Хоёр хоногийн өмнө Увс аймгийн Баруунтуруун суман дахь 0311-р ангид алба хааж байсан цэрэг оргосон тухай дуудлагыг өчигдөр хүлээж авчээ.

Өчигдөр оргодол цэргийг эрэн хайхаар Цагдаагийн тусгай албаныхан Улаанбаатараас гарсан байна. Эх сурвалжийн мэдээгээр оргодол цэрэг 19 настай, АКА буу, 50 ширхэг сумтай авч явсан байна.

Түүнийг ОХУ-ын хил даван зугтаасан байх магадлалтай гэж үзсэн учраас Оросын хилийн албаныхантай хамтран эрж хайх ажиллагаа явуулж байна.

Одоогийн байдлаар оргодол цэргийг олоогүй, эрэн хайх ажиллагаа үргэлжилж байгаа бөгөөд Хил хамгаалах газар болон Хууль зүй, дотоод хэргийн яам уг хэргийн талаар албан ёсны мэдээлэл өгөөгүй байна.