Засгийн газрын ээлжит хуралдаан Төрийн ордонд үргэлжилж байна.
Тус хуралдаанаар Эдийн засгийн сэргэлтийг эрчимжүүлэх 300 хоногт хэрэгжүүлэх ажлын төлөвлөгөө, “Төрийн болон орон нутгийн өмчийн эд хөрөнгийн улсын үзлэг, тооллого явуулах тухай” Засгийн газрын тогтоолын төсөл, УИХ-ын гишүүн Х.Ганхуяг нарын санаачлан боловсруулсан Татварын ерөнхий хуульд нэмэлт, өөрчлөлт оруулах тухай, Аж ахуйн нэгжийн орлогын албан татварын тухай хуульд нэмэлт, өөрчлөлт оруулах тухай, Хувь хүний орлогын албан татварын тухай хуульд нэмэлт, өөрчлөлт оруулах тухай, Нэмэгдсэн өртгийн албан татварын тухай хуульд нэмэлт, өөрчлөлт оруулах тухай хуулийн төсөлд Засгийн газраас өгөх санал дүгнэлт, УИХ-ын гишүүн Б.Пунсалмаагаас санаачлан боловсруулсан “Улсын төсвийн хөрөнгө оруулалтаар төсөл, арга хэмжээг санхүүжүүлэх талаар авч хэрэгжүүлэх зарим арга хэмжээний тухай” УИХ-ын тогтоолын төсөлд Засгийн газраас өгөх санал дүгнэлт зэргийг хэлэлцэх юм.
Мөн “Визийн шаардлагаас чөлөөлөх тухай” Засгийн газрын 2023 оны 01 дүгээр тогтоолд өөрчлөлт оруулах тухай” Засгийн газрын тогтоолын төсөл, “Шинжлэх ухаан, технологийн их сургуулийн салбар-Олон улсын инженерийн сургууль байгуулах тухай” Засгийн газрын тогтоол, “Нийгмийн халамжийн тэтгэвэр, тэтгэмжийн хэмжээг шинэчлэн тогтоох тухай” Засгийн газрын тогтоолын төсөл, “Тэтгэврийн хэмжээг нэмэгдүүлэх, тэтгэврийн доод хэмжээг шинэчлэн тогтоох тухай” Засгийн газрын тогтоолын төсөл, “Музей өөрчлөн байгуулах тухай” Засгийн газрын тогтоолын төсөл, “Түүх, соёлын хосгүй үнэт дурсгалт зүйлийг улсын хилээр нэвтрүүлэх тухай” Засгийн газрын тогтоолын төсөл, “Улсын аялал жуулчлалын бүс тогтоож, хилийн заагийг батлах тухай” Засгийн газрын тогтоолын төслийг хэлэлцэхээр болжээ.
