БНСУ-ын “Мидбар” компани КОЙКА олон улсын байгууллагын дэмжлэгтэйгээр ХХААХҮЯ-ны харьяа Хүнс, хөдөө аж ахуй, хөнгөн үйлдвэрийн судалгаа хөгжлийн төвтэй хамтран “Air Farm” хэмээх ухаалаг хүлэмжийн системийг Монголын нөхцөлд туршиж эхэлжээ. Энэхүү төсөл нь “Атрын IV” тогтвортой хөгжлийн аяны хүрээнд хэрэгжиж байгаа бөгөөд ус хэмнэх, инноваци нэвтрүүлэх, хөдөө аж ахуйн бүтээмжийг нэмэгдүүлэх зорилготой юм.
“Air Farm” систем нь хөрсний чийг, агаарын температур, ургамлын өсөлтийн явцыг бодит цагийн горимоор хянадаг ухаалаг төхөөрөмж бөгөөд усны хэрэглээг уламжлалт тариалангаас 99 хувь, вертикаль тариалангаас 90 хувиар бууруулах чадвартай. Энэ нь усны хомсдолтой бүс нутаг болон гамшгийн дараах нөхцөлд богино хугацаанд суурилуулж тариалан эрхлэх шинэ боломж нээж байна.
Төхөөрөмж нь хагас өдрийн дотор угсрах боломжтой, авсаархан, байшин дотор болон гадаа орчинд ашиглахад тохиромжтой юм. Талуудын үзэж буйгаар энэхүү технологийг нутагшуулах нь Монгол Улсын хүнсний хангамж, тогтвортой хөгжлийн бодлогод чухал ач холбогдолтой алхам гэж онцолжээ.
Эх сурвалж: ХХААХҮЯ.
