Засгийн газрын ээлжит хуралдаан өнөөдөр болж байна.
Тус хуралдаанаар Ерөнхий сайд Л.Оюун-Эрдэнэ Батлан хамгаалахын сайд, Дэслэгч генерал Г.Сайханбаярыг огцруулна гэх албан бус мэдээлэл байна. Зэвсэгт хүчний 326-р ангид амиа алдсан цэргийн үхэл түүнийг сайдын суудлаас нь хөөх хэмжээнд яригдаж буй бололтой. Л.Оюун-Эрдэнийн Засгийн газрыг унагаах хэмжээний яриа дээгүүр явж байгаа ч БХ-ын сайдаар бамбай хийж байж болох юм.
Хэрвээ монголын төр хариуцлага хүлээлгэж чаддаг байсан бол эрхэм сайд гуай 2022 онд суудлаасаа огцрох байсан гэдгийг сануулья! Түүнийг 2020 оны долдугаар сарын 8-ны өдөр Бригадын генерал цол хүртэн, Батлан хамгаалахын сайдаар томилогдсоноос хойш буюу өнгөрсөн гурван жилийн хугацаанд нийтдээ 15 цэрэг амиа алджээ.
Гэвч Г.Сайханбаяр сайд хэвлэлд яриа өгөх үедээ “Цэрэг амиа алддаг асуудлыг 2022 оноос хойш таслан зогсоосон” гэж худал мэдээлсэн юм.
2022 онд 6 байлдагч, 2023 онд 4 байлдагч алба хааж байхдаа нас баржээ.
Дашрамд, ХЭҮК-оос сүүлийн 10 жилд 50 гаруй цэрэг алба хааж байхдаа амиа алдсан талаарх судалгааг мөн танилцуулсан юм.
