Нийслэлийн Цагдаагийн Удирдах Газрын Урьдчилан сэргийлэх газрын ахлах мэргэжилтэн, хошууч Х.Түвшинбаяр хар тамхины хэргийн талаар гадаад нөхцөл байдлыг танилцууллаа.
НҮБ-ын хар тамхитай тэмцэх албанаас гаргасан судалгаагаар дэлхийн хэмжээнд 15-64 насны 275 сая хүн хар тамхи хэрэглэдэг. 2030 он гэхэд ядуу буурай, хөгжиж буй орнуудын хар тамхи хэрэглэгчдийн тоо 40%-аар өснө гэсэн тайланг гаргажээ.
2022 онд КОВИД-ын үед улс орнууд хилээ хаасан үед үндэстэн дамнасан зохион байгуулалттай, хар тамхины бүлэглэлийн үйл ажиллагаа нарийсаж, далд хэлбэрт шилжсэн байна. Алтан гурвалжин буюу Мьянмар, Лаосын бүс нутагт хар тамхины төрлийн ургамлыг ихээр тарьдаг. Сүүлийн хоёр жилийн хугацаанд Монгол Улсын хилээр хар тамхи нэвтрүүлэхийг завдсан хэргүүдийн 75% нь уг бүс нутгууд болон Туркээр дамжиж орж ирсэн байна. НҮБ-аас ОХУ, БНХАУ хар тамхины шинэ төрлийг үйлдвэрлэх эрсдэлтэйг зарласан. БНХАУ-д хар тамхинд донтсон гурван сая хүн, жилд дунджаар 40,000 хүн нас бардаг судалгааг гаргажээ.
ОХУ-д жилд дунджаар хар тамхинаас болж, 7,000 хүн нас бардаг байна. Тус улсад сүүлийн хоёр жилд хар тамхи үйлдвэрлэгдэг лаборатори нь 47 буюу 40%-аар нэмэгдсэн мэдээлэл байна.
Монгол Улсын нутаг дэвсгэр дээр гадаадын 44 иргэн энэ төрлийн гэмт хэргийг үйлдэж, ял шийтгэл авсан.
- БНХАУ-ын 37
- Япон улсын нэг
- БНСУ-ын нэг
- ХБНГУ-ын хоёр
- БНТУ-ын гурав гээд 44 иргэн байна" хэмээн мэдээллээ.
Хар тамхины хэрэгт холбогдсон гадаадын 44 иргэнээс 13 нь 15-20 жил, үлдсэн нь 7-12 жилийн хорих ялаар шийтгэгджээ.
