/Kyodo/. Урьдчилан тохиролцсоны дагуу Япон болон АНУ иений худалдан авалт хийснээр ам.доллартой харьцах уг валютын ханш сүүлийн 40 жилийн хугацаанд хамгийн доод түвшинд хүртэл унасныг зогсоох оролдлого хийлээ. Хоёр тал сүүлийн 15 жилийн хугацаанд валютын арилжаанд хөндлөнгөөс оролцож байгаагүй бөгөөд интервенцийг дахин хийж магадгүй гэдгээ мэдэгджээ.
Баасан гаригт Нью-Йоркийн арилжааны үеэр доллартой харьцах иений ханш 163.99-д хүрч, 1986 оноос хойших хамгийн доод түвшинд хүрч суларсны дараа, Ерөнхий сайд Санаэ Такаичигийн санхүүгийн бодлогыг хэрхэн санхүүжүүлэх тухай асуудал үүссэн үед энэхүү интервенцийг хийсэн байна.
Такаичи өнгөрсөн оны 10 дугаар сард Ерөнхий сайд болсноосоо хойш мөнгөний бодлогыг зөөлрүүлж эхлээд байсан үед иений ам.доллартой харьцах ханш 10 гаруй иенээр унасан билээ.
Өнгөрсөн сард Японы засгийн газрын 10 жилийн хугацаатай бондын өгөөж 2.900 хувьд хүрч, 30 жилийн хугацаан дахь хамгийн өндөр түвшинд хүрсэн бөгөөд олон хөрөнгө оруулагчид урт хугацаатай Японы бондыг худалдан авахаа багасгах болсноос бондын ханш буурах хандлагатай байсан юм.
Зургаадугаар сарын сүүлчээр танилцуулсан Такаичигийн эдийн засгийн бодлого нь банкны хүүг нэмэгдүүлэхийг засгийн газар таашаахгүй байгаа бөгөөд Японы Төв банк үнийн өсөлтийн эсрэг арга хэмжээ авахгүй нь гэсэн ойлголтыг төрүүлжээ.
