Дархан-Уул аймгийн ИТХ-ын дарга бөгөөд ГХУСАЗСЗ-ийн дарга А.Янжмаагийн урилгаар Сэлэнгэ аймгийн ИТХ-ын дарга Г.Бат-Орхон, Төв аймгийн ИТХ-ын дарга Н.Энхболд нар уулзалт хийлээ. Уулзалтын үеэр төвийн бүсийн гурван аймаг гэмт хэргийн түвшинг бууруулах хамтын ажиллагааг шинэ шатанд гаргах, бодлогын баримт бичиг боловсруулах, аймгуудын ИТХ-ын харилцан туршлагыг солилцох талаар ярилцав. Мөн хамтарсан ажлын хэсэг байгуулж, түүнд гурван аймгийн Хууль хяналтын хэлтэс болон ГХУСАЗСЗ-ийн нарийн бичгийн дарга нарыг оролцуулахаар шийдвэрлэлээ. Тус ажлын хэсэг хамтран ажиллах төлөвлөгөө, санамж бичгийн төслийг боловсруулж, хэрэгжүүлэх юм.
Гурван аймгийн ИТХ-ын дарга нар аюулгүй, амгалан орчныг бүрдүүлэхийн тулд хил залгаа, хөгжлийн нэг чигийн бодлоготой бүсүүдийн уялдаа холбоо чухал гэдгийг онцоллоо.

Эх сурвалж: Дархан-Уул аймгийн ИТХ.