Ерөнхий сайд Г.Занданшатар албан тушаалаасаа чөлөөлөгдөх хүсэлтээ МАН-ын Удирдах зөвлөлд өгчээ. Өнгөрөгч оны зургадугаар сард УИХ дахь МАН-ын бүлгийн санал болгосноор МАН-ын Бага хурлаас Г.Занданшатарыг Монгол Улсын 34 дэх Ерөнхий сайдаар томилсон. Үүнээс хойш есөн сар гаруйн дараа МАН Засгийн газраа дахин шилгээв. Удирдах зөвлөлөөс МАН-ын дарга, УИХ -ын дарга Н.Учралыг Ерөнхий сайдад нэр дэвшүүлэхээр санал нэгдсэн байна. Н.Учралыг Ерөнхий сайдад нэр дэвшүүлсний дараа намын Бага хурлыг товлохоор тогтжээ.
УИХ дахь АН-ын бүлгээс гаргасан "Намын дарга Ерөнхий сайд байх ёстой" гэсэн саналыг МАН-ын зарим гишүүд дэмжсэнээр чуулганы үйл ажиллагаа гацаанд ороод байгаа. Тиймээс МАН-ын бүлэг хуралдаж, МАН-ын Удирдах зөвлөлөөр энэ асуудлыг ярилцаж, улс төрийн шийдвэр гаргах шаардлагатай гэж үзсэн байна.
Энэ зуурт, Н.Учрал Засгийн газраа байгуулахдаа АН, Үндэсний эвсэлтэй хамтарна гэх мэдээлэл ч түгээд байгаа. Харин АН-ын хувьд дараагийн Засгийн газартай хамтрахгүй гэсэн байна.
МАН-ЫН УДИРДАХ ЗӨВЛӨЛИЙН ГИШҮҮД:
- МАН-ын Ерөнхий нарийн бичгийн дарга Я.Содбаатар
- МАН-ын Нарийн бичгийн дарга Н.Энхбаатар
- МАН-ын Нарийн бичгийн дарга, СДМЗХ-ны ерөнхийлөгч Б.Пүрэвдагва
- МАН-ын Нарийн бичгийн дарга С.Мөнгөнчимэг
- МАН-ын Нарийн бичгийн дарга Ө.Золбаяр
- МАН-ын Нарийн бичгийн дарга М.Цэлмүүн
- МАН-ын Орон нутаг хариуцсан орон тооны бус нарийн бичгийн дарга Д.Мөнхсайхан
- МАН-ын орон тооны бус Нарийн бичгийн дарга Д.Сумъяабазар
- УИХ-ын гишүүн, Эрчим хүчний сайд Б.Чойжилсүрэн
- Монгол Улсын Ерөнхий сайд Г.Занданшатар
- УИХ-ын дэд дарга Ж.Бат-Эрдэнэ
- УИХ дахь МАН-ын бүлгийн дарга Ж.Батжаргал
- Монгол Улсын сайд, ЗГХЭГ-ын дарга С.Бямбацогт
- Ерөнхийлөгчийн Тамгын газрын дарга А.Үйлстөгөлдөр
- Нийслэлийн МАН-ын хорооны дарга, Нийслэлийн засаг дарга Х.Нямбаатар
- МАН-ын даргын ахлах зөвлөх Ч.Хүрэлбаатар
- Эдийн засаг, хөгжлийн сайд Ж.Энхбаяр
- Цахим хөгжил, инновац, харилцаа холбооны сайд Э.Батшугар
- Соёл, спорт, аялал, жуулчлал, залуучуудын сайд Ч.Ундрам
- Хот байгуулалт, барилгажуулалтын сайд Э.Бат-Амгалан
- Гадаад харилцааны сайд Б.Батцэцэг болон УИХ-ын гишүүн Х.Булгантуяа , Ж.Ганбаатар, Н.Наранбаатар, Л.Энх-Амгалан, У.Отгонбаяр, З.Мэндсайхан, Г.Тэмүүлэн, Ч.Номин, Д.Үүрийнтуяа, Б.Хэрлэн, М.Мандхай, Б.Уянга, Нийслэлийн ИТХ-ын төлөөлөгч Б.Ану-Үжин, МАН-ын Ерөнхий нарийн бичгийн даргын зөвлөх Б.Жавзандорж, Ерөнхийлөгчийн тамгын газрын Захиргаа, Санхүүгийн газрын дарга Б.Батцэцэг, Ерөнхий сайдын зөвлөх А.Энхзул, УИХ-ын Тамгын газрын Парламентын судалгаа хөгжлийн хүрээлэнгийн Бодлогын зөвлөлийн гишүүн Ц.Цогзолмаа, Удирдах Зөвлөлийн гишүүн, "Эрдэнэт критикал минералс" ТӨҮГ-ын Бүтээмж хариуцсан менежер М.Оюунчимэг.
