Уур амьсгалын үндэсний хороо хуралдаж, 2026 оны төлөвлөгөөгөө баталлаа

2026/01/20

Монгол Улсын Шадар сайд Х.Ганхуягаар ахлуулсан Уур амьсгалын үндэсний хороо өнөөдөр хуралдлаа.

Хуралдаанаар Үндэсний хорооны 2026 онд хэрэгжүүлэх арга хэмжээний төлөвлөгөөг хэлэлцэн баталлаа.

Мөн Монгол Улсын уур амьсгалын бодлогын шинэ шат болох Уур амьсгалын өөрчлөлтийн эсрэг үндэсний бодлого, салбар хоорондын уялдаа холбоог бэхжүүлэх асуудал, түүнчлэн уур амьсгалын өөрчлөлтийн чиглэлээр 2024-2025 онд хэрэгжүүлсэн бодлого, үйл ажиллагааны үр дүнг хэлэлцэв.

Энэ хүрээнд 2024-2025 онд хэрэгжүүлсэн арга хэмжээ болон "Тэрбум мод" үндэсний хөдөлгөөний хэрэгжилтийн явц, цаашдын төлөвлөлтийг холбогдох салбаруудаас танилцууллаа.

"Тэрбум мод" үндэсний хөдөлгөөний хүрээнд 1.5 тэрбум мод тарих зорилтоос өнөөдрийн байдлаар 127.9 сая модыг шууд болон дүйцүүлэх хэлбэрээр тарьж, 8.32 хувийн гүйцэтгэлд хүрсэн байна. Түүнчлэн Хөвсгөл, Завхан, Дорнод аймгуудад 5.1 сая га талбайд ой зохион байгуулалтын ажлыг хийж дуусган, ОХУ, БНХАУ-тай хиллэсэн бүсэд түймрээс хамгаалах 1166 км шороон зурвасыг сэргээж, 150 км зурвасыг шинээр байгуулжээ.

Ойн хөнөөлт шавжийн тархалтыг хязгаарлах зорилгоор 13 аймгийн 75 сум болон Улаанбаатар хотын ногоон бүсийн 387.1 мянган га талбайд тэмцлийн ажил зохион байгуулж, 1.3 тэрбум модыг хамгаалсан байна. Мөн Архангай, Говьсүмбэр, Өвөрхангай, Хэнтий аймагт 100 га талбайд хамгаалалтын ойн зурвас байгуулж, 165 мянган мод тарьсан бол цөлжилт, газрын доройтол, элсний нүүдлийг бууруулах зорилгоор говь, хээрийн бүсийн 160 га талбайд 264 мянган мод тарьжээ.

Түүнчлэн Уур амьсгалын үндэсний хороо хүлэмжийн хийн ялгарал, шингээлтийн хоёр жил тутмын анхдугаар тайланг боловсруулж, 2025 оны 12 дугаар сарын 30-нд НҮБ-ын Уур амьсгалын өөрчлөлтийн суурь конвенцын нарийн бичгийн дарга нарын газарт хүргүүлсэн байна. Мөн Уур амьсгалын ногоон сан, НҮБ-ын Хөгжлийн хөтөлбөрийн дэмжлэгтэйгээр Монгол Улсад нүүрстөрөгчийн зах зээлийг хөгжүүлэх эрх зүйн орчныг боловсронгуй болгох төслийг эхлүүлээд байна.

Хуралдааны төгсгөлд Шадар сайд Уур амьсгалын үндэсний хорооны 2026 оны үйл ажиллагааны төлөвлөгөөг баталж, хорооны хурлыг жилд хоёроос доошгүй удаа тогтмол хуралдуулах, төлөвлөгөөний хэрэгжилтийн тайланг 2026 оны 12 дугаар сарын 15-ны дотор холбогдох байгууллагуудад хүргүүлэхийг үүрэг болголоо.

Тэрбээр, Уур амьсгалын үндэсний хорооны үйл ажиллагааг зөвхөн холбогдох яамны танилцуулгаар хязгаарлах бус, салбар бүрийн хэрэгжилтийн тайлан, уялдаа холбоо, гишүүдийн идэвхтэй оролцоо, хамтын хариуцлагыг нэмэгдүүлэх шаардлагатайг онцлон тэмдэглэв. Үүний хүрээнд хорооны хурлыг тогтмолжуулж, шийдвэрийн хэрэгжилтийг хянах, хариуцлагын тогтолцоог тодорхой болгож, үйл ажиллагааг бодит үр дүнд чиглүүлэх шаардлагатайг онцоллоо гэж Монгол Улсын Шадар сайдын Хэвлэлийн албанаас мэдээллээ.

iСанал болгох

Ерөнхий шууд сайдаас асууя. Хотын даргыг хэзээ чөлөөлөх вэ?

