x

Уяачид, бөхчүүд, урлаг соёлынхон бусдаас илүү эрхтэй юу?

Цахим наадмыг эсэргүүцсэн залуус, үйл ажиллагаагаа хязгаарлуулсан аж ахуйн нэгжүүд өчигдөр хотын төв талбайд “ТЭВЧЭЭР ТАСАРЛАА” эсэргүүцлийн цуглааныг зохион байгууллаа. Өнгөрөгч баасан гаригт Ерөнхийлөгчийн тангараг өргөх ёслолын үеэр үгээ хэлэхээр төв талбайд очоод цагдаад баривчлагдан туугдаж явсан залуус энэ удаа үгээ хэлэв. Бүтэн өдөржин үргэлжилсэн цуглаанд найман настай сурагч охин оролцсон нь олны сэтгэлийг хамгийн их хөдөлгөлөө. Охин цахим наадмын хурдан морины хүүхдүүдийн өмнөөс үгээ хэлэхээр иржээ.

Түүний хоолой зангируулан байж хэлсэн “Биднийг сургуульд явуулдаггүй. Гадаа тоглуулдаггүй. Хоолны газар оруулдаггүй. Тэгсэн мөртлөө өөрсдийнхөө зугаа цэнгэлд ашиглаж хурдан морь унуулдаг, тоосонд даруулдаг. Тэр хүүхдүүд өвдвөл яах вэ?” гэдэг үг олон хүний сэтгэлийг өвтгөв. Гадаадад суугаа монголчууд мөн “NoNaadam” хөдөлгөөнийг дэмжин, олон нийтийн сүлжээгээр байр сууриа илэрхийлж эхэллээ.

Мөн УОК-ийн зүгээс өчигдөр орой Наадмыг хойшлуулах, эсвэл цуцлах саналыг Засгийн газрын өнөөдрийн хуралдаанд оруулахаар болсон билээ. Харин иргэдийн хувьд цахим надмыг хойшлуулах бус, нэгмөсөн цуцлах шаардлагыг тавьж байна. Эсвэл наадмаа хий, гэхдээ хориогоо цуцал. Цөөнх нь /эрх мэдэлтнүүд/ наадамлаад, олонхи нь хоригддог байж болохгүй. Бүгд ижил тэгш байя... Ийм л шаардлагыг иргэд тавьж байгаа.

Эрх баригчдын энэ тэгш бус шийдвэрээс болж, урлаг соёлынхон, уяачид, бөхчүүд хүртэл иргэдтэйгээ хагаралдаж эхэллээ. Ердөө жилийн өмнө допингийн хэргээр ард түмнээсээ уучлал гуйж бөхийгээд "100 жилийн ойгоор зодоглохгүй" гэж амласан Н.Батсуурь аварга хүртэл #NoNaadam хөдөлгөөнийг зохион байгуулж байгаа Д.Амартүвшинг лайваар сүрдүүлээд явж байна лээ. Наадамд уриалсан урлаг, соёлынхон нь үзэгчиддээ бариулах гэж байна. Юун нөгөө ард түмнээ цэнгүүлэх...

Энэ бүх эсэргүүцэл, хагарал чинь ердөө дарга нар тусдаа наадам хийж, иргэд нь тэднийг зурагтаар хараад, хоригдоод суудаг тогтолцоог л эсэрүүцээд байгаа хэрэг шүү дээ. Наадвал хамтдаа наадъя, ядаж хоригдохгүй байя. Хоригдвол хамтдаа, нийтээрээ хоригдъё, тэгш эрхтэй байя л гэж байгаа юм.

Гэвч цахим наадмыг цуцлах иргэдийн шаардлагын хариуд Хууль зүйн сайд Х.Нямбаатар өчигдөр орой бас нэгэн ухвар мөчид мэдэгдлийг хийв. “Наадмыг цуцлах тухай хууль байхгүй” гэсэн түүний мэдэгдэл дахиад шуурга дэгдээлээ. Иргэд хуульгүй хоригддог, эрх баригчид хуулиа бариад нааддаг байж болох уу? Энэ ч гэсэн тэгш эрх мөн үү?

