч ярилцалгүй толгой даан ганцаар шийдсэн байна.

Террорист биш Энхсайханы хэрэг гурван шатны шүүхээр дамжсан. Анхан шатны шүүх түүнийг 4 жилийн хугацаагаар шоронд томилов. Эргэж заргалдан давж заалдсан чинь Улсын дээд шүүх нийт ялнаас нь хэдэн хоногийг хасаж харж үзлээ. Энэ бол тэдний зүгээс үзүүлж буй буяны ажил юм. Ер нь хүнийг ингэж олон дахин харж үздэг явдал эрх зүйн онолд ч байдаггүй юм байна. Террорист байсныг нь террорист биш болголоо. Гадаадынхантай нийлж Монгол улсыг самран сөнөөх гэж байсныг нь болиулаад ажлын алдаа дутагдал болгож өглөө. Албаны машин худалдан авахдаа ашиг сонирхолын зөрчил үйлдсэн чинь тэгээд худлаа юу… айн?

Монгол улсын шинэ Ерөнхийлөгч сэнтийд суусан дороо террорист биш Энхсайханд уучлал үзүүлж шоронгоос суллуулжээ. Уучлал үзүүлэх нь Ерөнхийлөгчийн бүрэн эрхийн асуудал байдаг юм байна. Түүнээс хоригдогч гэмээ хүлээн ялыг нь харж үзээч гэж гуйж гувшин өргөдөл бичихээр нь харж үзэн дахиж битгий ингээрэй гэж уучилдаг юм биш аж. Энэ талаар нийтэд буруу ойлголт байдаг. Цаазын ял авсан хоригдлууд амь гуйн өөрийг нь уучлаач гэж өргөдөл бичин хүргүүлдэг явдал олон жил давтагдсан учир ийм буруу ойлголт нийтэд буй болсон бололтой. 

Б.Баабар /2021.8.8/

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • DR. UROLOGIST (185.15.21.75)
    БҮГДЭЭРЭЭ САЙН УУ!!!!! Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST.LT.COL@GMAIL.COM хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802. имэйл: DR.PRADHAN.UROLOGIST.LT.COL@GMAIL.COM Yнэ: $780, 000 (Долоон зуун, Наян мянган доллар)
    2021 оны 08 сарын 10 | Хариулах
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 6 цаг 37 мин Мэдээж “Ар нь түүз!” 6 цаг 48 мин И-спорт болон оюуны спортын Азийн анхдугаар наадмыг 2027 онд зохион байгуулна 7 цаг 6 мин Улаанбаатарт өдөртөө 8 хэм хүйтэн 7 цаг 13 мин Аймгуудын өрсөлдөх чадварын 2026 оны тайлангийн үр дүнг танилцуулна 7 цаг 17 мин Д.Трамп Хятадад Ким Жөн Унтай уулзаж магадгүй гэв 7 цаг 22 мин Тайванийн Гадаад хэргийн сайд АНУ-д хоёр дахь удаагаа очжээ 7 цаг 27 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 7 цаг 32 мин Д.Медведев улирлын хаалтын тэмцээнийг хожлоор эхлүүллээ 22 цаг 31 мин “Вояжер-1” сансрын төхөөрөмж түүхэн дээд амжилт тогтооход ойрхон байна 22 цаг 35 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Оюутны гольфийн ДАШТ-д М. Буян-Эрдэнэ амжилттай оролцлоо
Top