x

Хүүхдийнхээ амиар одон зүүхдээ тулаагүй шүү, Ерөнхийлөгч өө!

ЕТГ-ын газрын дарга Я.Содбаатар УИХ-ын дарга Г.Занданшатарт нэгэн “яс хавтайж, үс цаймаар” хуулийн төслийг өргөн барив. "Эхийн алдар" одонгийн шалгуурт өөрчлөлт оруулах тухай уг хуулийн төсөл ганцхан заалттай. Тодруулбал, айлын нас барсан хүүхдийг “төрүүлж өсгөсөн” хүүхдийн тоонд оруулж, одонгийн болзол хангуулахаар хуулийн төсөлд тусгажээ.

Одоо хүчин төгөлдөр үйлчилж байгаа хуулиар зургаан хүүхэд төрүүлж, өсгөсөн эхэд “Эхийн алдар” нэгдүгээр зэргийн одон, дөрвөн хүүхэд төрүүлж, өсгөсөн эхэд “Эхийн алдар” хоёрдугаар зэргийн одонг олгодог. Ингэхдээ, дөрөв болон зургаан хүүхэдтэй эхэд бага хүүхэд нь нэг нас хүрсний дараа нэг, хоёрдугаар зэргийн одон олгодог. Мөн 3 хүртэлх насанд нь үрчлэн авсан хүүхдийг “төрүүлж өсгөсөн” хүүхдийн тоонд оруулдаг. Мэдээж “Эхийн алдар” одон авахын тулд эдгээр хүүхдүүд бүгд эсэн мэнд, амьд сэрүүн байх ёстой.

Гэтэл ЕТГ-ын даргын өчигдөр танилцуулснаар "байгалийн аюулт үзэгдэл, осол, өвчин, гэмт хэргийн улмаас нас барсан нэг ба түүнээс дээш настай хүүхдээ "төрүүлж өсгөсөн"-д тооцох, одонд хамрагдах" тухай санал хүсэлт ЕТГ-т иргэдээс /ээж нараас/ ирсээр байна гэнэ ээ. Ингээд одонгийн “хүртээмжийг нэмэгдүүлэхийн тулд” хуульд өөрчлөлт оруулахаар болсон юм гэнэ.

Нэгдүгээрт, нас барсан хүүхдээ одонгийн хүүхдэд оруулна гэдэг эрүүл хүний, эх хүний хэлэх үг, хүсэх зүйл мөн үү? Хоёр настай, эсвэл 16, 17-той хүүхдээ цаг бусаар алдчихаад хүүхдээрээ биш, одонгоор дутдаг эх хүн байх уу? За байдаг байлаа гэхэд ёс бус хүсэлт, шаардлагыг нь ёсчлон биелүүлэх нь төрийн ёс зүй, ёс суртахуун мөн үү? Үүнийг тэгээд одонгийн "хүртээмжтэй байдал" гэх үү?

Яах вэ, монголчууд соц үеийн сэтгэлгээнээс салж чадаагүй нь үнэн, салахын төлөө бүгдээрээ хичээж зүтгэж байгаа нь бас үнэн. Соц нийгмийн үед айлын авгай нар “нам засгийнхаа буянаар” хүүхэд төрүүлж, нам засагтаа талархаж, тэрийг нь нам засаг нь үнэлдэг байсан байх. Угтаа бол хүн амаа л өсгөх гэсэн ядуу буурай улсын бодлого шүү дээ. Орчин үед бол эдийн засгийн хөшүүргээр шийддэг болсон. Хүүхдийн мөнгө ч гэсэн нэг хэлбэр нь. Тэгсэн чинь одоо тэр нь багадаад, очиж очиж нэг муу одон тэмдэг энгэртээ зүүхийн төлөө нас барсан хүүхдийнхээ нэрийг зээлдэхэд ямар ёс суртахуун, хүн чанар байна аа. Тэгээд бүр нас барсан шалтгааныг нь хүртэл ангилчихсан шүү.

Хүүхэд нь өвдөөд, эсвэл, ослоор нас барсан бол одонд оруулахгүй. Харин “байгалийн гамшиг болон гэмт хэргийн улмаас амиа алдсан бол” гээд цагаан дээр хараар биччихсэн байна. Нэг нь нөгөөгөөсөө юугаараа өөр, дээр юм. Эхийн хувьд “хүндэтгэн үзэх шалтгаан” юм уу? Эх хүний хувьд амь бол амь шүү дээ. Нэгэнт амь нь үгүй байхад “арай өөр нөхцөлд амиа алдсан юмаа” гээд эхийг шагнах уу? Ёстой нээрээ яс нь хавталтаж, үс нь цайна биз дээ. Эх хүн мөн л юм бол...

Монголчууд ядуу байж болно. Ухамсар дорой, харанхуй мунхаг, бүр авах идэхийн донтой, одонгийн өвчтэй ч байж болно. Гэхдээ арай ч нас барсан хүүхдийнхээ нэрийг зээлдэж энгэр цоолохдоо хүртэл доройтмооргүй, дорд үзэгдмээргүй байна. Амьгүй болсон хүүхдийг босгож ирээд ээж нарыг "нэхэн шагнана" гэдэг арай дэндэж байна аа, Ерөнхийлөгч өө! Түүнийхээ оронд хүүхэд төрүүлсэн хүн болгонд, бүр эр эмгүй наад одонгоо зүүгээд өгчих. Тэрийг чинь харин "хүртээмжтэй байдал" гэдэг юм.

