x

АН-ын хоёр даргын тамганы дажинд шүүхүүд татагдан оржээ

АН-ын тамганы маргаан магадгүй ирэх сард болох Ерөнхийлөгчийн сонгууль хүртэл үргэлжлэх бололтой. Энэ асуудлаар Захиргааны хэргийн давж заалдах шатны шүүхэд товлогдоод байсан шүүх хурал өчигдөр гурав дахь удаагаа хойшлов. Шүүх хуралд О.Цогтгэрэлийн талаас 26 өмгөөлөгч ирсэн тул шинээр томилогдсон өмгөөлөгч нар хэргийн материалтай танилцаагүй гэсэн үндэслэлээр шүүх хурлыг энэ сарын 13 хүртэл хойшлуулжээ.

Гэсэн хэдий ч О.Цогтгэрэлийн талаас “С.Эрдэнэд шинээр тамга олгосон УБЕГ-ын шийдвэр хүчингүй болгосон шийдвэр хүчин төгөлдөр хэвээр үлдлээ. О.Цогтгэрэл даргатай намд ашиглагдаж буй тамга цорын ганц хүчинтэй тамга мөн. Харин С.Эрдэнийн СЕХ-нд хүргүүлсэн материалууддаа дарсан тамга хууль бус болохыг шүүх тодотголоо” гэсэн мэдээллийг хэвлэл мэдээлэл болон олон нийтийн сүлжээгээр бүтэн хоногийн турш тараав. 

Болсон явпал юу вэ гэвэл энэ оны нэгдүгээр сард АН-ын ҮБХ-ны ээлжит бус хуралдаанаар Ц.Тувааныг намын даргын үүрэг гүйцэтгэгчээс чөлөөлж, УДШ Ц.Тувааны нэрийг цахим бүртгэлээс хассаны дараа Ц.Туваан нь намын тамгыг аван зугтсан. Харин С.Эрдэнэ өөрийг нь “АН-ыг итгэмжлэлгүй төлөөлөх этгээд”-ээр бүртгэсэн хуулийн этгээдийн гэрчилгээг барин АН-ын тамгыг дахин хэвлүүлж, тамганы шинэ дугаарыг улсын бүртгэлд бүртгүүлсэн юм байна.

Мэдээж Ц.Туваан нар С.Эрдэнэд тамганы шинэ дугаар олгосон УБЕГ-ыг Захиргааны хэргийн шүүхэд өгч, хоёрдугаар сарын 2-нд Нийслэлийн Захиргааны хэргийн анхан  шатны шүүхийн шүүгч Г.Мөнхтулга захирамж гарган УБЕГ-аас шинээр олгосон тамганы үйлчлэлийг түдгэлзүүлэх, мөн уг маргааныг хэлэлцэх шүүхийн процессийг ч бас тодорхойгүй хугацаагаар түдгэлзүүлсэн байна. Өөрөөр хэлбэл, шүүх хуралдаан болоогүй, шүүхээс ямар нэг шийдвэр гараагүй бөгөөд шүүх шийдвэрээ гаргах хүртэл С.Эрдэнэт олгосон тамганы үйлчлэлийг түр зогсоосон гэсэн үг.

Харин С.Эрдэнийн талаас шүүгчийн захирамжийг хууль бус хамаан үзэж, хүчингүй болгуулахаар хуульд заасан 7 хоногийн хугацаанд Давж заалдах шатны шүүхэд нэхэмжлэл гаргажээ. Шүүгчийн захирамжийг гуравдагч тал эс зөвшөөрч, сөрөг нэхэмжлэл гаргаснаар анхан шатнаас гаргасан шүүгчийн захирамж ч гэсэн түдгэлзэнэ. Өөрөөр хэлбэл, С.Эрдэнэ нарын тамгыг хүчингүй болгохын Давж заалдах шатны шүүхээр шийдвэр гаргуулах ёстой гэсэн үг. Гэтэл нөгөө тал нь шүүх хурлаа хийлгэхгүй хойшлуулаад байгаа нь “Баяраа өөрөө л ширээн дээрээс уначихсан юм билээ” гэдэг шиг л юм болж байна.

Дээр нь тамганы дугаар олгосон УБЕГ-ын дарга, улсын байцаагч нарыг МАХН-ын дарга асан Б.Даш-Ёндонгийн туслахаар ажиллаж байсан, УИХ-ын гишүүн С.Бямбацогтын хувийн компанид хүний нөөцийн мэргэжилтэн байсан гэх шалтгаанаар “МАН-ын гар хөл болсон байж болзошгүй” хэмээн үзэж, АТГ-т өгч буйгаа өчигдөр зарлав. Ширээн дээрээс унадаг байлаа ч ганцаараа унахгүй гэж үзэж байгаа бололтой. Нэгэнт маргаж байгаа хоёр талын хувьд байж болох л зүйл.

Ганц асуудал нь шүүгч яагаад шүүх хуралдаан хийлгүйгээр захирамж гаргасан бэ? Тэр тусмаа маргааныг хянан шийдвэрлэх шүүхийн ажиллагааг хүртэл түдгэлзүүлж, маргааныг улам томруулсан бэ? гэдэг асуулт. Эх сурвалжийн хэлснээр аливаа маргаанд хөндлөнгийн байр сууринаас хандаж, хараат бусаар шийдвэрээ гаргах ёстой шүүгч талуудын нэгтэй нь нууцаар уулзсан буюу утсаар ярьсан, "танай талд хөнгөн тусахаар шийдвэр гаргаж өгнө" гэсэн утгатай яриа хэлцэл хийсэн бичлэгийг С.Эрдэнийн талаас нотлох баримт болгон Давж заалдах шатны шүүхэд гаргаж өгсөн. Энэ шалтгаанаар захирамж гаргасан шүүгч нь Сахилгын хороогоор орж, шийтгэл аваад байгаа юм байна. 

