Нийслэлийн удирдах ажилтнуудын шуурхай зөвлөгөөнөөр "Хордлого, яаралтай тусламжийн төв"-ийг Баянгол, Гемодиализийн төвийг Хан-Уул дүүрэгт байгуулах санал гаргажээ.

Тодруулбал, Нийслэлийн Эрүүл мэндийн газрын дарга П.Эрхэмбулган "Ажлын хэсэг байгуулагдан, хүн амын өвчлөл, нас баралтын тэргүүлэх шалтгаан, өрхийн эрүүл мэндийн төвүүдийн тоонд тулгуурлан таван чиглэлийн тусламж үйлчилгээг 10 эрүүл мэндийн байгууллагад нэвтрүүлэх саналыг боловсруулаад байна.

Зарим дүүрэгт нэгдсэн эмнэлгийн зохион байгуулалттай эрүүл мэндийн байгууллага байгуулах ажил эхэлж байна. Төрөлжсөн төвийн зохион байгуулалтаар төлөвлөлтөө хийхээр болсон.

Тухайлбал,

1. Гэмтэл, сэргээн засах чиглэлийн эмнэлгийг Сонгинохайрхан, Баянзүрх, Налайх дүүрэгт,

2. Харвалт, шигдээсийн төвийг Сонгинохайрхан, Баянзүрх, Чингэлтэй дүүрэгт,

3. Хөнгөвчлөх төвийг Хан-Уул, Сүхбаатар дүүрэгт,

4. Хордлого, яаралтай тусламжийн төвийг Баянгол дүүрэгт,

5. Гемодиализийн төвийг Хан-Уул дүүрэгт байгуулах саналыг гаргаж байгаа" гэлээ.