ЦЕГ-ын Мөрдөн байцаах албаны Хүрээлэн буй орчны эсрэг гэмт хэрэг мөрдөн шалгах хэлтсээс 2019 оны нэгдүгээр сарын 25-ны өдрөөс хоёрдугаар сарын 2-ны өдрийн хооронд  Нийслэл хотын хэмжээнд зохион байгуулсан хяналт шалгалтын үр дүнд доорх хэргүүдийг илрүүлсэн байна.

Говь-Алтай аймгийн харьяат иргэн И нь Монгол Улсын засгийн газрын 2012 оны 07 дугаар тогтоолоор ховор амьтны жагсаалтад орсон Алтайнхойлог шувууны эд эрхтнийг зарах зорилгоор авч явсан, сонгинохайрхан дүүргийн 32 дугаар хороонд байрлах “Эмээлт” түүхий эд худалдан борлуулах зах дээр иргэн И, Х нар нь нэн ховор амьтны жагсаалтад орсон Цоохор ирвэсийн шинэ арьс, хөлдөөсөн махтайгаа гавлын ясыг зарах зорилгоор тээвэрлэж байсныг цагдаагийн алба хаагчид илрүүлэн шалгаж байна. 

Мөн иргэн Б,Э ховор амьтны жагсаалтад орсон Хүрэнбаавгайн долоон ширхэг хөлдөөсөн савар, иргэн Д, Н нар ховор амьтны жагсаалтад орсон хүрэн баавгайн эд эрхтнийг тээвэрлэж явсан, Иргэн А мөн нэн ховор амьтны жагсаалтад орсон цоохор ирвэсний хоёр ширхэг арьсыг зарах зорилгоор тээвэрлэж явсныг илрүүлэн мөрдөн байцаалтын ажиллагаа үргэлжилж байна.

Иргэд та бүхэн энэ төрлийн гэмт хэрэг үйлдэн, нэн ховор ан амьтан агнахгүй байхыг цагдаагийн байгууллагаас сэрэмжлүүлж байна.

Эх сурвалж: ЦЕГ-ын Хэвлэл мэдээллийн төв