Харилцаа холбоо, мэдээллийн технологийн салбарт 27 мянга гаруй мэргэжилтэн хэрэгтэй байна.

Эдгээр хүний нөөцийг бэлтгэхэд их дээд сургуулиудын оролцоо чухал бөгөөд дэвшилтэт технологийн хөгжлийг дагаад хиймэл оюун, өгөгдөл, дрон, кибер аюулгүй байдал, програм хангамж зэрэг мэргэжлээр мэргэшсэн боловсон хүчнийг бэлтгэх шаардлага бий. Их дээд сургуулиудын хөтөлбөрт шинэ тутам гарч ирж буй мэргэжлийг хөгжүүлэх, судалгаа хийх талаар оруулах нь чухал байна.

ШУТИС-ийн харьяа Мэдээлэл, холбооны технологийн сургууль сүүлийн таван жилд хиймэл оюун, өгөгдөл, кибер аюулгүй байдал зэрэг таван шинэ мэргэжлийн хөтөлбөр эхлүүлж, эхний төгсөлтөө хийгээд байгаа. Цаашид энэ мэт хөтөлбөрийг төр бодлогоор дэмжиж, хүний нөөц бэлдэхээс гадна багш, судлаачдыг хөгжүүлэх боломжоор хангах шаардлагаг салбарын боловсон хүчнийг бэлтгэхэд тулгамдаж буй асуудлын талаар ЦХИХХЯ-ны Төрийн нарийн бичгийн даргын албан үүргийг түр орлон гүйцэтгэгч П.Алтан-Од их дээд сургуулиудын төлөөллийг хүлээн авч уулзах үеэр ярьж байлаа.

Мөн дотооддоо бэлдсэн боловсон хүчнээ хөгжингүй орон руу алдах тохиолдол ч түгээмэл байгаад төрийн бодлогоо чиглүүлэхийг хүсэв. Уулзалтад ШУТИС, МУИС, МУБИС, СЭЗИС, ҮБХИС, ХААИС болон хувийн сургуулиудын хориод төлөөлөл оролцжээ.

Харилцаа холбоо, мэдээллийн технологийн салбарын 12754 компанид 12 мянга гаруй хүн ажиллаж байгаагийн 23.39 хувь үүрэн холбоо, 15.30 хувь мэдээлэл холбооны сүлжээ, 10.27 хувь кабель шугам, цамхаг угсралт, бусад нь өргөн нэвтрүүлгийн телевиз, олон суваг дамжуулах үйлчилгээ, шуудангийн сүлжээ үйлчилгээ зэрэгт ажиллаж байгаа аж.