Засгийн газраас Оюу толгой төслийн асуудлаар байгуулсан ажлын хэсгүүдийн хамтарсан хурал энэ сарын хорин нэгэнд Төрийн ордонд болж, хэлэлцээний бэлтгэл ажлыг хэлэлцлээ. Хуралдаанаар ажлын хэсгүүдийн явцтай танилцаж, менежментийн гэрээ, хөрөнгө оруулалтын зээлийн хүү болон бусад нөхцлийн талаар хөрөнгө оруулагч талтай ирэх долоо хоногоос албан ёсоор хэлэлцээ эхлүүлэхээр тогтсон байна.

Ажлын хэсгүүд Сангийн яам, Аж үйлдвэр, эрдэс баялгийн яамдад байрлаж ажиллаж байгаа бөгөөд УИХ-ын гишүүн О.Батнайрамдал “Онтрэ” ХХК-ийн тусгай зөвшөөрлийн асуудлыг хариуцан судалж байна.

Хөрөнгө оруулагч талаас “Оюу толгой” ХХК болон Рио Тинто компанийн удирдлагууд оролцох ёстой ч эдгээр байгууллагад сүүлийн саруудад томилгоо, бүтэцийн өөрчлөлт явагдаж байна. Рио Тинтогийн гүйцэтгэх захирлаар өнгөрсөн наймдугаар сард Саймон Тротт томилогдож, компанид бүтцийн шинэчлэл зарласан. Харин “Оюу толгой” ХХК-ийн гүйцэтгэх захирал Дэйрдрэ Лингенфелдэр өнгөрсөн сарын дөрөвний өдөр өөрийн хүсэлтээр ажлаа өгсөн бөгөөд тус компанийн дараагийн удирдлагыг одоогоор тодруулаагүй байна.

Монголын Засгийн газар зээлийн хүүг бууруулах, гэрээний нөхцөлийг дахин тодорхойлох чиглэлд хэлэлцээ хийхээ дахин мэдэгдээд байна.

Эх сурвалж: Засгийн газрын Хэвлэл мэдээллийн алба.