Б.ЗАЯА

 

iСанал болгох
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (1)

  • Батсайхан (127.0.0.1)
    Үнэн үнэн
    2024 оны 05 сарын 15 | Хариулах
iРедакцийн сонголт
iШинэ мэдээ
Гадаадад байгаа монголчууд эргэж ирэхгүй гэдэг нь ортой доо 2 цаг 11 мин Ираны Ерөнхийлөгчийн осолдсон нисдэг тэргийг олжээ 2 цаг 18 мин Хотын дарга Х.Нямбаатарыг нийслэлийн МАН-ын хорооны даргаар сонгожээ 3 цаг 55 мин ЭМГЭНЭЛ 4 цаг 8 мин Улаанбаатарт өдөртөө 29 хэм дулаан 4 цаг 35 мин Б.Дэлгэрмаа: “Шинэ хоршоо” чинь зүгээр л нэгдэлжих хөдөлгөөн 4 цаг 42 мин Б.Хурцыг өмгөөлөх нь 5 цаг 10 мин О.Номинчимэг: “Хангай” зочид буудлын өмчлөгчид хугацаатай үүрэг даалгаварт хариу ирүүлээгүй Өчигдөр 13 цаг 06 мин Номын баяр “Илүү их уншъя” уриа дор зохион байгуулагдаж байна Өчигдөр 13 цаг 01 мин СУИС-ийн уулзварын зүүн талаас хүнсний 4 дүгээр дэлгүүрийн уулзварын зүүн тал хүртэлх авто замыг хааж, шинэчилнэ Өчигдөр 13 цаг 00 мин ЭМГЭНЭЛ | РЭНЦЭНГИЙН БАТЦЭНГЭЛ Өчигдөр 12 цаг 51 мин “Шинэ Хархорум” хотын хөгжлийн ерөнхий төлөвлөгөөг боловсруулах тендерт 54 улсаас хүсэлт ирүүлжээ Уржигдар 16 цаг 02 мин "Булаагдсан төр" (State capture) болчихгүй юмсан... Уржигдар 15 цаг 37 мин Сүхбаатарын талбайд ирээд сургалтын саналын хуудсыг бөглөж, туршиж үзэх боломжтой Уржигдар 14 цаг 56 мин С.Зоригийн хэрэг ба Л.Оюун-Эрдэнийн хээрийн шүүх 2024-05-17 Баянхонгор аймагт хууль зөрчиж олгосон хайгуулын тусгай зөвшөөрлүүдийг хүчингүй болголоо 2024-05-17 Олон хар хэрээн дундах ганц "цагаан хэрээ" 2024-05-17 Эверестэд авирахаар явсан Монголын хоёр уулчны нэгийнх нь цогцсыг олжээ 2024-05-17 “Нээлттэй ирээдүй” арга хэмжээ Дархан, Эрдэнэт, Хөвсгөл аймагт... 2024-05-17 Ц.Элбэгдорж: Гурван зүйлд төвлөрч хэдэн үг хэлье. Найман жил, АН, Хууль 2024-05-17
iИх уншсан
С.Зоригийн хэрэг ба Л.Оюун-Эрдэнийн хээрийн шүүх Ц.Элбэгдорж: Гурван зүйлд төвлөрч хэдэн үг хэлье. Найман жил... "Булаагдсан төр" (State capture) болчихгүй юмсан... ХҮНам ба М.Энхсайхан: Гомдлын улс төр Э.ЭНЭРЭЛ: Сонгуулийг зөвхөн нэг талын үйл ажиллагаа гэж харж... Олон хар хэрээн дундах ганц "цагаан хэрээ" Монгол сүгсэлзүүрийн Америк ориг Энэ зун төв болон зүүн аймгуудын нутгаар ус ихтэй, аадар бор... Хүүхдийнхээ амиар одон зүүхдээ тулаагүй шүү, Ерөнхийлөгч өө!... Улаанбаатар-Замын-Үүд-Эрээн чиглэлийн галт тэрэгний хуваарьт... Б.Хурцыг өмгөөлөх нь Б.Дэлгэрмаа: “Шинэ хоршоо” чинь зүгээр л нэгдэлжих хөдөлгөөн... Гадаадад байгаа монголчууд эргэж ирэхгүй гэдэг нь ортой доо ЭМГЭНЭЛ | РЭНЦЭНГИЙН БАТЦЭНГЭЛ Ихэнх нутгаар салхитай, зарим газраар бороо, нойтон цас орно... Эверестэд авирахаар явсан Монголын хоёр уулчны нэгийнх нь цо... Зээлээ төлсөн ч Хар жагсаалтад үлдсэн 127,761 иргэн, ААН-ийн... Б.Энхбаяр: Ч.Сайханбилэг бийлэгжүү, холбоо сүлбээтнүүд нь хэ... Словакийн Ерөнхий сайдын амь насанд халджээ ЭМГЭНЭЛ
Top