Х.Нямбаатарыг хотын даргаас чөлөөлөх нь ял биш, шагнал юм

Оюутолгойн хэлэлцээн дээр С.Баярцогтыг томилчих

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

iРедакцийн сонголт

Зэрлэг капитализм

iШинэ мэдээ

Хэрэг бүртгэлтийн 2 хэрэгт 21 объектод нэгжлэгийн ажиллагаа явуулав 12 мин Цагаан сарын "Амар байна уу" үзэсгэлэн худалдаа үргэлжилж байна 1 цаг 28 мин Цагдаагийн байгууллагад нэг өдөрт 1676 дуудлага, мэдээлэл бүртгэгджээ 1 цаг 29 мин Эрчим хүчний дутагдлын улмаас цахилгаан хязгаарлаж болзошгүйг анхааруулав 1 цаг 30 мин “Чингис хаан” үндэсний музей Олон улсын өвийн хүрээлэнтэй хамтран ажиллана 1 цаг 31 мин Монголд анх удаа хүүхдэд цусны үүдэл эс шилжүүлэн суулгах эмчилгээг амжилттай хийлээ 1 цаг 32 мин Д.Трамп Газын зурвасын асуудлаарх "Энх тайвны зөвлөл"-д В.Путин, А.Лукашенко нарыг урилаа 1 цаг 33 мин Илон Маскийн xAI компани асар их эрчим хүч зарцуулдаг супер компьютер ашиглалтад орууллаа 1 цаг 35 мин Улаанбаатарт шөнөдөө 34 хэм хүйтэн 1 цаг 37 мин Уур амьсгалын үндэсний хороо хуралдаж, 2026 оны төлөвлөгөөгөө баталлаа 1 цаг 37 мин Эрүүл мэндийн яам, Онцгой байдлын ерөнхий газар хамтран ажиллана 1 цаг 38 мин Төгрөгийн гадаад валюттай харьцах ханш суларчээ 3 цаг 28 мин ОХУ-аас Монгол улсад газрын тосны бүтээгдэхүүнийг тогтвортой нийлүүлэхээр тохиролцов 3 цаг 39 мин Нийслэлд гэмт хэргээс урьдчилан сэргийлэх ажлыг эрчимжүүлнэ 3 цаг 39 мин НИТХ-ын дарга осол их гардаг замуудад ажиллаж, аюулгүй байдлыг хангах үүрэг өглөө 3 цаг 40 мин "Мөсөнд авиралт"-ын УАШТ-ийн шилдгүүд тодорлоо 3 цаг 40 мин 2026 оны битүүний ажлын өдрийг шилжүүлэх санал асуулга явуулж байна 3 цаг 41 мин Хятадын хүн ам дөрөв дэх жилдээ дараалан буурчээ 5 цаг 32 мин Батлан хамгаалахын сайд Д.Батлут Катар улсад болж буй олон улсын үзэсгэлэнд оролцож байна 5 цаг 34 мин Ургамал, газар тариалангийн хүрээлэн үр тарианы 100 гаруй шинэ сорт гаргажээ 5 цаг 35 мин

iИх уншсан

Оноо цуглуулах гэж яваад осгоод "мажийвал" яанам бэ Зэрлэг капитализм Оюутолгойн хэлэлцээн дээр С.Баярцогтыг томилчих ШХАБ, ЕАЭС руу тэмүүлэх Ираны явцуу зорилго Ерөнхий шууд сайдаас асууя. Хотын даргыг хэзээ чөлөөлөх вэ? Их Д.Нацагдоржоо төгрөг дээр залъя! Орос улсад Халимаг монгол сэхээтнийг баривчиллаа Дэлхийд металлын үнэ өсөх нь Монголд яаж нөлөөлөх вэ? Бид мэдээллийн аюулгүй байдлын аудит хийлгэх ёстой Цагдаа, дотоодын цэргийн алба хаагчдын нийгмийн баталгаанд а... Д.Трамп: Украинд энхийн хэлэлцээр байгуулахад Зеленский саад... АНУ-ын Элчин сайдын яамны төлөөлөл “Монгол сайхан бичигтэн”-... Нийслэл стартап, инновацлаг төслүүдийг бодлогоор дэмжинэ Саран дээр цөмийн реактор барина Дээрэлхэлт үйлдсэн сурагчийн хувийн хэрэгт тэмдэглэл хөтөлнө... “Ерөнхий сайдаас асууя” шууд ярилцлага маргааш 17:00–20:00 ц... Венесуэлийн сөрөг хүчний удирдагч Д.Трамптай уулзаж, Нобелий... “Чингис хаан” нисэх буудлыг түшиглэсэн олон улсын транзит зо... Бага боловсролын шинэчилсэн хөтөлбөрийг баталлаа АНУ-ын Төрийн департмент 75 улсын иргэдэд цагаачлалын виз ол...