“Таван толгой түлш” болон ХХК “Энержи Ресурс” ХХК-ийн гэрээний хугацаа дуусгавар болсон тул “Агаарын бохирдлын төлбөрөөс бүрэн чөлөөлөх аж ахуйн нэгж, байгууллагын жагсаалт”-аас хасах шийдвэрийг Засгийн газрын ээлжит хуралдаанаар гаргав.

Засгийн газрын 2012 оны тогтоолоор баталсан “Түүхий нүүрс олборлодог аж ахуйн нэгж, байгууллагын агаарын бохирдлын төлбөрөөс чөлөөлөх, хөнгөлөх журам”-д 2020 онд нэмэлт оруулж, сайжруулсан шахмал түлш үйлдвэрлэхэд ашиглаж буй нүүрсний 70-аас доошгүй хувийг үнэгүй нийлүүлж байгаа аж ахуйн нэгж, байгууллагыг үндэсний аюулгүй байдлыг хангах зорилгоор түүхий нүүрс олборлодог аж ахуйн нэгж, байгууллагад хамруулахаар шийдсэн билээ.

Энэ дагуу Засгийн газрын 2021 оны тогтоолоор “Агаарын бохирдлын төлбөрөөс бүрэн чөлөөлөх аж ахуйн нэгж, байгууллагын жагсаалт”-д “Таван толгой түлш” ХХК-д түүхий эдийг үнэгүй нийлүүлж байсан “Энержи Ресурс” ХХК-ийг нэмж, агаарын бохирдлын төлбөрөөс бүрэн чөлөөлөөд байсан юм.