Засгийн газрын өнөөдрийн хуралдаанд Засгийн газрын гишүүд 2025-2026 оны өвөлжилт, хаваржилтын бэлтгэл ажлын талаар танилцууллаа.
Тодруулбал, Хүнс, хөдөө аж ахуй, хөнгөн үйлдвэрийн сайд Ж.Энхбаяр, Эрчим хүчний сайд Б.Чойжилсүрэн, Хот байгуулалт, барилга, орон сууцжуулалтын сайд Э.Бат-Амгалан, Зам, тээврийн сайд Б.Дэлгэрсайхан, Байгаль орчин, уур амьсгалын өөрчлөлтийн сайд Б.Батбаатар, Нийслэлийн Засаг дарга бөгөөд Улаанбаатар хотын захирагч Х.Нямбаатар нар танилцуулгыг хийв.
Аймаг, нийслэл, сум, дүүргийн хэмжээнд бэлтгэх өвс, тэжээлийн аюулгүйн нөөц бүрдүүлэлтийг эрчимжүүлж, 2025 оны аравдугаар сард багтаан бүрэн хангахыг аймаг, нийслэлийн Засаг дарга нарт тус хуралдаанаас даалгалаа.
Мөн эрчим хүчний салбарын өвөлжилтийн бэлтгэл хангах ажлыг эрчимжүүлж, төлөвлөсөн хугацаандаа хэрэгжүүлэх, олон улсын болон улсын чанартай авто замын сүлжээний ашиглалтын хэвийн нөхцөл, замын хөдөлгөөний аюулгүй байдал, өвөлжилтийн бэлтгэлийг ханган ажиллахтай холбоотой шаардлагатай арга хэмжээг авч ажиллахыг салбарын сайд нарт даалгав.
