x

Олимп ба монголчууд: П.Цагаанд төлсөн өр

Токио-2020 олимпийн наадам эхлээд дөрөв дэх өдөртэйгээ золгож байна. Энэ дөрөв хоногийг монголчууд нэг медаль нэлээд хэд хэдэн хэрүүлийн сэдэвтэй үдэв. Түүнээс хамгийн их шүүмжлэл дагуулсан нь олимийн наадамд манай баг тамирчдыг дагалдан явсан дарга нарын тоо. Энэ удаагийн олимпод манай 43 тамирчин 10 төрлөөр өрсөлдөж байгаа. Үүнээс нэлээд нь тэмцээнээ өндөрлөөд нутаг буцах тийшээ хандав.

Өчигдөр буудлагын эмэгтэйчүүдийн 10 метрийн хийн гар бууны төрөлд өрсөлдөж, нэг онооны дутуугаар финалаас хасагдсан Ц.Анударь "Оноог маань хараад, хэлээд зөвлөөд өгөх багштай явсан бол илүү дээр байх байлаа. Хэдэд явж байгаагаа ч харж чадалгүй тэмцээнээ дуусгасан. Анхны олимп болохоор туршлага дутлаа" хэмээн ярьсан нь олон хүний сэтгэлийг гонсойлгов. Харин түүний эсрэг дүр нь Байт харвааны холбооны ерөнхийлөгч П.Цагаан болов. Өнгөрөгч долоо хоногт олимпийн нийслэл рүү ниссэн манай хоёрдугаар ээлжийн баг тамирчдын бүрэлдэхүүнд 72 хүн багтсаны 33 нь тамирчид, 39 нь албаны хүмүүс буюу дарга нар байсан тухай өмнө мэдээлсэн. Тэдний тоонд П.Цагаан гуай багтаж, шигшээ багийнхны хувцсыг өмсөн дуранд өртсөн нь олны шүүмжлэлийг дагуулав. Хоёр тамирчин нь олимпийн эрх авсан Монголын байт харвааны холбооны хоёр дарга /нарийн бичгийн даргатайгаа хамт/ ганц дасгалжуулагчтай явжээ.

Ц.Анударийн дасгалгалжуулагч яагаад олимпод яваагүй талаар МҮОХ-ноос хийсэн тайлбарт “Олон улсын олимпийн хорооны Олимп зохион байгуулах хорооны шийдвэрээр эрх авсан тамирчдын 55 хувьд нь дасгалжуулагчийн квот олгосон. Гэхдээ бусад албаны квот дээр хэрэгтэй, хэрэггүй олон хүн явсан. Тэд өөрсдийн мандатаа дасгалжуулагч нарт өгч болох байсан” гэсэн байна. П.Цагаанд ч гэсэн тийм сонголт байсан гэсэн үг. Тиймээс “хэрэгтэй, хэрэггүй” гэдэг ангилалд МҮОХ, Спортын холбоодын нэр дээр явсан дарга нар өөрсдөө багтаж байгаа юм. 43 тамирчинг 40 шахуу дарга даамлууд дагалдсан гээд бод доо.

Өчигдрийн тухайд П.Цагааны нэр гарсан шүүмжлэлийн эсрэг түүнийг өмөөрсөн, хаацайлсан мэдээллүүдийг олон нийтийн сүлжээгээр хайр гамгүй цацав. Монголын байт харвааны спортыг төлөөлдөг, хувийнхаа хөрөнгөөр Яармагт мөсөн өргөө барьсан, өвлийн спортыг хөгжүүлэхийн төлөө яваа ачтай буянтай хүн... гэх мэтээр өмгөөлж хамгаалж, хэрэлдэж байна.    

Энд нэг зүйлийг тодруулахад, асуудлын гол нь П.Цагаан хэр зэрэг мөнгөтэй, хөрөнгөтэй, хэр их буян хийсэн, хандив өргөсөн, эсвэл ирэх жил болох өвлийн олимпод хэр их хувь нэмэртэй тухай биш юмаа. Монголын тамирчид энэ удаагийн олимпод ямар амжилт гаргах вэ, хэн юугаар тусалсан, дэмжсэн, эсвэл ядаж гай болоогүй тухай л юм. Хэрвээ спортод хандив өгсөн, хөрөнгө оруулсан тухайгаа ярьвал үндэсний хэмжээний бүх компаниуд, Оюутолгой, Эрдэнэт үйлдвэрээс авахуулаад MCS, Хаан банкны захирлууд бүгд олимпод явах, үзэх эрхтэй. Коронагаас өмнө тийм л байсан. Эрдэнэт үйлдвэрийн захирал олимпийн тэмцээн үзээд сууж байхад бид юу ч хэлж байгаагүй.

