Hэгдүгээр сарын 30-ны өдөр Увс аймгийн Баруунтуруун суман дахь хилийн цэргийн 0311 дүгээр ангид алба хааж байсан 19 настай байлдагч хилийн харуулд үүрэг гүйцэтгэж байгаад харуулын байрлалыг орхин оргосон талаар бид өмнө нь мэдээлсэн.

Түүнийг Завхан аймгаас цэрэгт татандаж очсон В хэмээн албаныхан мэдээлсэн ба хилийн харуулд үүрэг гүйцэтгэж байгаад харуулын байрлалаа орхин оргосон байна. Түүнийг цагдаагийн тусгай ангийнхан ОХУ-ын Хилийн албантай хамтран эрэн хайж эхэлсэн бөгөөд өнөөдөр авсан мэдээллээр алга болсон 19 настай байлдагч нас барсан байдалтай олдсон байна.

Албаны бус сурвалжийн хэлснээр Оросын хилээс буцаж орж ирэх замдаа орос цэргүүдэд будуулан амиа алдсан байж болзошгүй гэж үзэж байгаа юм байна.

Энэ талаар ХЗДХ сайд Ц.Нямдоржоос тодруулахад "Амь эрсдсэн цэргийн асуудлыг эхлээд ОХУ-ын тал шалгана" гэв.