Мишель Гербер Кляйн, "Чарльз Джеймс: Portrait of an Unreasonable Man"

Зохиолч эмэгтэй Виржиния Вулф дизайнер Чарльз Жеймсыг суутан гэж нэрлэн, түүгээр бахдаж байлаа. Кристиан Диор түүний тухай "манай үеийн авъяас" гэсэн юм. Жеймсийн бүтээлүүд л Диорт "new look" хийх онгодыг нь оруулсан гэж ярих юм билээ. Гэтэл 1960-аад онуудад Жеймсийн алдар нь бүдэгрэсэн юм. Тэрээр "мушгиа" даашинз, "хийлэгдсэн" хантаазаараа (орчин үеийн өдөн хантаазын эхлэл болсон) мөн сүрчигтэй даашинзийн эхлэл "taxi dresses" зэргээр загварын түүхэнд мөнхөрчээ. Rizzoli хэвлэлийн газраас гаргасан ном нь авъяаслаг бөгөөд үглээ талтай  дизайнерын анхны нийтлэгдсэн намтар болж байна. Дээр нь уншигч та 1940-1950-иад онуудын дээд хүрээний түүхтэй танилцах боломжтой юм. 

Билл Каннингем, "Загварын мандалт: Нью-Йоркийн амьдрал"

The New York Times сонины 2016 онд таалал төгссөн Домогт стритстайл-гэрэл зурагчин Билл Каннингем гудамжны гэрэл зургийн төрлийг гаргагч юм. Тэрээр нутаг нэгтнүүддээ нэг саяар үнэлэгдсэн гэрэл зургийн архиваас гадна өөрийн намтраа үлдээснийг нь Penguin хэвлэлийн газраас хэвлэн танилцуулж байна. Номонд гэрэл зурагчин өөрийн замналаа өгүүлжээ. Загварын ертөнцийг хүлээн авдаггүй гэр бүлийнхээ тухай, Бостоноос Нью-Йоркт шилжин ирээд карьераа эхэлсэн тухай, гоо сайхны мэдрэмжийнхээ тухай олон сонирхолтой түүхийг тэр өгүүлжээ. Дашрамд хэлэхэд Каннингем мөнгийг сонирхож байсангүй, жижигхэн умгар урландаа амьдарч, нэгэн янзын хүрмийг ажлын хувцасны дэлгүүрээс авч өмсөн нарийхан ганц хүний орон дээрээ унтаж,  унадаг дугуй унан шагналынхаа чекийг бэлэн мөнгө болгон авч байгаагүй нэгэн байжээ.

Кристофер Петканас, "Лулу ба Ив: Лулу де ля Фалез ба Saint Laurent ордны тухай яригдаагүй түүх"

Лулу де ля Фалез ба Ив Сен-Лоран нарын харилцааны тухай шинэ номыг энэ жил зохиолч Кристофер Петканас хэвлүүллээ. Түүнийг бичсэнээр, тэр 150 ярилцлага авчээ. Үр дүнд нь ялдам инээмсэглэлд нуугдсан урлагийн тэнгэр Yves Saint Laurent-ы амьдралын нөгөө тал мөн Де ля Фалезын хүндхэн хүүхэд нас бас түүний архи, мансууруулагчтай холбоотой асуудал, эрэгтэйчүүдтэй замбраагүй холбоотой байсан, Парисын загварын ордон туслахын ордон түүнээс хэрхэн нүүрээ бууруулсан тухай ном бүтээгдсэн байна. 

Екатерина Кулиничева, "Кроссовкууд, Спортын гутлын соёлын амьдрал"

Хязгаарлагдмал тооны паки (дахин дахин гэсэн утгатай шашины хуучин хэллэг), өдөр тумтын коллабораци (уусалт, нийлэлт), ugly sneakers, арван минутын бүрэн "sold out" онлайн-худалдаа, KM20-ийн шинэ дропын төлөөх сурагчдын дугаарлалт гээд кроссовкууд (манайхны хэллэгийн пүүз) анзаарахгүй байж болохгүй хандлага болжээ. Орост энэ үзэгдлийг сэтгүүлч эмэгтэй тайлбарласан бөгөөд тэрбээр спортын загварын түүхч юм.

Мишель Пастуро, "Улаан"

Загварын ертөнцийн франц түүхч Мишель Пастурогийн өнгөний тухай ном хоёр жилийн өмнө хэвлэгдсэн ба өнгөрсөн онд оросууд түүнтэй танилцсан байгаа. Түүхчийн "Цэнхэр", "Хар", "Ногоон" гэсэн өмнөх номнууд нь Оросын "non-fiction" зах зээлд мегахит болж байв. Улаан дарс нь яагаад цагаанаас илүүтэйгээр сэргээдэг, эмэгтэйчүүд яагаад улаан уруулын будагт дуртай, хэрэв улаан өмсгөлтэй бол багууд яагаад спортод амжилттай байдаг зэрэгт хариу өгөхөөр Пастуро оролдсон байна. 

М.Цогт