Тэгэхээр АН-ын тамга атгасан С.Эрдэнэ, Ц.Туваан нарын маргаанд шүүх ч гэсэн эхнээсээ хутгалдаад явж байгаа бололтой. Уг нь бол шүүхийн захиргааны хэрэг маргаан таслах хугацаа дээд тал нь 60 хоног. Гэвч өнгөрсөн хоёрдугаар сард Давж заалдах шатны шүүхэд очсон маргааныг одоо болтол хэлэлцэгдэхгүй, хойшлуулсаар байгаад "Шүүх нөлөөнд автсан" гэдгээс өөр тайлбар олдохгүй л байна.   

Б.ЗАЯА

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.
iРедакцийн сонголт
iШинэ мэдээ
Шөнийн автобус 22:00-02:00 цагийн хооронд үйлчилж байна 6 мин Ж.Баярмаа: Гэмт хэрэгт холбогдсон төрийн өндөр албан тушаалтнуудаас байнга хариуцлага нэхэх нь чухал 10 мин З.Мэндсайхан: Оюу Толгойн хэлэлцээрийн баг удахгүй ирнэ 7 цаг 25 мин Мэдээж “Ар нь түүз!” 7 цаг 36 мин И-спорт болон оюуны спортын Азийн анхдугаар наадмыг 2027 онд зохион байгуулна 7 цаг 54 мин Улаанбаатарт өдөртөө 8 хэм хүйтэн 8 цаг 1 мин Аймгуудын өрсөлдөх чадварын 2026 оны тайлангийн үр дүнг танилцуулна 8 цаг 5 мин Д.Трамп Хятадад Ким Жөн Унтай уулзаж магадгүй гэв 8 цаг 10 мин Тайванийн Гадаад хэргийн сайд АНУ-д хоёр дахь удаагаа очжээ 8 цаг 15 мин Хятадын арбитр: Манай төрийн өмчит банкуудаас татсан зээлүүдийг “Болдтөмөр Ерөө гол” ХХК-ийн төмрийн хүдрийн уурхайд зохих ёсоор ашигласан байна 8 цаг 20 мин Д.Медведев улирлын хаалтын тэмцээнийг хожлоор эхлүүллээ 23 цаг 19 мин “Вояжер-1” сансрын төхөөрөмж түүхэн дээд амжилт тогтооход ойрхон байна 23 цаг 23 мин Голомт банк “Euromoney Awards”-ын дөрвөн төрөлд шилдгээр шалгарлаа Өчигдөр 14 цаг 22 мин А.Ганбаатар: Сүүлийн арваад жил төсөв 4 дахин тэлсэн ч хэт үрэлгэн, хүнийхээ төлөө биш байна Өчигдөр 14 цаг 08 мин У.Хүрэлсүх: Гүтгэлэг худал болохыг нотлохын тулд ажлаа өгч байгаад шалгуулна Өчигдөр 13 цаг 56 мин “Тавантолгой түлш” ХХК 51.2 мянган тонн түлшний нөөцтэй байна Өчигдөр 08 цаг 47 мин Энэ онд 51 байршилд 63.47 км авто замыг шинэчлээд байна Өчигдөр 08 цаг 36 мин Монгол, НҮБ-ын харилцаа: Энхийг сахиулах ажиллагаанаас дэлхийн бодлого тодорхойлох оролцоо руу Өчигдөр 08 цаг 31 мин Ерөнхий сайд Н.Учрал 2027 оны улсын төсвийн онцлох шийдвэрүүдийг танилцууллаа Өчигдөр 08 цаг 22 мин Ерөнхийлөгч У.Хүрэлсүх энхийг сахиулагчдыг төрийн одон, медалиар шагналаа Уржигдар 16 цаг 21 мин
iИх уншсан
Аймгийн заан Ц.Гонгорын нэрэмжит УАШТ-д Р.Омар түрүүллээ Ж.Шагжийн нэрэмжит олон улсын эрдэм шинжилгээний хурал болно... Монголын мөсөн сийлбэрчид Мадридын тэмцээнд түрүүллээ УИХ-ын дарга С.Бямбацогт БНСВУ-ын Үндэсний ассамблейн гишүүн... АН дотор угсарсан МАН-ын схем Д.Жаргалсайханыг Барилга, хот ... Э.Өлзийбаяр: Намын дотоод сонгуулийг МАН-тай нийлж луйвардса... З.Мэндсайхан: Тэтгэвэр, цалингийн нэмэгдлээр дамжуулан ажлын... Хууль зөрчиж хэрэг буцаасаар байгаа Дээд шүүхийг “байцаах” х... 1926-1930 онд Герман улсад суралцсан монгол залуучуудын боло... У.Хүрэлсүх: Гүтгэлэг худал болохыг нотлохын тулд ажлаа өгч б... Цагаачд иргэдийн шинэ цуваа АНУ-ын хилийг чиглэв “Герман, Франц улсад суралцсан анхны эмэгтэйчүүд” үзэсгэлэнг... Гавьяат тамирчин Э.Цэндбаатар 16 дараалан яллаа Улаанбаатарт өдөртөө 4 хэм хүйтэн УИХ-ын чуулганаар 2027 оны төсвийг эцэслэн баталлаа Дундаж давхаргын эсрэг хийж буй Монгол төрийн ужиг дайн Хуулийн төслүүдийн хэлэлцэх эсэх хэлэлцүүлгийг явууллаа Баруун болон төвийн аймгуудын ихэнх нутгаар цасан шуурга шуу... “Ерөнхийлөгчтэй, дээр нь эрх барьж байвал нам хагардаг” гэсэ... Энэ 7 хоногт Монгол Улсад
Top