Уг нь бол УИХ-аас баталсан “Цар тахлаас урьдчилан сэргийлэх, тэмцэх, нийгэм эдийн засагт үзүүлэх сөрөг нөлөөллийг бууруулах тухай” хуульд,

“Цар тахлын үед шуурхай авч хэрэгжүүлэх арга хэмжээтэй холбогдсон хууль, УИХ-ын бусад шийдвэрийн төслийг УИХ дараалал харгалзахгүйгээр хэлэлцэнэ. Цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах талаар Засгийн газраас авч хэрэгжүүлж байгаа арга хэмжээнд тогтмол хяналт тавина” гэж заасан байгаа. Шаардлагатай бол наадмыг цуцлах, хууль, тогтоол гаргах эрх нь УИХ-д өөрт нь байгаа. Тийм болохоор УИХ-ын эмэгтэй гишүүд ч гэсэн “наадмыг хойшлуулах санаачилга гаргалаа” гэж хэлбэрдэхийн оронд шууд хууль, тогтоолын төсөл өргөн бариад явах ёстой. Бүрэнх эрх нь байна.

Мөн энэ хуулийг хэрэгжүүлэхдээ, “хүний амь нас, эрүүл мэнд, аюулгүй байдлыг хамгаалах, эрүүл мэндийн үйлчилгээ тэгш, хүртээмжтэй байх", "ялгаварлан гадуурхахгүй, гутаан доромжлохгүй байх” зарчмыг баримтална гэсэн байгаа.

Гэтэл өнөөдөр Засгийн газраас авч хэрэгжүүлж байгаа арга хэмжээ, наадмыг цахимаар хийнэ гэсэн нь Цар тахлын тухай хуулиа хүртэл зөрчөөд, нийгэмд ялгаварлал бий болгоод байна гэдгийг л иргэд хэлээд байгаа юм шүү дээ. Уяачид, бөхчүүд, урлаг соёлынхон бусдаасаа илүү давуу эрхтэй юу?

Тэд яг ямар эрхтэй болохоороо дарга нарын ивээлд багтаад дэнж хотойтол наадаж явдаг, иргэд яагаад эрхээ хасуулаад гэрийн хорионд суух ёстой вэ? Энэ ч гэсэн ялгаварлал биш үү?

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Зочин (202.9.40.124)
    Сонин юм уншчихваа. Наадуул чинь манийгаа баярлуулах гээд ажиллаж байгаа юм аа. Ажил нь угаасаа ийм юм. Атаархаад байх юм байхгүй дээ!
    2021 оны 07 сарын 02 | Хариулах
iРедакцийн сонголт
iШинэ мэдээ
Шөнийн автобус 22:00-02:00 цагийн хооронд үйлчилж байна 4 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 8 мин З.Мэндсайхан: Оюу Толгойн хэлэлцээрийн баг удахгүй ирнэ 7 цаг 23 мин Мэдээж “Ар нь түүз!” 7 цаг 34 мин И-спорт болон оюуны спортын Азийн анхдугаар наадмыг 2027 онд зохион байгуулна 7 цаг 52 мин Улаанбаатарт өдөртөө 8 хэм хүйтэн 7 цаг 59 мин Аймгуудын өрсөлдөх чадварын 2026 оны тайлангийн үр дүнг танилцуулна 8 цаг 3 мин Д.Трамп Хятадад Ким Жөн Унтай уулзаж магадгүй гэв 8 цаг 8 мин Тайванийн Гадаад хэргийн сайд АНУ-д хоёр дахь удаагаа очжээ 8 цаг 13 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 8 цаг 18 мин Д.Медведев улирлын хаалтын тэмцээнийг хожлоор эхлүүллээ 23 цаг 17 мин “Вояжер-1” сансрын төхөөрөмж түүхэн дээд амжилт тогтооход ойрхон байна 23 цаг 21 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Энэ 7 хоногт Монгол Улсад
Top