Эрүүл мэндийн салбарын хөгжилд үнэтэй хувь нэмэр оруулсан нэр бүхий эрхмүүдийг Улсын Нэгдүгээр төв эмнэлгийн 100 жилийн ойгоор Монгол Улсын Ерөнхийлөгч У.Хүрэлсүх төрийн дээд шагналаар шагналаа. Монгол Улсын Ардын эмч цолоор бөөр болон элэг шилжүүлэн суулгах мэс заслын чиглэлээр олон арван жилийн турш хичээл зүтгэл гаргасан профессор Д.Нямсүрэн, профессор О.Сэргэлэн нарыг шагнав.
Хүний гавьяат эмч цолоор тус эмнэлгийн захирал асан Н.Оюунцэцэг, ерөнхий захирлын үүргийг түр орлон гүйцэтгэгч Л.Бямбасүрэн, зөвлөх эмч Д.Чулуунбаатар, П.Бүрэнжаргал, яаралтай тусламжийн тасгийн эрхлэгч С.Алтансүх нарыг шагнасан байна.
Мөн Хөдөлмөрийн гавьяаны улаан тугийн одонгоор С.Сонин, Э.Бат-Өлзий, Г.Энхцэцэг, Б.Доржханд нар, Алтан гадас одонгоор П.Мөнхтуул, Э.Энхчимэг, Ш.Цэрэнлхам, Д.Лхамсүрэн, Ч.Батдэлгэр, Ш.Баттулга, Л.Буянхишиг нар, харин Хөдөлмөрийн хүндэт медалиар Д.Долгор, Б.Батцэцэг, Л.Хэрлэнчимэг, Б.Эрдэнэчимэг, Ө.Баярцэнгэл нарыг тус тус шагналаа.
Ерөнхийлөгч У.Хүрэлсүх шагнал гардуулах үеэр эмч, ажилтнууд болон тэдний гэр бүл, хамт олонд талархал илэрхийлж, эрүүл мэндийн салбарт улам их амжилт гаргахыг ерөөлөө.

Эх сурвалж: Ерөнхийлөгчийн Тамгын газар.