Сүүлийн 24 цагийн хугацаанд улаанбурханы 51 тохиолдол лабораториор батлагдаж, 11 сэжигтэй тохиолдол бүртгэгдсэн талаар Эрүүл мэндийн байгууллагаас мэдээллээ. Одоогоор нийслэл болон орон нутагт өвчний тархалт нэмэгдэх хандлагатай байгааг холбогдох албаныхан анхааруулж байна.

Өнөөдрийн байдлаар улсын хэмжээнд улаанбурхан өвчний 18 тохиолдол батлагдсан гэж Эрүүл мэндийн яам мэдээллээ. Тухайлбал, өнгөрсөн шөнө Өмнөговь аймгаас 12 сорьц авчран шинжилснээс гурав нь батлагджээ.

ХӨСҮТ-өөс томуу, томуу төст болон улаанбурхан өвчний нөхцөл байдлын талаар мэдээлэл хийлээ.

Жил бүрийн гуравдугаар сарын хоёр дахь пүрэв гарагт “Бөөр хамгаалах дэлхийн өдөр”-ийг тодорхой уриан дор тэмдэглэж, бөөрний өвчлөлөөс урьдчилан сэргийлэх талаар олон нийтэд мэдээлэл хүргэдэг. Энэ жил “Таны бөөр эрүүл үү” уриан дор бөөрний өвчлөлийг эрт илрүүлэх ажлыг зохион байгуулж байна.

Хүний дархлал хомсдолын вирус (HIV)-ийн эсрэг жилд нэг удаа хийх тарилга анхны шатны аюулгүй байдлын туршилтаа амжилттай дуусгасныг The Lancet анагаах ухааны сэтгүүлд мэдээлжээ.

Сүүлийн жилүүдэд олон хүн махнаас татгалзах болж, үүнд эдийн засаг, эрүүл мэнд, байгаль орчны шалтгаанууд нөлөөлж байна. Жишээлбэл, Их Британид махны хэрэглээ 1980 оноос хойш 62%-иар буурсан гэж тооцоолжээ.

Улаанбурхан өвчний 11 дэх тохиолдол лабораторийн шинжилгээгээр батлагдлаа. Тухайн өвчтөн 2025 оны гуравдугаар сарын 1-4-ний өдрүүдэд Баянзүрх дүүргийн Нэгдсэн эмнэлэгт хэвтэн эмчлүүлж байсан байна.

Эдгээр тохиолдлуудад хийсэн тандалт судалгаагаар өвчилсөн хүүхдүүд улаанбурхны эсрэг товлолт дархлаажуулалтад хамрагдаагүй байсан нь тогтоогджээ.

Улаанбурханы өвчин дэгдэлт хэлбэрээр бүртгэгдэж буй Вьетнам улсад аялсан өгүүлэмжтэй улаанбурхан өвчний 3 дахь тохиолдол лабораториор батлагдсан. Уг тохиолдол нь 2025 оны 02 дугаар сарын 08-ны өдөр шөнийн 1 цагт Вьетнамын Хо Ши Мин-Улаанбаатар чиглэлийн МИАТ-ийн OM712 онгоцоор ирсэн иргэн байна. Иймд тус нислэгээр хамт ирсэн зорчигч нарт халуурах, тууралт гарах, ханиалгах, нус гоожих, нүд үрэвсэх шинж тэмдэг илэрвэл ХӨСҮТ-ийн 89016199 утас болон хүлээн авах, яаралтай тусламжийн тасгийн 1 болон 2 дугаар өрөөнд хандан үзлэг шинжилгээнд хамрагдахыг ХӨСҮТ-ээс зөвлөлөө. Мөн ХӨСҮТ-өөс холбогдсон тохиодолд мэдээллээ үнэн зөв төвөгшөөлгүй өгч хамтран ажиллахыг анхаарууллаа. Ингэснээр халдварыг цаг алдалгүй тодорхойлж голомтын хариу арга хэмжээг 72 цагийн дотор авч хэрэгжүүлсэнээр халдвар цааш тархахаас сэргийлэх боломжтой болох гэлээ.