Ялгаатай нь энэ удаагийн олимп үзэгчгүй олимп. Коронавирусийн халдварын улмаас олимп зохион байгуулж байгаа орон нь өөрөө ингэж шийдсэн. Гэтэл манай дарга нар тамирчдаа дэмжих гэж биш, өөрсдөө зугаацах, эрх дархаа мэдэрч, "эго"-гоо тэжээхийн тулд олимпод яваад байгааг иргэд шүүмжлээд байгаа юм.

Түүнийхээ оронд нэг ч гэсэн дасгалжуулагч, нэг ч гэсэн спортын сэтгэл зүйч эмчийг өөрийнхөө квот дээр явуулсан бол, ядаж л олимпод оролцож байгаа тамирчдынхаа амрах буудал, хоолны мөнгөн дээр хэмнэлт хийдэггүй бол тэр нь жинхэнээсээ дэмжлэг болох байлаа. БТСУХ-ны дэд дарга Ц.Одонбаяр жишээ нь “Би Токио яваад тамирчиндаа тус дэм болж чадахгүй ээ, хэрэгтэй хүнийг нь явуулъя” гээд өөрийнхөө мандатыг тамирчныхаа эмчид өгсөн л байна шүү дээ. Ийм л дэмжлэгийг хүсээд байгаа юм. Гэтэл П.Цагаан гэдэг хүн өвлийн спортыг дэмждэг, хөрөнгө оруулдаг байлаа гээд тэр нь Байт харвааны төрөлд өрсөлдөж байгаа баг тамирчдад ямар нэмэртэй вэ?

Асуудлын гол нь П.Цагаан гэдэг хүнд биш. Өнөөдөр манай тамирчид олимпод ямар амжилт үзүүлж, түүнд нь юу саад болж байгаад л асуудал байна. 

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (2)

  • Мөнх (66.181.188.150)
    Цагааны мөнгө чинь бидний эзэмших ёстой байгалийн баялгийг луйвардсан мөнгө шүү дээ. Тэрнээс биш хар царайтай Цагаан нэртэй энэ өмхийд ямар баасных нь мөнга байхав дээ.
    2021 оны 07 сарын 26 | Хариулах
  • uur (202.179.21.233)
    hurungu mungu diildeg gesnii tod ilrel
    2021 оны 07 сарын 26 | Хариулах
iРедакцийн сонголт
iШинэ мэдээ
З.Мэндсайхан: Оюу Толгойн хэлэлцээрийн баг удахгүй ирнэ 6 цаг 54 мин Мэдээж “Ар нь түүз!” 7 цаг 5 мин И-спорт болон оюуны спортын Азийн анхдугаар наадмыг 2027 онд зохион байгуулна 7 цаг 23 мин Улаанбаатарт өдөртөө 8 хэм хүйтэн 7 цаг 30 мин Аймгуудын өрсөлдөх чадварын 2026 оны тайлангийн үр дүнг танилцуулна 7 цаг 34 мин Д.Трамп Хятадад Ким Жөн Унтай уулзаж магадгүй гэв 7 цаг 39 мин Тайванийн Гадаад хэргийн сайд АНУ-д хоёр дахь удаагаа очжээ 7 цаг 44 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 7 цаг 49 мин Д.Медведев улирлын хаалтын тэмцээнийг хожлоор эхлүүллээ 22 цаг 48 мин “Вояжер-1” сансрын төхөөрөмж түүхэн дээд амжилт тогтооход ойрхон байна 22 цаг 52 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин Хуситууд Йемений түр нийслэл Аден хот руу давшиж эхэлжээ Уржигдар 16 цаг 15 мин Оюутны гольфийн ДАШТ-д М. Буян-Эрдэнэ амжилттай оролцлоо Уржигдар 16 цаг 10 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Энэ 7 хоногт Монгол Улсад
Top