Баруун-Урт 2026 оны нэгдүгээр сарын 23 /МОНЦАМЭ/. УИХ-ын дарга Н.Учрал, зүүн бүсээс сонгогдсон гишүүдийн хамт Сүхбаатар аймагт ажиллаж байна.
Тэрбээр хөтөлбөрийн эхэнд Сүхбаатар сумын гуравдугаар багийн малчин Ч.Энхбатынд зочиллоо.
Сүхбаатар сум газар нутгаараа аймагтаа хоёрт ордог бөгөөд мал аж ахуй зонхилдог, мөн хадлан тэжээлийн гол бүс нутаг гэдгээрээ онцлог. Ч.Энхбат гуч гаруй жил мал маллаж байгаа Н.Энхбат гуай, малын гаралтай бүтээгдэхүүн, түүхий эдийн үнэ цэнийг өсгөх, эдийн засгийн эргэлтийг нэмэгдүүлэхэд анхаарч өгөхийг захилаа. Малч ухаанаа үе дамжин өвлүүлж яваа тэрбээр хөдөө нутгийн жинхэнэ баялаг бүтээгчдээ бодлогоор дэмжих учиртайг УИХ-ын даргад онцгойлон уламжлав.
Энэ өдөр УИХ-ын дарга Н.Учрал тус аймагт бүтэн өдөр ажиллах бөгөөд Баруун-Урт -Бичигт чиглэлийн хатуу хучилттай авто замын ажилтай танилцаж, орон нутаг, төр захиргааны байгууллагын удирдлагуудтай уулзана. Мөн хохирогчийг түр хамгаалах байртай танилцах, иргэд хөдөлмөрчидтэй уулзах зэргээр тусгай хөтөлбөрийн дагуу ажиллах юм.