Улаанбурхан нь вирусээр үүсгэгддэг цочмог халдварт өвчин бөгөөд агаар дуслын замаар буюу халдвартай хүн ханиаж, найтаах төдийд бусдад маш амархан халдварладаг. Бага насны хүүхдүүд уг өвчнөөр өвчилсөн тохиолдолд хүндрэх, улмаар эндэх эрсдэл өндөртэй байдаг.

Халдварт Өвчин Судлалын Үндэсний Төв (ХӨСҮТ)-өөс мэдээлснээр, Монгол Улсад улаанбурхан өвчний гурав дахь тохиолдол лабораторийн шинжилгээгээр батлагджээ.

Монгол Улсад хавдрын хими эмчилгээний 40 төрлийн эм хэрэглэгддэг гэсэн судалгаа бий.

Улсын гуравдугаар төв эмнэлэгт (УГТЭ) тархины гүний байрлалтай хорт хавдартай 80 настай өвчтөнд амжилттай мэс засал хийжээ. Өвчтөн одоо эрүүл саруул болсон байна.

2002 оноос хойш дэлхий даяар тэмдэглэж буй "Хүүхдийн хорт хавдартай тэмцэх олон улсын өдөр"-ийг энэ жил мөн уламжлал ёсоор тэмдэглэн өнгөрүүлж байна. Энэ өдөр нь олон нийтийн ойлголтыг нэмэгдүүлэх, хорт хавдартай хүүхдүүд, тэдний асран хамгаалагчдын бие, сэтгэцийн эрүүл мэндийг дэмжих, эрүүл зан үйлийг төлөвшүүлэх зорилготой.

Сонгинохайрхан нэгдсэн эмнэлгийн Яаралтай тусламжийн тасагт хоногт 350-500 дуудлага ирдэг бөгөөд үүний дийлэнх нь хоолны болон архины хордлого байдаг талаар эмнэлгийн ажилтнууд мэдээллээ. Тус үзүүлэлт нь тэмдэглэлт баяр, амралтын өдрүүдэд хэд дахин нэмэгддэг байна.

Монголчуудын уламжлалт баяр Цагаан сар гуравдугаар сард тохиох бөгөөд энэ нь менингококкт халдварын дэгдэлтийн оргил үе юм. Тиймээс баярын бэлтгэл хийх, золголт хийхдээ халдвар хамгааллын дэглэм сахихыг эрүүл мэндийн байгууллагаас зөвлөж байна.

ХӨСҮТ-өөс ээлжит мэдээллээ хийж, томуу, томуу төст өвчний тархалт улсын хэмжээнд алаг цоог дэгдэлтийн түвшинд байгааг мэдээллээ. Мөн менингококкт халдварын эрсдэл нэмэгдэж байгаа тул иргэдийг урьдчилан сэргийлэх арга хэмжээг сайтар авахыг зөвлөв.

Хавдар судлалын үндэсний төв (ХСҮТ) ирэх наймдугаар сараас роботоор мэс засал хийхээр бэлдэж байна. Энэ нь Монгол Улсад робот ашиглан мэс засал хийх анхны тохиолдол болох юм.

Германы Геттинген хотын их сургуулийн эрдэмтэд зүрхний дутагдлын хүнд хэлбэртэй өвчтөнүүдэд зориулан биологийн наалт ашиглах шинэ арга боловсруулжээ. Энэ наалт нь лабораторид ургуулсан зүрхний эсүүдээс бүрдэх бөгөөд зүрхний булчингийн агшилтыг дэмжиж, түүний үйл ажиллагааг сэргээх боломжтой гэж судлаачид үзэж байна.

Дэлхийн эрүүл мэндийн байгууллага (ДЭМБ) Европын Холбоог архины хэрэглээний дэлхийн онцгой бүс гэж тодорхойллоо.