Халдварт өвчин судлалын үндэсний төвөөс өгсөн мэдээллээр 2025 оны тавдугаар сарын 2-ны байдлаар улаанбурхан өвчний нийт 1106 тохиолдол лабораториор батлагджээ. Үүнээс:
-
223 хүн эмнэлэгт хэвтэн эмчлүүлж байгаа
-
92 хүн гэрийн хяналтад байна
-
791 хүн эдгэрсэн
-
20 сэжигтэй тохиолдол
-
11539 хавьтал илрүүлэгдсэн байна.
Улаанбурхан нь маш өндөр халдварлах чадвартай ч вакцинаар бүрэн сэргийлж болдог халдварт өвчин юм. Энэ удаагийн дэгдэлт нь ихэвчлэн ерөнхий боловсролын сургуулийн орчинд тархаж байгаа нь анхаарал татаж байна. Иймээс хамт сурдаг, ажилладаг орчинд байгаа хүүхэд, насанд хүрэгчид дархлаажуулалтад хамрагдах нь хамгийн чухал хамгаалалт юм.
Эрүүл мэндийн байгууллагууд иргэдийг дараах зөвлөмжийг дагахыг уриалж байна:
-
Улаанбурхан өвчний эсрэг вакцинд хамрагдах
-
Ханиалгах, найтаах үед амны хаалт хэрэглэх
-
Халдвар гарсан үед олон нийтийн газраар олон хүн цуглахаас зайлсхийх
-
Өвчний шинж тэмдэг илэрсэн тохиолдолд эмнэлэгт яаралтай хандах
Иргэн бүр хариуцлагатай байж, улаанбурхан өвчнөөс өөрийгөө болон бусдыг хамгаалцгаая.
Эх сурвалж: ХӨСҮТ.
